HomeMalayalamഗാലറി

ഗാലറി

സാമൂഹിക പെരുമാറ്റങ്ങൾ

സാമൂഹിക പെരുമാറ്റങ്ങളെ കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക

വെറുപ്പ് ഉണ്ടാക്കരുത് - മുഹമ്മദ് നബി (സ) പറഞ്ഞു: "നിങ്ങൾ സമാധാനം ( ആശ്വാസം) നൽകുവിൻ, പ്രയാസം ( വെറുപ്പ്) ഉണ്ടാക്കരുത്." - സഹീഹ് മുസ്ലിം # 1734

മറ്റുള്ളവരെ സഹായിക്കൽ - മുഹമ്മദ് നബി (സ) പറഞ്ഞു: ഒരാളെ അയാളുടെ വാഹനം ഓടിക്കാനോ അല്ലെങ്കിൽ അതിലേക്ക് ലഗേജ് കയറ്റാനോ സഹായിക്കുകയാണെങ്കിൽ അതും ഒരു ദാനധർമ്മമാണ്. - സഹീഹ് മുസ്ലിം 1009

രോഗിയെ സന്ദർശിക്കൽ - മുഹമ്മദ് നബി (സ) പറഞ്ഞു: നിങ്ങൾ രോഗികളെ സന്ദർശിക്കുവിൻ (അവരെപ്പറ്റി അന്വേഷിക്കുവാനും അവരെ ആശ്വസിപ്പിക്കുവാനും വേണ്ടി). - ബുഖാരി #5649

നിങ്ങൾ ഒരു വാട്ട്‌സ്ആപ്പ് സന്ദേശം ഫോർവേഡ് ചെയ്യുന്നതിന് മുൻപ് - "സത്യവിശ്വാസികളേ, ഒരു കുഴപ്പക്കാരൻ നിങ്ങളുടെ അടുത്ത് വല്ല വാർത്തയുമായി വന്നാൽ അത് എന്തെന്ന് വ്യക്തമായി പരിശോധിച്ചതിനു (ശേഷമേ മറ്റുള്ളവരിലേക്ക് ഫോർവേർഡ് ചെയ്യാൻ പാടുള്ളൂ). (അല്ലാത്തപക്ഷം) മറ്റുള്ളവരിലേക്ക് അത് ഉപദ്രവമായിത്തീരുകയും അതുമൂലം നിങ്ങൾ ഖേദിക്കേണ്ടി വരികയും ചെയ്യും. അന്ധമായി സന്ദേശങ്ങൾ ഫോർവേഡ് ചെയ്യരുത് - ഖുർആൻ അധ്യായം 49 വചനം 6

വിട്ടുവീഴ്ച ചെയ്യുക - (നബിയേ) നീ വിട്ടുവീഴ്ച (മാപ്പ്) സ്വീകരിക്കുകയും, സദാചാരം കൊണ്ട് കല്പിക്കുകയും, വിവരമില്ലാത്തവരിൽ നിന്നും തിരിഞ്ഞു കളയുകയും ചെയ്യുക. - ഖുർആൻ അധ്യായം 7 വചനം 199

ജനങ്ങളെപ്പറ്റി മോശമായി സംസാരിക്കരുത് - നിങ്ങളിൽ ചിലർ ചിലരെപ്പറ്റി (അവരുടെ അഭാവത്തിൽ) പരദൂഷണം പറയരുത്. തൻ്റെ സഹോദരൻ മരണപ്പെട്ടവനായിരിക്കെ അവൻ്റെ മംസം തിന്നുന്നതിനു നിങ്ങളിലൊരാൾ ഇഷ്ട്ടപ്പെടുമോ? എന്നാൽ നിങ്ങളത് വെറുക്കുന്നു .(അതുപോലെ ഒന്നത്രെ പരദൂഷണവും) നിങ്ങൾ ദൈവത്തെ സൂക്ഷിക്കുകയും ചെയ്യുവീൻ. - ഖുർആൻ അധ്യായം 49 വചനം 12

പറയുന്നത് പ്രാവർത്തികമാക്കുക - സത്യവിശ്വാസികളേ! നിങ്ങൾ ചെയ്യാത്തത് എന്തിന് വേണ്ടിയാണ് നിങ്ങൾ പറയുന്നത്?ചെയ്യാത്തത് പറയുക എന്നുള്ളത് ദൈവത്തിൻ്റെ അടുക്കൽ ഏറ്റവും കോപമുള്ള കാര്യമാകുന്നു. - ഖുർആൻ അധ്യായം 61 വചനം 2 &3

