Homeമലയാളംഗാലറി
ഗാലറി

രക്ഷാകർതൃത്വം

രക്ഷാകർതൃത്വത്തെ കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക.
കുട്ടികൾ നിങ്ങളുടെ ഉത്തരവാദിത്വമാണ് മുഹമ്മദ് നബി (സ) പറഞ്ഞു: നിങ്ങളുടെ കുട്ടികൾക്കുള്ള ആവശ്യങ്ങൾ നിറവേറ്റി കൊടുക്കൽ നിങ്ങളുടെ ബാധ്യതയാണ്. കുട്ടികളുടെ ശാരീരികവും, വൈകാരികവും, ആത്മീയവുമായ ആവശ്യങ്ങളും നിറവേറ്റി കൊടുക്കലും, അതുപോലെതന്നെ അവർക്ക് സ്നേഹവും, മാർഗ്ഗനിർദ്ദേശവും, വളരുവാൻ ആവശ്യമായ നല്ലൊരു അന്തരീക്ഷം ഒരുക്കി കൊടുക്കലും മാതാപിതാക്കളുടെ മേൽ ബാധ്യതയാണ്." സഹീഹ് മുസ്ലിം #1159കണ്ണുകൾക്ക് കുളിർമയേകുന്നവർ "മുഹമ്മദ് നബി (സ) പറഞ്ഞു: നിശ്ചയമായും നിങ്ങളുടെ കുട്ടികൾ നിങ്ങൾക്ക് കൺകുളിർമയാണ് " മുസ്നദ് അഹമ്മദ് # 21840പക്ഷപാതിത്വം കാട്ടരുത് "ഒരിക്കൽ ഒരു മനുഷ്യൻ തൻ്റെ മകന് സമ്മാനം കൊടുക്കുന്നതിന് സാക്ഷിയാവാൻ വേണ്ടി നബി (സ) യെ വിളിച്ചു. അപ്പോൾ പ്രവാചകൻ ചോദിച്ചു: ഈ മകനെ കൂടാതെ നിങ്ങൾക്ക് വേറെ മക്കളുണ്ടോ? ആ മനുഷ്യൻ മറുപടി പറഞ്ഞു: അതെ.നബി (സ) ചോദിച്ചു:അവർക്കും ഇങ്ങനെ സമ്മാനങ്ങൾ നൽകിയിട്ടുണ്ടോ? ആ മനുഷ്യൻ 'ഇല്ലാ' എന്ന് മറുപടി പറഞ്ഞു.എങ്കിൽ ഇങ്ങനെയുള്ള അനീതിപരമായ കാര്യങ്ങൾക്ക് സാക്ഷിയാകാൻ എന്നോട് ആവശ്യപ്പെടരുത് എന്ന് മുഹമ്മദ് നബി (സ) പറഞ്ഞു. " സഹിഹ് മുസ്ലിം # 1623കുട്ടികളുടെ അടുക്കൽ സ്നേഹത്തെ പ്രകടിപ്പിക്കുവിൻ "മുഹമ്മദ് നബി (സ) തൻ്റെ പേരക്കുട്ടിയായ ഹസനെ ചുംബിക്കുന്നത് കണ്ട ഒരാൾ പറഞ്ഞു: എനിക്ക് 10 കുട്ടികൾ ഉണ്ട് അവരിൽ ഒരാളെയും ഞാൻ ഇതുവരെയും ചുംബിച്ചിട്ടില്ല. പ്രവാചകന്‍ അദ്ദേഹത്തെ നോക്കി പറഞ്ഞു: ഏതൊരാൾ (തങ്ങളുടെ കുട്ടികളുടെ മേൽ) ദയ കാണിക്കുന്നില്ലയോ, അവരുടെ മേൽ (ദൈവവും) ദയ കാണിക്കുകയില്ല. " ബുഖാരി #5997മകനോടും മകളോടും ഒരുപോലെ പെരുമാറുവിൻ മുഹമ്മദ് നബി (സ) യുടെ കൂടെ ഒരാൾ ഇരിക്കുകയായിരുന്ന സമയത്ത് അവിടേക്ക് അദ്ദേഹത്തിൻ്റെ മകൻ വന്നു , അപ്പോൾ അദ്ദേഹം തൻ്റെ മകനെ ചുംബിക്കുകയും അദ്ദേഹത്തിൻ്റെ തുടയിൽ ഇരുത്തുകയും ചെയ്തു. അപ്പോൾ അവിടേക്ക് അദ്ദേഹത്തിൻ്റെ മകൾ വന്നു അദ്ദേഹം മകളെ തൻ്റെ അരികിൽ ഇരുത്തി. പ്രവാചകൻ (സ) ചോദിച്ചു: ""എന്തുകൊണ്ടാണ് നിങ്ങൾ നിങ്ങളുടെ മകനോടും മകളോടും ഒരുപോലെ പെരുമാറാത്തത്?"" സില്സിലത്തുസ് സഹീഹ #263/8നിങ്ങളുടെ കുട്ടികളോട് നീതിപൂർവ്വം പെരുമാറികൊള്ളുവിൻ "മുഹമ്മദ് നബി (സ) പറഞ്ഞു:""""നിങ്ങളുടെ കുട്ടികളോട് നീതിയോടെ പെരുമാറുവിൻ,നിങ്ങളുടെ കുട്ടികളോട് നീതിയോടെ പെരുമാറുവിൻ,നിങ്ങളുടെ കുട്ടികളോട് നീതിയോടെ പെരുമാറുവിൻ.(എന്ന് പ്രവാചകൻ മൂന്ന് തവണ ആവർത്തിച്ചു പറഞ്ഞു)"""" " സിൽസിലത്തുസ് സഹീഹ് #1240കുട്ടികളോട് ദയയോടെ പെരുമാറുവിൻ മുഹമ്മദ് നബി (സ) പറഞ്ഞു: ""കുട്ടികളോട് ദയയോടെയും സൂക്ഷ്മതയോടെയും പെരുമാറാത്തവൻ നമ്മിൽ പെട്ടവനല്ല (യഥാർത്ഥ ദൈവ വിശ്വാസിയല്ല)."" അദബുൽ മുഫ്രദ് # 354ശിശുദിനം ധനവും മക്കളും ജീവിതത്തിൻ്റെ അലങ്കാരമാകുന്നു. എന്നാൽ ശാശ്വതമായ സൽകർമ്മങ്ങൾ നിൻ്റെ ദൈവത്തിൻ്റെ അടുക്കൽ പ്രതിഫലത്തിൽ ഗുണമേറിയതും പ്രത്യാശക്കു ഗുണമായുള്ളതും ആകുന്നു. ഖുർആൻ അധ്യായം 18:വചനം 46മാതാപിതാക്കളുടെ വാഗ്ദാനം അന്ത്യ പ്രവാചകൻ മുഹമ്മദ് നബി (സ) പറഞ്ഞു:നിങ്ങളിൽ ആരും നിങ്ങളുടെ കുട്ടിക്ക് പാലിക്കാൻ കഴിയാത്തതായ വാക്ക് നൽകരുത്. അദബുൽ മുഫ്രദ് # 387രക്ഷാകർതൃത്വം: ഒരു പവിത്രമായ ഉത്തരവാദിത്വം "അന്ത്യപ്രവാചകൻ മുഹമ്മദ് നബി (സ) പറഞ്ഞു:അറിയുക. നിങ്ങളെല്ലാവരും ഇടയന്മാരാണ്. നിങ്ങൾ എല്ലാവരും തൻ്റെ കൂട്ടത്തെപറ്റി (ദൈവത്താൽ) ചോദ്യം ചെയ്യപ്പെടും. നേതാവായിട്ടുള്ള ഒരാൾ തൻ്റെ പ്രജകളെക്കുറിച്ച് (അവരുടെ കാര്യങ്ങൾ അയാൾ എങ്ങനെ നടത്തി എന്നതിനെക്കുറിച്ച്) ചോദ്യം ചെയ്യപ്പെടും. ഒരു പുരുഷൻ തൻ്റെ കുടുംബത്തിലെ അംഗങ്ങളുടെ മേൽനോട്ടം വഹിക്കുന്നവനാണ്. അവരെക്കുറിച്ച് (അവരുടെ ശാരീരികവും ധാർമികവുമായ ക്ഷേമം അയാൾ എങ്ങനെ പരിപാലിച്ചിരുന്നു എന്നതിനെക്കുറിച്ച്) ചോദ്യം ചെയ്യപ്പെടും." സഹീഹ് മുസ്ലിം # 1829കുട്ടികളെ എളിമയുള്ളവരായി വളർത്തുക "(ലുഖ്മാൻ(അ) തൻ്റെ മകനെ ഉപദേശിച്ചുകൊണ്ട് പറഞ്ഞ സന്ദർഭം ഓർക്കുക) (എൻ്റെ കുഞ്ഞു മകനേ) നീ (അഹങ്കാരത്തോടെ) മനുഷ്യരുടെ നേർക്ക് നിൻ്റെ കവിൾ തിരിച്ചുകളയരുത് ഭൂമിയിലൂടെ നീ പൊങ്ങച്ചം കാട്ടി നടക്കുകയും അരുത്. ദുരഭിമാനിയും പൊങ്ങച്ചക്കാരനുമായ യാതൊരാളെയും ദൈവം ഇഷ്ടപ്പെടുകയില്ല." ഖുർആൻ അധ്യായം 31: വചനം 18നന്മയുള്ള കുട്ടികളായി വളർത്തുക (ലുഖ്മാൻ (അ) തൻ്റെ മകനെ ഉപദേശിച്ചു കൊണ്ട് പറഞ്ഞ സന്ദർഭം ഓർക്കുക) "എന്റെ കുഞ്ഞുമകനേ! നീ നമസ്കാരം നിലനിർത്തുകയും സദാചാരം(നന്മ) കൽപിക്കുകയും ദുരാചാരം(തിന്മ) വിരോധിക്കുകയും ചെയ്യണം നിനക്കു ബാധിക്കുന്നതിൽ [ആപത്തുകളിൽ] നീ ക്ഷമ കൈകൊള്ളുകയും വേണം. നിശ്ചയമായും അത് (എല്ലാം തന്നെ) ഖണ്ഡിതമായ [ഒഴിച്ചുകൂടാത്ത] കാര്യങ്ങളിൽപെട്ടതാകുന്നു." ഖുർആൻ അധ്യായം 31: വചനം 17
WHAT OTHERS ARE READING

Most Popular