Homeമലയാളംഗാലറി
ഗാലറി

ദൈവം

ദൈവം കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക.
ദൈവത്തെക്കുറിച്ചുള്ള ചിന്തകൾ മുഹമ്മദ് നബി (സ) പറഞ്ഞു, ""ദൈവം പറയുന്നു: 'ഞാൻ എന്റെ ദാസൻ എന്നെക്കുറിച്ച് വിചാരിക്കുന്നത് പോലെയാണ് (അതായത്, അവൻ എന്നെക്കുറിച്ച് എന്താണോ ചിന്തിക്കുന്നത് ഞാൻ അവനോട് അപ്രകാരമായിരിക്കും). എന്നെ അവന്‍ സ്മരിക്കുമ്പോള്‍ ഞാനവനോടൊപ്പമുണ്ടായിരിക്കും സഹീഹ് അൽ-ബുഖാരി 7405ദൈവസ്നേഹം "മുഹമ്മദ് നബി (സ) പറഞ്ഞു: ഒരു മാതാവിന് തന്റെ കുഞ്ഞിനോടുള്ള കാരുണ്യത്തേക്കാൾ കരുണയുള്ളവനാണ് ദൈവം തന്റെ ദാസന്മാരോട്." ബുഖാരി# 5999ദൈവം ഏറെ പൊറുക്കുന്നവനാണ് ആരെങ്കിലും വല്ല തിന്‍മയും ചെയ്യുകയോ, സ്വന്തത്തോട്‌ തന്നെ അക്രമം പ്രവര്‍ത്തിക്കുകയോ ചെയ്തിട്ട്‌ ദൈവത്തോട് പാപമോചനം തേടുന്ന പക്ഷം ഏറെ പൊറുക്കുന്നവനും കരുണാനിധിയുമായി ദൈവത്തെ അവന്‍ കണ്ടെത്തുന്നതാണ്‌. ഖുർആൻ 4:110ദൈവം ഏറ്റവും വലിയ ഔദാര്യവാനാകുന്നു നീ വായിക്കുക! നിന്‍റെ രക്ഷിതാവ്‌ ഏറ്റവും വലിയ ഔദാര്യവാനാകുന്നു ഖുര്‍ആന്‍ 96:3ദൈവം അത്യധികം ദയയുള്ളവനാകുന്നു. ദൈവം തന്‍റെദാസന്‍മാരോട്‌ അത്യധികം ദയയുള്ളവനാകുന്നു ഖുർആൻ 2:207ദൈവം അതിയായ സ്നേഹമുള്ളവനാണ് അവന്‍ (ദൈവം) ഏറെ പൊറുക്കുന്നവനും ഏറെ സ്നേഹമുള്ളവനുമാകുന്നു ഖുര്‍ആന്‍ 85:14ദൈവം അനീതി കാണിക്കുകയില്ല! തീര്‍ച്ചയായും ദൈവം ഒരു അണുവോളം അനീതി കാണിക്കുകയില്ല. വല്ല നന്‍മയുമാണുള്ളതെങ്കില്‍ അതവന്‍ ഇരട്ടിച്ച്‌ കൊടുക്കുകയും, അവന്‍റെ പക്കല്‍ നിന്നുള്ള വമ്പിച്ച പ്രതിഫലം നല്‍കുകയും ചെയ്യുന്നതാണ്‌. ഖുർആൻ 4:40ദൈവത്തിന്റെ കാരുണ്യം (ദൈവം പറയുന്നു:) എന്റെ കാരുണ്യം സര്‍വ്വ വസ്തുക്കളെയും ഉള്‍കൊള്ളുന്നതാകുന്നു ഖുര്‍ആന്‍ 7:156ആരാണ് ദൈവം? """ദൈവം അവനാണ് എല്ലാ വസ്തുക്കളുടെയും സ്രഷ്ടാവ്, അവൻ (ദൈവം)ഏകനും സർവ്വാധികാരിയുമാകുന്നു."" നിങ്ങളെയും നിങ്ങളുടെ മാതാപിതാക്കളെയും പ്രപഞ്ചത്തെയും അതിലുള്ള സകല വസ്തുക്കളെയും സൃഷ്ടിച്ചത് ദൈവമാണ്." ഖുർആൻ അധ്യായം 13 വചനം 16ദൈവം ഉണ്ടോ? അവർ സ്രഷ്ടാവില്ലാതെ സ്വയം സൃഷ്ടിക്കപ്പെട്ടതാണോ? അതോ, അവര്‍ തന്നെയാണോ അവരുടെ സൃഷ്ടാക്കള്‍? അതല്ല, അവരാണോ ആകാശങ്ങളും ഭൂമിയും സൃഷ്ടിച്ചിരിക്കുന്നത്‌? യഥാര്‍ഥ സംഗതിയെന്തെന്നാല്‍, അവര്‍ക്കു ദൃഢവിശ്വാസമില്ല. ഖുർആൻ അധ്യായം 52: 35-36ദൈവത്തിന് വിശ്രമം ആവശ്യമില്ല ദൈവം! അവനല്ലാതെ ആരാധനയ്ക്ക് അർഹനായ മറ്റൊരുവനുമില്ല, അവൻ എന്നെന്നും ജീവിച്ചിരിക്കുന്നവനും എല്ലാം നിയന്ത്രിക്കുന്നവനുമാകുന്നു. അവനെ മയക്കമോ നിദ്രയോ ബാധിക്കുന്നില്ല. ഖുർആൻ അധ്യായം 2: വചനം 255ദൈവത്തിന് പിഴവുകളോ മറവിയോ സംഭവിക്കുകയില്ല എൻ്റെ സ്നേഹനിധിയായ രക്ഷിതാവിന് (ദൈവത്തിന്) പിഴവ് സംഭവിക്കുകയോ, മറവി ബാധിക്കുകയോയില്ല. ഖുർആൻ അധ്യായം 20:വചനം 52സൃഷ്ടികളെയല്ല, സ്രഷ്ടാവിനെ ആരാധിക്കുക! അവൻ്റെ (ദൈവത്തിൻ്റെ) ദൃഷ്ടാന്തങ്ങളിൽ പെട്ടവയാണ് രാവും പകലും സൂര്യനും ചന്ദ്രനും. നിങ്ങള്‍ സൂര്യന്നും ചന്ദ്രന്നും പ്രണാമം ചെയ്യരുത്. അവയെ സൃഷ്ടിച്ചവനായ ദൈവത്തെയാണ് നിങ്ങൾ ആരാധിക്കുന്നതെങ്കിൽ അവനു (മാത്രം) നിങ്ങൾ പ്രണാമം ചെയ്യുക. ഖുർആൻ അധ്യായം 41: വചനം 37വൻ പാപം ലുഖ്മാൻ തൻ്റെ മകന് സദുപദേശം നൽകിക്കൊണ്ടിരിക്കെ അവനോട് ഇപ്രകാരം പറയുകയുണ്ടായി, "എൻ്റെ കുഞ്ഞുമകനേ, നീ ദൈവത്തോട് പങ്കുചേർക്കരുത്. തീർച്ചയായും അങ്ങനെ പങ്കു ചേർക്കുന്നത് വലിയ അക്രമം തന്നെയാകുന്നു." ഖുർആൻ അധ്യായം 31: വചനം 13ഭംഗി "അന്ത്യപ്രവാചകൻ മുഹമ്മദ് നബി (സ) പറഞ്ഞു: "നിശ്ചയമായും ദൈവം ഭംഗിയുള്ളവനാണ് അവൻ ഭംഗിയെ ഇഷ്ടപ്പെടുകയും ചെയ്യുന്നു." റിയാദ് അസ് - സ്വാലിഹീൻ 611ദൈവത്തിൽ നിന്ന് ഒന്നും മറക്കപ്പെടുന്നില്ല ആകാശങ്ങളിലുള്ളതും ഭൂമിയിലുള്ളതും ദൈവം അറിയുന്നുണ്ടെന്ന് നീ കാണുന്നില്ലേ? മൂന്നുപേർ തമ്മിലുള്ള യാതൊരു രഹസ്യ സംഭാഷണവും അവൻ (ദൈവം) അവർക്ക് നാലാമനായികൊണ്ടല്ലാതെ ഉണ്ടാവുകയില്ല. അഞ്ചുപേരുടെ സംഭാഷണമാണെങ്കിൽ അവൻ അവർക്ക് ആറാമനായികൊണ്ടുമല്ലാതെ. അതിനേക്കാൾ കുറഞ്ഞവരുടെയോ കൂടിയവരുടെയോ (സംഭാഷണം) ആണെങ്കിൽ അവർ എവിടെയായിരുന്നാലും അവൻ(ദൈവം) അവരോടൊപ്പമുണ്ടായിട്ടല്ലാതെ. പിന്നീട് ഉയിർത്തെഴുന്നേൽപ്പിന്റെ നാളിൽ അവർ പ്രവർത്തിച്ചതിനെപ്പറ്റി