തിന്മയെ നന്മ കൊണ്ട് തടയുക - നന്മയും തിന്മയും സമമാവുകയില്ല.കൂടുതൽ നല്ലത് ഏതോ അതുകൊണ്ട് തിന്മയെ തടയണം,അങ്ങനെ ചെയ്യുന്ന പക്ഷം ശത്രുതയോടെ വർത്തിക്കുന്നവർപോലും പരസ്പരം ഉറ്റമിത്രങ്ങൾ ആയിത്തീരും. - ഖുർആൻ അധ്യായം 41 വചനം 34

ആലോചിച്ചു സംസാരിക്കുക - നീ എന്‍റെ വിശ്വാസികളായ ദാസന്‍മാരോട്‌ പറയുക; അവര്‍ പറയുന്നത്‌ ഏറ്റവും നല്ല വാക്കായിരിക്കണമെന്ന്‌. തീര്‍ച്ചയായും പിശാച്‌ അവര്‍ക്കിടയില്‍ ( കുഴപ്പം ) ഇളക്കിവിടുന്നു. തീര്‍ച്ചയായും പിശാച്‌ മനുഷ്യന്ന്‌ പ്രത്യക്ഷ ശത്രുവാകുന്നു. - ഖുർആൻ അധ്യായം 17 വചനം 53

മറ്റുള്ളവർക്ക് ഉപകാരം ചെയ്യുമ്പോൾ - അധികം (ലഭിക്കുവാന്‍) ആഗ്രഹിച്ചുകൊണ്ടു നീ(മറ്റുള്ളവരിലേക്ക്) ഉപകാരം ചെയ്യരുത്. - ഖുർആൻ അധ്യായം 74 വചനം 6

അസഭ്യമായ വിളിപ്പേരുകൾ - നിങ്ങൾ പരസ്പരം(അസഭ്യമായ) സ്ഥാനപ്പേരുകൾ വിളിക്കരുത്. - ഖുർആൻ അധ്യായം 49 വചനം 11

സത്യവാന്മാരോടൊപ്പം നിലകൊള്ളുവിൻ - സത്യവിശ്വാസികളേ ! നിങ്ങൾ(നിങ്ങളുടെ ചിന്ത,വാക്ക്,പ്രവർത്തി എന്നിവയിൽ) ദൈവത്തെ സൂക്ഷിക്കുകയും, സത്യം പറയുന്നവരുടെ കൂടെ നിലകൊള്ളുകയും ചെയ്യുവിൻ.ഒരു സത്യവിശ്വാസി ഒരിക്കലും വ്യാജന്മാരെയും വ്യാജപ്രചാരകരെയും പിന്തുണക്കുകയില്ല. - ഖുർആൻ അധ്യായം 9 വചനം 119

നിങ്ങൾ ഒരു തിന്മക്ക് സാക്ഷിയാകുമ്പോൾ മുഹമ്മദ് നബി (സ) പറഞ്ഞു:"നിങ്ങളിൽ ആരെങ്കിലും ഒരു തിന്മ കണ്ടാൽ അത് അവൻ തന്റെ കൈ കൊണ്ട് (പ്രവർത്തിയിലൂടെ) തടഞ്ഞുകൊള്ളട്ടെ . ഇനി അവന് അതിന് കഴിയുന്നില്ലെങ്കിൽ അവന്റെ നാവുകൊണ്ട് (സംസാരിച്ചുകൊണ്ട്) തടഞ്ഞുകൊള്ളട്ടെ. അതും ചെയ്യാൻ കഴിയുന്നില്ലെങ്കിൽ അവൻ്റെ ഹൃദയം കൊണ്ട് (അതിനെ വെറുക്കുകയും അത് തെറ്റാണെന്ന് വിശ്വസിക്കുകയും) ചെയ്തുകൊള്ളട്ടെ , അതാണ് (ദൈവത്തിലുള്ള) വിശ്വാസത്തിൻ്റെ ഏറ്റവും ദുർബലമായത്. സഹീഹ് മുസ്ലിം # 49

തിന്മയെ തടഞ്ഞില്ലെങ്കിൽ.... മുഹമ്മദ് നബി (സ) പറഞ്ഞു:"ജനങ്ങൾ തിന്മ കാണുകയും എന്നിട്ട് അത് തടുക്കുകയും ചെയ്തില്ലെങ്കിൽ നിശ്ചയമായും ദൈവം അവന്റെ ശിക്ഷ (ജനങ്ങൾക്കും അത് ചെയ്യുന്നവർക്കും) മേൽ ഇറക്കുന്നതാണ്. ഇബ്നു മാജ # 4005

