HomeTamilகேலரி

கேலரி

இறைத்தூதர் முஹம்மது பற்றி முஸ்லிம் அல்லாத தலைவர்கள்

இறைத்தூதர் முஹம்மது பற்றி முஸ்லிம் அல்லாத தலைவர்கள் படிப்பினைகள் கொண்ட போஸ்டர்களை பதிவிறக்கம் செய்யுங்கள். பதிவிறக்கம் செய்ய, போஸ்டரின் மேல் சற்று நேரம் விரலால் அழுத்தி, “டவுன்லோட்” ஐ அழுத்தவும்!

இறைத்தூதர் முஹம்மது நபி பற்றி சுவாமி விவேகானந்தர் - சமத்துவத்தின் தூதரான முஹம்மது வந்தார். “அவருடைய மதத்தில் என்ன நன்மை இருக்க முடியும்?” என்று நீங்கள் கேட்கிறீர்கள். நன்மை இல்லமால், அந்த மதத்தால் நிலைத்து நிற்க முடியுமா? நன்மையுள்ள ஒன்று மட்டுமே நிலைத்து நிற்கும். ஏனென்றால், நன்மைக்கு மட்டுமே வலிமையுண்டு. அதனால் அது நிலைத்து நிற்கிறது. -சுவாமி விவேகானந்தரின் சொற்பொழிவுகள்- பாகம் 4, உலகம் கண்ட மாபெரும் ஆசான்கள்

இறைத்தூதர் முஹம்மது நபி பற்றி திவான் சந்த் ஷர்மா - முஹம்மது அவர்களின் நேர்மையும், பாரபட்சமின்றி எல்லோரையும் நடத்தும் நற்பண்பும் அரேபியா முழுவதும் நன்கு அறியப்பட்டதால், எல்லா மதத்தை சேர்ந்தவர்களும், தங்கள் பிரச்சனைகளைத் தீர்க்க அவரிடம் வந்தனர். ஒரு யூதருக்கும் முஸ்லிமுக்கும் இடையே தகராறு ஏற்பட்டாலும், தன்னுடைய மதத்தை முஸ்லிம் பின்பற்றுகிறார் என்பதற்காக, அவருக்கு யூதரை விட அதிகமாக எந்த சலுகையும் முஹம்மது அவர்கள் காட்டவில்லை -திவான் சந்த் ஷர்மா, கிழக்கை சேர்ந்த இறைத்தூதர்கள், பக்கம் 116

இறைத்தூதர் முஹம்மது நபி பற்றி சரோஜினி நாயுடு - சகோதரத்துவம் என்பது இஸ்லாம் போதிக்கும் அடிப்படைக் கோட்பாடு. சமூக வட்டாரத்திலும், ஆன்மீக வட்டாரத்திலும் சகோதரத்துவம், அதாவது பிற மதத்தை சேர்ந்தவர்கள் தங்கள் வணக்க வழிபாடுகளைச் செய்ய சுதந்திரமாக விட்டுவிடுவது. இதைத்தான் நாம் சகிப்புத்தன்மை, பரந்த மனப்பான்மை, நாகரீகம் என்கிறோம். -சரோஜினி நாயுடு (சுதந்திரப் போராட்ட வீரர், கவிஞர்) 1917 இல் சென்னையில் ஆற்றிய உரையிலிருந்து.

இறைத்தூதர் முஹம்மது நபி பற்றி அன்னி பெசன்ட் -அரேபியாவில் வாழ்ந்த இந்த மாபெரும் இறைத்தூதரின் வாழ்க்கையையும், நற்குணங்களையும் பற்றி படிக்கும் எவரும், அவர் என்ன கற்பித்தார், எப்படி வாழ்ந்தார் என்பதை அறியும் போது, மகத்தான இறைவனின் இறைத்தூதர்களில் ஒருவரான அவரைப் பற்றி நல்ல அபிப்பிராயமும், மதிப்பும் மட்டுமே ஏற்படும். - அன்னி பெசன்ட் - எழுத்தாளர், இந்திய சுயாட்சியை ஆதரித்தவர்

இறைத்தூதர் முஹம்மது நபி பற்றி மகாத்மா காந்தி -இறைத்தூதர் முஹம்மது அவர்களின் வரலாற்றை படித்த பிறகு. இஸ்லாத்திற்கு கிடைத்த வெற்றி, வாள் மூலமாக கிடைத்தது அல்ல என்பதை முன்பை விட இப்போது உறுதியாக நம்பினேன். இறைத்தூதர் முஹம்மது அவர்களின் எளிமை, நன்னடத்தை, தன்னலமில்லாமல் உடன்படிக்கைகளையும், வாக்குறுதிகளையும் நிறைவேற்ற அவர் காட்டிய தீவீரம், தன் தோழர்களோடும் தன்னைப் பின்பற்றியவர்களோடும் அவர் காட்டிய அன்பு, அற்பணிப்பு, இறைவன் மீது அவர்கள் வைத்திருந்த நம்பிக்கை, தன் பணியை செய்வதிலிருந்த உறுதிப்பாடு - இவையே இஸ்லாம் பரவுவதற்கு வழிவகுத்ததேயன்றி, இஸ்லாம் வாளால் பரவவில்லை என்பதை உளப்பூர்வமாக அறிந்து கொண்டேன் - தொகுக்கப்பட்ட காந்தியின் படைப்புகள், பாகம் 29, பக்கம் 133

இறைத்தூதர் முஹம்மது நபி பற்றி சர் ஜார்ஜ் பெர்னார்ட் ஷா -அவரை மனிதகுலத்தின் பாதுகாவலர் என்றே அழைக்க வேண்டும். அவரைப் போன்ற ஒரு மனிதருக்கு நவீன உலகத்தின் அதிகாரம் கிடைத்தால், உலகிற்கு தேவையான அமைதியையும் மகிழ்ச்சியையும் பெற்றுத் தந்து, அனைத்து பிரச்சினைகளையும் தீர்த்து விடுவார். -சர் ஜார்ஜ் பெர்னார்ட் ஷா, தூய இஸ்லாம், பாகம் 1

WHAT OTHERS ARE READING

Most Popular