അവരെ അവൻ വിവരമറിയിക്കുന്നതാണ്. തീർച്ചയായും ദൈവം ഏത് കാര്യത്തെപ്പറ്റിയും അറിവുള്ളവനാകുന്നു. അധ്യായം 58 : വചനം 7അന്ത്യപ്രവാചകൻ മുഹമ്മദ് നബി (സ) പറഞ്ഞു: നിശ്ചയം, ദൈവികമായ കൽപനകൾ നമ്മൾ പാലിക്കുന്നത് ദൈവം എത്രമാത്രം ഇഷ്ടപ്പെടുന്നുവോ, അത്രയേറെ അവൻ നമുക്ക് നൽകിയ ഇളവുകൾ നമ്മൾ സ്വീകരിക്കുന്നതും ദൈവം ഇഷ്ടപ്പെടുന്നു. കാഠിന്യമാണ് ദൈവം ഇഷ്ടപ്പെടുന്നതെന്നാണ് പൊതുവായ ധാരണ; എന്നാൽ അവൻ നൽകിയ ഇളവുകൾ സ്വീകരിക്കുമ്പോഴാണ് ദൈവം നമ്മിൽ സംതൃപ്തനാവുന്നത്. — സഹീഹ് തർഗീബ് # 1060അന്ത്യപ്രവാചകൻ മുഹമ്മദ് നബി (സ) പറഞ്ഞു: എക്കാലത്തെയും ഏറ്റവും സത്യസന്ധമായ കവി വാക്യം ഇതത്രെ: "ദൈവം ഒഴികെ എല്ലാം നശിക്കാനുള്ളതാണ്." — ബുഖാരി # 6489അദ്ദേഹം (അബ്രഹാം) തന്റെ പിതാവിനോടും ജനതയോടും ചോദിച്ചു: "നിങ്ങൾ ആരെയാണ് ആരാധിക്കുന്നത്? സത്യദൈവത്തെ ഉപേക്ഷിച്ച് പൊള്ളയായ ദൈവങ്ങളെ തിരഞ്ഞെടുക്കാൻ നിങ്ങൾക്കെങ്ങനെ കഴിയുന്നു? സകലതിൻ്റെയും സൃഷ്ടാവും പരിപാലകനുമായ (സത്യദൈവത്തെ)പ്പറ്റി നിങ്ങളുടെ അഭിപ്രായം എന്താണ്?" തൻ്റെ ജനത ആരാധിക്കുന്ന ദൈവങ്ങൾ യഥാർത്ഥ ദൈവങ്ങളല്ലെന്ന് അബ്രഹാം പ്രവാചകൻ യുക്തിചിന്തയിലൂടെ തിരിച്ചറിഞ്ഞു. — ഖുർആൻ അധ്യായം 37 :വചനങ്ങൾ 85 - 87രാത്രി അദ്ദേഹത്തെ (അബ്രഹാമിനെ) ഇരുട്ടു കൊണ്ട് പൊതിഞ്ഞപ്പോൾ, അദ്ദേഹം ഒരു നക്ഷത്രത്തെ കണ്ട് പറഞ്ഞു: ‘ഇതാണ് എന്റെ സൃഷ്ടാവും പരിപാലകനും!’ പക്ഷേ, അത് മറഞ്ഞുപോയപ്പോൾ, അദ്ദേഹം പറഞ്ഞു: ‘അസ്തമിക്കുന്നവയെ ഞാൻ ഇഷ്ടപ്പെടുന്നില്ല.’ അസ്തമിച്ചു പോകുന്ന ഒന്നിനും പ്രപഞ്ചത്തിൻ്റെയും മനുഷ്യരുടെയും യഥാർത്ഥ സൃഷ്ടാവും പരിപാലകനുമാകാൻ കഴിയില്ലെന്ന് അബ്രഹാം തിരിച്ചറിഞ്ഞുവെന്ന് ഈ വചനം വ്യക്തമാക്കുന്നു. — ഖുർആൻ അധ്യായം 6: വചനം 76ചന്ദ്രനുദിക്കുന്നതു കണ്ടപ്പോൾ അദ്ദേഹം (അബ്രഹാം പ്രവാചകൻ) പറഞ്ഞു: ‘ഇതാണ് എന്റെ സൃഷ്ടാവും പരിപാലകനും; എന്നാൽ അതും മാഞ്ഞുപോയപ്പോൾ അദ്ദേഹം പറഞ്ഞു: "സൃഷ്ടാവായ എൻ്റെ നാഥൻ എനിക്ക് വഴികാട്ടിയില്ലെങ്കിൽ ഞാൻ വഴിതെറ്റിയവരിൽ അകപ്പെട്ടത് തന്നെ!" പിന്നീട് സൂര്യൻ ഉദിച്ചുയരുന്നത് കണ്ട് അദ്ദേഹം