എപ്പോഴാണ് എല്ലാവരും ശിക്ഷിക്കപ്പെടുക? നിശ്ചയമായും ദൈവം കുറച്ചാളുകളുടെ ദുഷ്പ്രവർത്തി കാരണം മുഴുവൻ ആളുകളെയും ശിക്ഷിക്കില്ല. എന്നാൽ ജനങ്ങൾ അവർക്കിടയിൽ തിന്മ പ്രകടമാകുന്നത് കാണുകയും അവർക്ക് അത് തള്ളിക്കളയാൻ കഴിവുണ്ടായിട്ടും അതിനെ തള്ളിക്കളയാതിരിക്കുകയും ചെയ്യുന്ന പക്ഷം തിന്മ ചെയ്യുന്നവരെയും മുഴുവൻ സമൂഹത്തെയും ദൈവം ശിക്ഷിക്കും. മുസ്നദ് അഹമ്മദ് # 17720

തിന്മ തടയാതിരിക്കുന്നത് ഒരു ദുഷ്പ്രവർത്തിയാണ് അവര്‍ ചെയ്ത ദുരാചാരത്തെക്കുറിച്ചു അവര്‍ പരസ്പരം വിരോധിക്കാറില്ലായിരുന്നു. അവര്‍ ചെയ്തുകൊണ്ടിരുന്നത് വളരെ ചീത്ത തന്നെ. ഖുർആൻ അധ്യായം 5: വചനം 79

പ്രാർത്ഥനകൾക്ക് ഉത്തരം കിട്ടുന്നില്ലേ? "മുഹമ്മദ് നബി (സ) പറഞ്ഞു: എൻ്റെ ആത്മാവ് ആരുടെ കയ്യിലാണോ(അവൻ തന്നെയാണ് സത്യം) നിങ്ങൾ നന്മ കൽപ്പിക്കുകയും തിന്മ വിരോധിക്കുകയും ചെയ്യുക, ഇല്ലെങ്കിൽ ദൈവം അവൻ്റെ ശിക്ഷ നിങ്ങളുടെ മേൽ ഇറക്കുന്നതാണ്, എന്നിട്ട്(ആ ശിക്ഷയിൽ നിന്നും രക്ഷപ്പെടാൻ വേണ്ടി) നിങ്ങൾ അവനോട് പ്രാർത്ഥിക്കും എന്നാൽ അവൻ നിങ്ങളുടെ പ്രാർത്ഥനയ്ക്ക് ഉത്തരം നൽകുകയില്ല. " തീർമിദി # 2169

സത്യത്തിനു വേണ്ടി നിലകൊള്ളുവിൻ "മുഹമ്മദ് നബി (സ) പറഞ്ഞു: നിശ്ചയമായും ഒരു വ്യക്തിക്ക് സത്യം എന്താണെന്ന് അറിഞ്ഞിട്ടും ജനങ്ങളെ ഭയന്ന് സത്യം പറയുന്നതിൽ നിന്ന് അത്(ആ ഭയം)അവനെ തടയരുത്." ഇബിനു മാജ # 4007

ദുഷ്ടന്മാരെ ഒരിക്കലും പിന്തുണയ്ക്കരുത് "മൂസ പറഞ്ഞു: എൻ്റെ ദൈവമേ നീ എനിക്ക് ചെയ്തു തന്നിട്ടുള്ള അനുഗ്രഹം കൊണ്ട് ഞാൻ ഒരിക്കലും കുറ്റവാളികളെ പിന്തുണയ്ക്കുകയില്ല " ഖുർആൻ അധ്യായം 28: വചനം 17

ദൈവത്തിന്റെ കാരുണ്യം വേണമെങ്കിൽ... മുഹമ്മദ് നബി(സ) പറഞ്ഞു: ആരെങ്കിലും(മറ്റുള്ളവരോട്)കരുണ കാണിക്കുകയാണെങ്കിൽ നിശ്ചയമായും ദൈവം അവനോട് കരുണ കാണിക്കുന്നതാണ്. ബുഖാരി # 7448

കാര്യങ്ങൾ എളുപ്പമാക്കുക മുഹമ്മദ് നബി(സ) പറഞ്ഞു: പഠിപ്പിക്കുകയും കാര്യങ്ങൾ എളുപ്പമാക്കുകയും ചെയ്യുക, കാര്യങ്ങൾ ബുദ്ധിമുട്ടാക്കരുത് അദാബുൽ മുഫ്രദ് # 245

WHAT OTHERS ARE READING

Most Popular