ಸಾಮಾನ್ಯ ಪ್ರಶ್ನೆಗಳು

ಮಲೇಷ್ಯಾ ಮತ್ತು ಇಂಡೋನೇಷ್ಯಾದಲ್ಲಿ ಮುಸ್ಲಿಮರು ಮತ್ತು ಹಿಂದೂಗಳು ಶಾಂತಿ ಮತ್ತು ಸೌಹಾರ್ದತೆಯಿಂದ ಬದುಕುತ್ತಿದ್ದಾರೆ. ಪ್ರಪಂಚದ ಕೆಲವು ಸುಂದರವಾದ ದೇವಾಲಯಗಳು ಮಲೇಷ್ಯಾ ಮತ್ತು ಇಂಡೋನೇಷ್ಯಾದಲ್ಲಿ ಕಂಡುಬರುತ್ತವೆ. ಮುಸ್ಲಿಂ ರಾಷ್ಟ್ರಗಳು ತಮ್ಮ ಮುಸ್ಲಿಮೇತರ ನಾಗರಿಕರಿಗೆ ಹಕ್ಕುಗಳು ಮತ್ತು ಸ್ವಾತಂತ್ರ್ಯ ನೀಡಿವೆ ಎಂದು ಇದು ಸ್ಪಷ್ಟವಾಗಿ ತೋರಿಸುತ್ತದೆ.

ಶುಭಾಶಯ ಕೋರುವ ರೂಪಗಳು ಸ್ಥಳದಿಂದ ಸ್ಥಳಕ್ಕೆ ಬದಲಾಗುತ್ತವೆ. ಶುಭಾಶಯ ಕೋರುವ ಕ್ರಮ ವ್ಯಕ್ತಿಯು ಬೆಳೆದು ಬಂದ ರೀತಿ ಮತ್ತು ಅವರ ಸಂವೇದನೆಗಳ (ಸರಿ ತಪ್ಪು ಎನ್ನುವುದರ ಪರಿಚಯ) ಮೇಲೆ ಅವಲಂಬಿತವಾಗಿರುತ್ತದೆ. ಮುಸ್ಲಿಮರಿಗೆ, ಅವರ ಸಂವೇದನೆಗಳು ಅವರ ನಂಬಿಕೆಯಿಂದ ರೂಪುಗೊಂಡಿವೆ. ವಿದೇಶಿಯರು ನಮ್ಮನ್ನು ಅಭಿನಂದಿಸಿದಾಗ ನಮ್ಮ ಸಂವೇದನೆಯನ್ನು ಗೌರವಿಸಬೇಕೆಂದು ನಾವು ನಿರೀಕ್ಷಿಸುವಂತೆ, ನಾವು ಸಹ ನಮ್ಮ ಸಹ ಭಾರತೀಯರ ಸಂವೇದನೆಗಳನ್ನು ಗೌರವಿಸಬೇಕು.

ಮುಸ್ಲಿಮರು ತಮ್ಮ ಸೈದ್ಧಾಂತಿಕ ನಿಲುವಿನಿಂದಾಗಿ "ಪ್ರಸಾದ" ತಿನ್ನುವುದಿಲ್ಲ. ಇದು ಮಾಂಸಾಹಾರವನ್ನು ತಿನ್ನಲು ನಿರಾಕರಿಸುವ ಸಸ್ಯಾಹಾರಿಗಳ ಸೈದ್ಧಾಂತಿಕ ನಿಲುವನ್ನು ಹೋಲುತ್ತದೆ. ಸಸ್ಯಾಹಾರಿಗಳಿಗೆ ಬಳಸುವ ಮಾನದಂಡ ಮತ್ತು ನೀಡುವ ಪರಿಗಣನೆಯನ್ನೇ ಮುಸ್ಲಿಮರಿಗೂ ಅನ್ವಯಿಸಬೇಕು.

ಹಿಂದಿನ ಕಾಲದಲ್ಲಿ ಎಲ್ಲಾ ರಾಜರು, ಅವರ ನಂಬಿಕೆ ಏನೇ ಆಗಿದ್ದರೂ, ತಮ್ಮ ಆಳ್ವಿಕೆಯನ್ನು ರಕ್ಷಿಸುವ ಮತ್ತು ತಮ್ಮ ರಾಜ್ಯವನ್ನು ವಿಸ್ತರಿಸುವ ಸಾಮಾನ್ಯ ಗುರಿಯನ್ನು ಹೊಂದಿದ್ದರು. ಅವರು ಈ ಗುರಿಯನ್ನು ಸಾಧಿಸಲು ಸಹಾಯವಾಗುವ ಕೆಲಸಗಳನ್ನೇ ಮಾಡಿದರು. ನಾವು ಎಂದಿಗೂ ರಾಜರ ಕೃತ್ಯಗಳೊಂದಿಗೆ ಧರ್ಮವನ್ನು ಜೋಡಿಸಬಾರದು.