പറഞ്ഞു: ഉറപ്പായും ഇത് തന്നെ എൻ്റെ നാഥൻ; ഇതത്രെ ഏറ്റവും വലുത്!" എന്നാൽ സൂര്യനും അസ്തമിച്ചപ്പോൾ അദ്ദേഹം പ്രഖ്യാപിച്ചു: "എൻ്റെ ജനമേ, സത്യദൈവത്തിന് പകരം നിങ്ങൾ ആരാധിക്കുന്ന എല്ലാത്തിനെയും ഞാനിതാ തള്ളിക്കളയുന്നു." — ഖുർആൻ അധ്യായം 6 :വചനങ്ങൾ 77 - 78അബ്രഹാം പ്രവാചകൻ പ്രഖ്യാപിച്ചു: ആകാശ ഭൂമികളെ സൃഷ്ടിച്ചവൻ്റെ നേരെ ഞാൻ (പരിപൂർണ്ണ സമർപ്പണത്തോടെ) എൻ്റെ മുഖം തിരിക്കുന്നു. ഞാൻ ദൈവത്തിന് പകരമായി മറ്റൊന്നിനെയും പങ്കു ചേർക്കുന്നവനല്ല. നമ്മൾ കാണുന്ന ഏതൊരു സ്ത്രീയെയും "അമ്മ" എന്ന് വിളിക്കാറില്ല. നമുക്ക് ജന്മം നൽകിയവളെ "അമ്മ" എന്ന് വിളിക്കുന്നു. അതുപോലെ, നമ്മെയും ഈ പ്രപഞ്ചത്തെയും സൃഷ്ടിച്ചവനാണ് യഥാർത്ഥ ദൈവവും, ആരാധനക്ക് അർഹനുമായിട്ടുള്ളവൻ. — ഖുർആൻ അധ്യായം 6: വചനം 79അന്ത്യപ്രവാചകൻ മുഹമ്മദ് നബി (സ) പറഞ്ഞു: ദൈവം കാരുണ്യത്തെ 100 ഭാഗങ്ങളായി വിഭജിച്ചു. 99 ഭാഗങ്ങൾ അവൻ തന്നിൽത്തന്നെ സൂക്ഷിച്ചു, ഒരു ഭാഗം മാത്രം ഭൂമിയിലേക്ക് ഇറക്കി. ആ ഒരൊറ്റ ഭാഗം കാരണം, എല്ലാ സൃഷ്ടികളും പരസ്പരം കരുണ കാണിക്കുന്നു, ഒരു കുതിര പോലും തന്റെ കുഞ്ഞിന് ദോഷം വരുത്തുമെന്ന് ഭയന്ന് കുളമ്പ് ഉയർത്തുന്നു. ഭൂമിയിൽ നാം അനുഭവിക്കുന്ന കാരുണ്യമെല്ലാം ഒരു ഭാഗം മാത്രമാണെങ്കിൽ, ദൈവം തനിക്കായി കരുതിവച്ചിരിക്കുന്ന വിശാലമായ കാരുണ്യം സങ്കല്പിച്ചു നോക്കുക. — ബുഖാരി # 6000ദൈവത്തെ മാത്രം ആരാധിക്കുകയും അവനോട് നന്ദിയുള്ളവരിൽ ഒരാളാകുകയും ചെയ്യുക. — ഖുർആൻ അധ്യായം 39 : വചനം 66അന്ത്യപ്രവാചകൻ മുഹമ്മദ് നബി (സ) പറഞ്ഞു: ദൈവം സൗമ്യനാണ്. അവൻ എല്ലാത്തിലും സൗമ്യതയെ ഇഷ്ടപ്പെടുന്നു. — ഇബ്നു മാജ # 3689നിന്റെ നാഥന്‍ വേഗം ശിക്ഷാ നടപടി സ്വീകരിക്കുന്നവനാണ്. ഒപ്പം ഏറെ പൊറുക്കുന്നവനും ദയാപരനും തന്നെ. (ഖുർആൻ 6:165) നീതി നടപ്പാക്കാൻ വേണ്ടിയാണ് ദൈവം ശിക്ഷിക്കുന്നത്. എന്നിരുന്നാലും, ദൈവം വളരെ ക്ഷമിക്കുന്നവനും സ്നേഹനിധിയുമാണ്. അവന്റെ ക്ഷമയും, സ്നേഹവും അർഹിക്കാത്ത പാപികളെ മാത്രമേ ദൈവം ശിക്ഷിക്കുകയുള്ളൂ. അതിനാൽ, ദൈവത്തിന് കാരുണ്യമില്ലെന്ന് പറയുന്നത് തെറ്റാണ്. കൂടുതൽ വിവരങ്ങൾക്ക്: (QR) — ഖുർആൻ അധ്യായം 6 : വചനം 165(ദൈവം കൽപ്പിക്കുന്നു:) നിങ്ങൾ ദൈവത്തിന് വഴിപ്പെടുക; അവനിൽ ഒന്നിനേയും/ആരെയും പങ്ക് ചേർക്കരുത്. (ഖുർആൻ 4 : 36) സൃഷ്ടാവ് അവന് മാത്രം വഴിപ്പെടണമെന്ന് നിങ്ങളോടാവശ്യപ്പെടുമ്പോൾ അത് വിസമ്മതിക്കാൻ നിങ്ങൾക്കെന്ത് ന്യായമാണുള്ളത്?! — ഖുർആൻ അധ്യായം 4 : വചനം 36(അവരോട്) ചോദിക്കുക: ദൈവത്തിനു പകരം നിങ്ങൾ വിളിച്ചു പ്രാർത്ഥിക്കുന്നവയെ പറ്റി നിങ്ങൾ ചിന്തിച്ചിട്ടുണ്ടോ? ഭൂമിയിൽ അവരെന്താണ് സൃഷ്ടിച്ചതെന്ന് നിങ്ങളെനിക്കൊന്നു കാണിച്ചു തരൂ; അതോ ആകാശങ്ങളുടെ (പ്രപഞ്ചത്തിൻ്റെ) സൃഷ്ടിപ്പിൽ അവർക്ക് വല്ല പങ്കുമുണ്ടോ? [ഖുർആൻ 46 : 4] നിങ്ങളാരാധിച്ചു കൊണ്ടിരിക്കുന്നവർ; അവരാണോ നിങ്ങളെ സൃഷ്ടിച്ചത്? — ഖുർആൻ അധ്യായം 46 : വചനം 4ദൈവത്തോടൊപ്പം മറ്റ് മനുഷ്യരെയോ വസ്തുക്കളേയോ പങ്കു ചേർക്കുന്നത് കൊടിയ അനീതിയും അധർമ്മവുമത്രെ. [ഖുർആൻ 31: 13] നമ്മുടെ ഓരോ നിശ്വാസവും മിടിപ്പും നാമനുഭവിക്കുന്ന അനുഗ്രഹങ്ങളുമെല്ലാം ദൈവത്തിൽ നിന്നു മാത്രമാണ്. സൃഷ്ടാവിൻ്റെ അനുഗഹങ്ങളാസ്വദിച്ചു കൊണ്ട് അവന് പകരം മറ്റാരെയെങ്കിലും ആരാധിക്കുന്നത് അങ്ങേയറ്റം നന്ദികേടാണ്. — ഖുർആൻ അധ്യായം 31 : വചനം 13അവർ ദൈവത്തിന് അർഹമായ മഹത്വം നൽകിയിട്ടില്ല; നിശ്ചയം, ദൈവം സർവശക്തനും എല്ലാം നിയന്ത്രിക്കുന്നവനുമാണ്. [ഖുർആൻ 22 : 74] ദൈവത്തിന് മനുഷ്യരുടെ കുറവുകൾ ഉണ്ടെന്ന് സങ്കൽപിക്കരുത്; കുറവുകളുള്ള മനുഷ്യരെ ദൈവത്തിൻ്റെ സ്ഥാനത്തേക്കും ഉയർത്തരുത്. — ഖുർആൻ അധ്യായം 22 : വചനം 74നിങ്ങളുടെ രക്ഷിതാവ് പറയുന്നു, "എന്നോട് (നേരിട്ട്) പ്രാർത്ഥിക്കൂ, ഞാൻ നിങ്ങൾക്ക് ഉത്തരം നൽകും." (ഖുർആൻ 40:60) ദൈവത്തെ സമീപിക്കാൻ നിങ്ങൾക്ക് ഒരു മധ്യസ്ഥന്റെയും ആവശ്യമില്ല. നിങ്ങൾക്ക് അവനോട് നേരിട്ട് ചോദിക്കാം; നിങ്ങൾക്ക് നേരിട്ട് അവനെ സമീപിക്കാം. ഈ സത്യം നിങ്ങൾ മനസ്സിലാക്കിയാൽ, ആത്മീയതയുടെ പേരിൽ നടക്കുന്ന ചൂഷണങ്ങളിൽ നിങ്ങൾ വഞ്ചിതരാകില്ല. — ഖുർആൻ അധ്യായം 40 : വചനം 60
WHAT OTHERS ARE READING

Most Popular