Homeతెలుగుగ్యాలరీ
గ్యాలరీ

పొరుగువారు

పొరుగువారు గురించి ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి
పొరుగువారితో మంచిగా ఉండండి "మరియు మీరు దేవుడినే ఆరాధించండి మరియు ఎవ్వరినీ ఆయనకు భాగ స్వాములుగా సాటి కల్పించకండి. మరియు తల్లిదండ్రులతో, దగ్గరి బంధువులతో, అనాథులతో, నిరుపేదలతో, బంధువులైన పొరుగు వారితో, అపరిచితులైన పొరుగు వారితో, ప్రక్కనున్న మిత్రులతో, బాటసారులతో మరియు మీ అధీనంలో ఉన్న బానిసలతో అందరితోనూ ఉదార స్వభావంతో వ్యవహరించండి. నిశ్చయంగా, దేవుడు గర్వితుణ్ణి, బడాయీలు చెప్పుకునే వాణ్ణి ప్రేమించడు." ఖుర్ఆన్ 4:36అతడు దైవ విశ్వాసి కాజాలడు.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"దైవం సాక్షిగా..అతడు దైవ విశ్వాసి కాజాలడు, దైవం సాక్షిగా..అతడు దైవ విశ్వాసి కాజాలడు, దైవం సాక్షిగా..అతడు దైవ విశ్వాసి కాజాలడు"అక్కడ ఉన్న వారు అడిగారు: "ఓ దైవ ప్రవక్తా! ఎవడు వాడు?"ప్రవక్త జవాబిచ్చారు: "ఎవడి బారి నుండి పొరుగువాడు సురక్షితంగా లేడో అతడు దైవ విశ్వాసి కాజాలడు." బుఖారి # 6016మీరు నిజమైన దైవ విశ్వాసులు కాజాలరు.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"మీరు ఇష్టపడేదే మీ పొరుగువారికి కూడా ఇష్టపడంతవరకు మీరు నిజమైన దైవ విశ్వాసులు కాజాలరు." సహీహ్ ముస్లిం # 45స్వర్గవాసి కాజాలడు.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"ఎవడి బారి నుండి పొరుగువాడు సురక్షితంగా లేడో అతడు స్వర్గవాసి కాజాలడు." అదాబుల్ ముఫ్రద్ # 121అత్యుత్తమ పొరుగువాడు అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"తన పొరుగువాడితో అత్యుత్తమ రీతిలో వ్యవహరించే వాడే దేవుడి దృష్టిలో అత్యుత్తమ పొరుగువాడు." తిర్మిదీ # 1944నీవు దైవాన్ని విశ్వసిస్తే... అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"దేవుడిని మరియు అంతిమ దినాన్ని (ప్రపంచం అంతం అయి తీర్పు జరిగే దినాన్ని, పరలోకాన్ని) విశ్వసించే వ్యక్తి తన పొరుగువాడికి హాని కలిగించకూడదు." బుఖారి # 6018పొరుగువారితో మంచిగా మెలగాలి! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:“ఇరుగు పొరుగు వారితో మంచిగా మెలగాలని జిబ్రయేలు దైవదూత నాకు పదే పదే ఉపదేశించారు..ఎంతగానంటే ఆయన వారిని నా ఆస్థికి వారసులు చేస్తారనిపించేంతగా!” బుఖారి # 6015మంచివారు కావాలంటే.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) వారిని ఇలా అడగడం జరిగింది: "ఒక స్త్రీ రాత్రంతా ప్రార్ధిస్తుంది, పగలు ఉపవాసం ఉంటుంది, దాన ధర్మాలు ఎక్కువగా చేస్తుంది కానీ తన నోటి దురుసుదనంతో పొరుగువారిని బాధిస్తుంది."ప్రవక్త ఇలా అన్నారు: "ఆమెలో మంచిదనం లేదు, ఆమె నరకవాసి!" అదాబుల్ ముఫ్రద్ # 119పొరుగువారితో అత్యుత్తమ రీతిలో వ్యవహరించాలి అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"దేవుడిని మరియు అంతిమ దినాన్ని (ప్రపంచం అంతం అయి తీర్పు జరిగే దినాన్ని, పరలోకాన్ని) విశ్వసించే వ్యక్తి తన పొరుగువారితో అత్యుత్తమ రీతిలో వ్యవహరించాలి." బుఖారి # 6019నీ పొరుగువాడు ఆకలితో ఉన్నాడా? అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:“తన పొరుగువాడు పస్తులుండగా తాను మాత్రం కడుపు నిండా భుజించే వ్యక్తి (నిజమైన) దైవ విశ్వాసి కాజాలడు.” అదాబుల్ ముఫ్రద్ # 112మీరు ఏదైనా (ప్రత్యేకమైనది) వండినప్పుడు.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:“మీరు ఏదైనా (ప్రత్యేకమైన వంటకం) వండినప్పుడు, మీ ఇరుగు పొరుగు వారితో కూడా పంచుకునే విధంగా కొంచెం ఎక్కువగా వండండి.” మిష్కాత్ # 1937మీ దగ్గరి పొరుగువారితో మొదలు పెట్టండి అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) వారిని ఇలా అడగడం జరిగింది : "నాకు ఇద్దరు పొరుగువారు ఉన్నారు. నేను (ఏమైనా కానుకలు ఇచ్చినపుడు) ముందుగా ఎవరికి ఇవ్వాలి?"ప్రవక్త ఇలా అన్నారు: "ఎవరి గుమ్మం నీ గుమ్మానికి దగ్గరగా ఉందో వారితో ప్రారంభించు." అబూ దావూద్ # 5155పొరుగువారు దేవుడితో మొర పెట్టుకుంటారు.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:పునరుత్థాన దినాన మానవులందరిని తిరిగి బ్రతికించి లేపినపుడు, చాలా మంది తమ పొరుగువారితో సహా తీసుకొని రాబడతారు. ఆ పొరుగు వాడు ఇలా మొర పెట్టుకుంటాడు. "దేవుడా, ఇతడు నా నుంచి మొహం తిప్పుకున్నాడు, నాపై కనికరం చూపించలేదు". అదాబుల్ ముఫ్రద్ # 111దుష్టుడైన పొరుగువాడి నుండి రక్షణ అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా ప్రార్ధించడం నేర్పారు:"దుష్టుడైన పొరుగువాడి కీడు నుండి రక్షణ కొరకు దేవుడిని వేడుకుంటున్నాను." సిల్సిలాత్ అస్సహీహ # 3137దుష్టుడైన పొరుగువాడు ఉంటే... అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"దుష్టుడైన పొరుగువాడు కీడు చేసినప్పుడు, దైవం వారిని మరణం ద్వారా గాని లేక ఇతర కారణం వలనగాని దూరం చేసేంతవరకు సహనం వహించే వ్యక్తిని దేవుడు ప్రేమిస్తాడు." తఖ్రీజ్ ముష్కిలిల్ అథార్ # 2783
WHAT OTHERS ARE READING

Most Popular