సాధారణ ప్రశ్నలు

మదీనాలోని వివిధ తెగలతో ప్రవక్త ముహమ్మద్ చేసుకొన్న ఒప్పొందాలను మదీనా రాజ్యాంగం అని అంటారు. ఇందులోని షరతులు సమానత్వం, న్యాయం మరియు మత స్వేచ్చల ఆధారంగా ఉన్నాయి. 1400 సంవత్సరాల తరువాత కూడా, ఈ మదీనా రాజ్యాంగంలోని సూత్రాలు మన దేశంలో శాంతి, సమానత్వం మరియు సామరస్యాల సాధనకు వర్తిస్తాయి.

విశ్వానికి ఒక నిర్ణీత వయసు ఉంది, తద్వారా దానికి ఒక ఆది ఉందని మనకు తెలుస్తుంది. ఒకానొకప్పుడు ఉనికిలోకి వచ్చిన విశ్వం తనను తాను సృష్టించుకొని అయినా ఉండాలి లేదా దేని ద్వారా అయినా సృష్టించబడి అయినా ఉండాలి. ఏదైనా కానీ తనను తాను సృష్టించుకోలేదు గనుక, విశ్వానికి ఒక సృష్టికర్త ఉన్నాడని మనకు అర్ధం అవుతుంది. ఈ సృష్టికర్తనే మనం దేవుడు అంటున్నాము.

దేవుడు అనే పదానికి వివిధ భాషలలో వివిధ పదాలు ఉన్నాయి. అరబిక్ భాషలో దేవుడు అనడానికి ఉన్న పదం ‘అల్లాహ్’. ముస్లిములు ‘అల్లాహ్’ అన్నప్పుడు, వాళ్లు వారి సొంత దేవుడిని ప్రస్తావించడం లేదు, వాళ్లు ప్రస్తావిస్తున్నది మనందరి సృష్టికర్త, విశ్వ సృష్టికర్త అయిన ఒకే ఒక దేవుడిని.

అనేక మంది దేవుళ్లు ఉండి ఉంటే, వారి మధ్య ఉండే విభేదాల వలన ఈ విశ్వం ఉనికిలోకి వచ్చేదే కాదు. ఈ విశ్వం యొక్క అస్తిత్వం మరియు అందులో ఉన్న క్రమబద్ధత, సమతాళము మరియు నిర్దిష్టమైన గణిత సూత్రాలు ఈ విశ్వం వెనుక ఒకే ఒక మహా మేధావి అయిన సృష్టికర్త హస్తం ఉందని, అతడే ఈ విశ్వం యొక్క సమస్త వ్యవహారాలను నిర్వహిస్తున్నాడని నిస్సందేహంగా నిరూపిస్తున్నాయి.