Homeമലയാളംഗാലറി
ഗാലറി

അയൽവാസികൾ

അയൽവാസികൾ കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക
അയൽക്കാരോട് നല്ലവരായിരിക്കുക നിങ്ങള്‍ ദൈവത്തെ (മാത്രം) ആരാധിക്കുവിൻ അവനോട് യാതൊന്നിനെയും പങ്കു ചേര്‍ക്കുകയും ചെയ്യരുത്. മാതാപിതാക്കളോട് നന്മ പ്രവര്‍ത്തിക്കുകയും (ചെയ്യുവിന്‍), അടുത്ത ബന്ധമുള്ളവരോടും, അനാഥകളോടും, സാധുക്കളോടും, അടുത്ത ബന്ധമുള്ള അയല്‍ക്കാരനോടും, അകന്ന അയല്‍ക്കാരനോടും, വഴിക്കാരനോടും(നാടുവിട്ടു വന്ന യാത്രക്കാർ), നിങ്ങളുടെ വലം കൈകള്‍ ഉടമപ്പെടുത്തിയ(അടിമകൾ)വരോടും (നന്മ പ്രവര്‍ത്തിക്കുവിന്‍). നിശ്ചയമായും, പൊങ്ങച്ചക്കാരനും ദുരഭിമാനിയുമായിട്ടുള്ളവനെ ദൈവം ഇഷ്ടപ്പെടുകയില്ല. ഖുർആൻ അദ്ധ്യായം 4: വചനം 36യഥാർത്ഥ ദൈവവിശ്വാസി അല്ല അവസാന പ്രവാചകൻ മുഹമ്മദ് നബി (സ) പറഞ്ഞു:"ദൈവമാണേ സത്യം , അവൻ വിശ്വാസി ആവുകയില്ല! ദൈവമാണേ സത്യം , അവൻ വിശ്വാസി ആവുകയില്ല! ദൈവമാണേ സത്യം , അവൻ വിശ്വാസി ആവുകയില്ല!" (എന്നിങ്ങനെ മൂന്ന് പ്രാവശ്യം പറഞ്ഞു).പ്രവാചകരോട് ചോദിക്കപ്പെട്ടു:"ദൈവദൂതരേ ആരാണത്?"പ്രവാചകൻ മറുപടി പറഞ്ഞു:"ഏതൊരുവൻ്റെ തിന്മയിൽ നിന്നും തൻ്റെ അയൽവാസി രക്ഷപ്പെട്ടില്ലയോ"(അവൻ യഥാർത്ഥ വിശ്വാസി ആവുകയില്ല ). ബുഖാരി # 6016നിങ്ങൾ ഇഷ്ടപ്പെടുന്നത് നിങ്ങളുടെ... അന്ത്യപ്രവാചകൻ മുഹമ്മദ് (സ) പറഞ്ഞു: തനിക്ക് ഇഷ്ടപ്പെടുന്നത് തന്റെ അയൽവാസിക്ക്‌ വേണ്ടിയും ഇഷ്ടപ്പെടുന്നത് വരെ നിങ്ങളിൽ ആരും തന്നെ (യഥാർത്ഥ) ദൈവവിശ്വാസി ആവുകയില്ല. സഹീഹ് മുസ്ലിം# 45സ്വർഗം ഇല്ല, ആർക്ക്? "അന്ത്യപ്രവാചകൻ മുഹമ്മദ് നബി (സ) പറഞ്ഞു:ഏതൊരുത്തന്റെ ഉപദ്രവത്തിൽ നിന്നും തൻ്റെ അയൽവാസി സുരക്ഷിതനല്ലയോ, അവൻ സ്വർഗ്ഗത്തിൽ പ്രവേശിക്കുകയില്ല". അദബുൽ മുഫ്രദ് # 121നല്ല അയൽക്കാരൻ "അന്ത്യ പ്രവാചകൻ മുഹമ്മദ് നബി (സ) പറഞ്ഞു:ദൈവത്തിൻ്റെ അടുക്കൽ ഏറ്റവും നല്ല അയൽക്കാരൻ തൻ്റെ അയൽക്കാരനോട് ഏറ്റവും നല്ല രീതിയിൽ പെരുമാറുന്നവനാണ്." തിർമിദി # 1944നിങ്ങൾ ദൈവത്തിൽ വിശ്വസിക്കുന്നുവെങ്കിൽ.... "അന്ത്യ പ്രവാചകൻ മുഹമ്മദ് നബി (സ) പറഞ്ഞു:ആരെങ്കിലും ദൈവത്തിലും അന്ത്യദിനത്തിലും (ന്യായവിധി നാളിലും മരണാനന്തര ജീവിതത്തിലും) വിശ്വസിക്കുന്നു എങ്കിൽ അവൻ തൻ്റെ അയൽക്കാരനെ ഉപദ്രവിക്കാതിരിക്കട്ടെ". ബുഖാരി # 6018അയൽക്കാരോട് മാന്യമായി പെരുമാറുക "അന്ത്യ പ്രവാചകൻ മുഹമ്മദ് നബി (സ) പറഞ്ഞു:എൻ്റെ അയൽവാസികളോട് ദയയോടെയും മാന്യതയോടെയും പെരുമാറാൻ മാലാഖ ജിബ്‌രീൽ (അ) എന്നെ ഉപദേശിച്ചുകൊണ്ടേയിരുന്നു. (എത്രത്തോളം എന്ന് വെച്ചാൽ) അവരെ എൻ്റെ അനന്തരാവകാശികളാക്കുമെന്ന് എനിക്ക് തൊന്നുമാറ് (എന്നെ ഉപദേശിച്ചു കൊണ്ടേയിരുന്നു)". ബുഖാരി # 6015എങ്കിൽ മാത്രം നിങ്ങൾ നല്ലവരാണ്.... "അന്ത്യപ്രവാചകൻ മുഹമ്മദ് നബി (സ)യുടെ അടുക്കൽ ഒരു സ്ത്രീയെ പറ്റി പറയപ്പെട്ടു: "ആ സ്ത്രീ രാത്രി മുഴുവൻ നമസ്കരിക്കുന്നവരും, നോമ്പ് അനുഷ്ഠിക്കുന്നവരും, ദാനം ചെയ്യുന്നവരുമാണ്. അതേസമയം അവർ അവളുടെ നാവുകൊണ്ട് അയൽക്കാരനെ ഉപദ്രവിക്കുന്നവളുമാണ്".മുഹമ്മദ് നബി (സ). പറഞ്ഞു:"'അവളിൽ ഒരു നന്മയും ഇല്ല. അവൾ നരകാഗ്നിയുടെ ആളുകളിൽ പെട്ടവളാണ്". അദബുൽ മുഫ്രദ് # 119അയൽവാസികളുമായുള്ള ഉത്തമമായ പെരുമാറ്റം "അന്ത്യ പ്രവാചകൻ മുഹമ്മദ് നബി (സ) പറഞ്ഞു:ആരെങ്കിലും ദൈവത്തിലും അന്ത്യദിനത്തിലും (ന്യായവിധി നാളിലും മരണാനന്തര ജീവിതത്തിലും) വിശ്വസിക്കുന്നുവെങ്കിൽ അവൻ തൻ്റെ അയൽക്കാരനോട് നല്ല രീതിയിൽ പെരുമാറി കൊള്ളട്ടെ". ബുഖാരി # 6019നിൻ്റെ അയൽവാസി പട്ടിണിയിലാണോ? "അന്ത്യപ്രവാചകൻ മുഹമ്മദ് നബി (സ) പറഞ്ഞു:അയൽവാസി പട്ടിണി കിടക്കുമ്പോൾ വയറു നിറച്ചുണ്ണുന്നവൻ യഥാർത്ഥ ദൈവവിശ്വാസിയല്ല". അദബുൽ മുഫ്രദ് # 112നിങ്ങൾ പ്രത്യേക ഭക്ഷണം പാകം ചെയ്യുമ്പോൾ "അന്ത്യപ്രവാചകൻ മുഹമ്മദ് നബി (സ) പറഞ്ഞു:നിങ്ങൾ എന്തെങ്കിലും (പ്രത്യേകമായ) ഭക്ഷണം പാചകം ചെയ്യുകയാണെങ്കിൽ നിങ്ങളുടെ അയൽക്കാരുമായി പങ്കിടാൻ കഴിയുന്ന തരത്തിൽ കൂടുതൽ ഉണ്ടാക്കുക." മിഷ്കാത്ത് # 1937ഏറ്റവും അടുത്ത അയൽക്കാരിൽ നിന്ന് ആരംഭിക്കുക "അന്ത്യ പ്രവാചകൻ മുഹമ്മദ് നബി (സ) യോട് ചോദിക്കപ്പെട്ടു: "എനിക്ക് രണ്ട് അയൽക്കാരുണ്ട്. (ഞാൻ സമ്മാനങ്ങൾ നൽകുമ്പോൾ) അവരിൽ ആരിൽ നിന്നാണ് ഞാൻ തുടങ്ങേണ്ടത്?"പ്രവാചകൻ മറുപടി പറഞ്ഞു: "ആരുടെ വാതിലാണോ നിങ്ങൾക്കടുത്തുള്ളത് അവരിൽ നിന്ന് ആരംഭിക്കുക." അബു ദാവൂദ് # 5155അയൽക്കാർ ദൈവത്തോട് പരാതി പറയും.. "അന്ത്യ പ്രവാചകൻ മുഹമ്മദ് നബി (സ) പറഞ്ഞു:ന്യായവിധി നാളിൽ ജനങ്ങൾ അവരുടെ അയൽക്കാരോടൊപ്പം കൊണ്ടുവരപ്പെടും! അപ്പോൾ (ബാധിക്കപ്പെട്ട) അയൽക്കാരൻ പറയും: "ദൈവമേ, ഈ വ്യക്തി എന്റെ നേരെ അവൻ്റെ വാതിൽ അടക്കുകയും എന്നോട് ദയ കാണിക്കാൻ വിസമ്മതിക്കുകയും ചെയ്തു." അദബുൽ മുഫ്രദ് # 111മോശമായ അയൽക്കാരിൽ നിന്നുള്ള സംരക്ഷണം "അന്ത്യപ്രവാചകൻ മുഹമ്മദ് നബി(സ) പ്രാർത്ഥിക്കാൻ വേണ്ടി നമ്മളെ പഠിപ്പിച്ചത്:മോശമായ അയൽക്കാരെ തൊട്ട് ഞാൻ ദൈവത്തോട് രക്ഷ തേടുന്നു!" സിൽസിലത്തു സഹീഹ് #3137നിങ്ങൾക്ക് ഉപദ്രവകാരനായ അയൽക്കാരൻ ഉണ്ടെങ്കിൽ......... അന്ത്യപ്രവാചകൻ മുഹമ്മദ് നബി (സ) പറഞ്ഞു:തന്റെ അയൽക്കാരൻ തന്നെ ഉപദ്രവിക്കുമ്പോഴും, ദൈവം മരണത്തിലൂടെയോ അല്ലെങ്കിൽ മറ്റേതെങ്കിലും മാർഗ്ഗത്തിലൂടെയോ അവരെ വേർപ്പെടുത്തുന്നത് വരെ ക്ഷമയവലംബിക്കുന്ന ഒരു വ്യക്തിയെ ദൈവം ഇഷ്ടപ്പെടുന്നു. തഖ്രീജ് മുഷ്കിലിൽ അതാർ # 2783
WHAT OTHERS ARE READING

Most Popular