HomeMalayalamഗാലറി

ഗാലറി

മുഹമ്മദ് നബി (സ)

മുഹമ്മദ് നബി (സ)യെക്കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക.

മുഹമ്മദ് നബി (സ) -"മുഹമ്മദ് നബി (സ) ഇസ്ലാം എന്ന പേരിൽ ഒരു മതവും തുടങ്ങിയിട്ടില്ല, മറിച്ച് അദ്ദേഹം ദൈവത്തിനെ അനുസരിച്ച് ജീവിക്കുക എന്ന് ജനങ്ങളെ പഠിപ്പിക്കാൻ വന്ന പ്രവാചക പരമ്പരയിലെ അവസാനത്തെ പ്രവാചകനാണ്. ""എല്ലാ സമുദായത്തിലേക്കും (ദൈവം) വഴികാട്ടിയെ നിയോഗിച്ചിട്ടുണ്ട്. കുറിപ്പ്:-ജനങ്ങളെ നന്മതിന്മ പഠിപ്പിക്കാനും അവർക്ക് മാതൃകയാവാനും വേണ്ടി ദൈവം തെരഞ്ഞെടുത്ത നല്ല മനുഷ്യന്മാരാണ് പ്രവാചകന്മാർ. " -ഖുർആൻ അധ്യായം 13 വചനം 7

മുഹമ്മദ് നബി (സ)യുടെ അധ്യാപനങ്ങൾ - "മുഹമ്മദ് നബി (സ) യുടെ അധ്യാപനങ്ങൾ 1 . നമ്മുടെ സൃഷ്ടാവ്, അവൻ ഏകദൈവം ആകുന്നു. 2 . എല്ലാ മനുഷ്യരും സമന്മാരാണ്. മനുഷ്യരെ അവരുടെ ജാതിയുടെയോ, നിറത്തിന്റെയോ, വംശത്തിന്റെയോ പേരിൽ ദൈവം വേർതിരിച്ചിട്ടില്ല. 3 . നാം ഭൂമിയിൽ ചെയ്ത എല്ലാ പ്രവർത്തനങ്ങൾക്കും മരണാനന്തര ജീവിതത്തിൽ ദൈവത്തോട് ഉത്തരം പറയേണ്ടിവരും . """"നിങ്ങൾ ദൈവത്തോട് (മാത്രം) ഉപജീവനം തേടുകയും, അവനെ ( മാത്രം) ആരാധിക്കുകയും അവനോട് നന്ദി കാണിക്കുകയും ചെയ്യുവിൻ. (നിൻ്റെ മരണശേഷം) അവങ്കലേക്കാണ് നിങ്ങൾ മടക്കപ്പെടുന്നത്."""" - ഖുർആൻ അധ്യായം 29 വചനം 17

"എല്ലാ മനുഷ്യരെയും ബഹുമാനിക്കുക - "നബി (സ) യും സഹാബികളും ഇരിക്കുന്ന സമയത്ത് അതിലൂടെ ഒരു ശവസംസ്കാരത്തിനുവേണ്ടി കൊണ്ടുപോയി, അപ്പോൾ മുഹമ്മദ് നബി (സ) എണീറ്റുനിന്നു. അതുകണ്ട സഹാബികൾ പ്രവാചകനോട് പറഞ്ഞു:""അല്ലയോ പ്രവാചകരെ അതൊരു ജൂതന്റെ ശവശരീരം അല്ലേ"". അതുകേട്ട പ്രവാചകന്‍ പറഞ്ഞു:""അതും ഒരു ജീവനുള്ള (ആത്മാവ്) ആയിരുന്നില്ലേ?"" ജീവിച്ചിരിക്കുന്നതോ മരിച്ചതോ ആയ ഓരോ മനുഷ്യനും അവരവരുടെ ജാതിയോ, വംശമോ, നിറമോ പരിഗണിക്കാതെ ബഹുമാനിക്കാൻ അർഹപ്പെട്ടവരാണ്. - ബുഖാരി # 1313

ന്യൂനപക്ഷങ്ങളുടെ അവകാശങ്ങൾ - "ജൂതന്മാർ മുസ്ലീങ്ങളെ പോലെ തന്നെ ഒരു സമൂഹമായി അംഗീകരിക്കപ്പെട്ടിരിക്കുന്നു. ജൂതന്മാർക്ക് അവരുടെ മതവും മുസ്ലീങ്ങൾക്ക് അവരുടെ മതവും ആചരിക്കാനുള്ള അവകാശമുണ്ട്. അനീതി , അതിക്രമം , തിന്മ എന്നിവ പ്രവർത്തിക്കുകയോ പ്രോത്സാഹിപ്പിക്കുകയോ ചെയ്യുന്നവർ ആരായാലും മുസ്ലീങ്ങൾ അവർക്കെതിരാണ്. ആ വ്യക്തി ഒരു മുസ്ലിമാണെങ്കിൽ പോലും ആ വ്യക്തിക്ക് എതിരെ മുസ്ലിംകൾ ഒന്നിക്കും. മദീനയുടെ ഭരണഘടന (മുഹമ്മദ് നബി(സ)യുടെ നേതൃത്വത്തിൽ നടപ്പിലാക്കിയത്) ." - മദീനയുടെ ഭരണഘടന (മുഹമ്മദ് നബി(സ)യുടെ നേതൃത്വത്തിൽ നടപ്പിലാക്കിയത്) .

പ്രവാചകന്റെ കീഴിൽ ന്യൂനപക്ഷങ്ങൾ - "ക്രൈസ്തവർകൾ ജീവിച്ചിരുന്നതായ യമനിലേക്ക് ഗവർണറായി മുആദിനെ നിയോഗിച്ചപ്പോൾ മുഹമ്മദ് നബി (സ) ഇങ്ങനെ ഉപദേശിക്കുകയുണ്ടായി: """"അക്രമിക്കപ്പെട്ടവരുടെ ശാപത്തെ നീ ഭയപ്പെട്ടു കൊള്ളുക, അവരുടെ ശാപത്തിനും ദൈവത്തിനും ഇടയിൽ യാതൊരു മറയുമില്ല.""""(അതായത്, ന്യൂനപക്ഷമായതിന്റെ പേരിൽ അവരെ അക്രമിക്കുന്നതിനെക്കുറിച്ച് ചിന്തിക്കരുത്, എന്നാൽ അക്രമിക്കപ്പെട്ടവരുടെ ശാപം ദൈവം കേൾക്കും). " -ബുഖാരി # 2448

അമുസ്ലീങ്ങളുടെ സംരക്ഷണം - മുഹമ്മദ് നബി (സ) പറഞ്ഞു:""ശ്രദ്ധിക്കുക! മുസ്ലിം ഭരണത്തിൻ കീഴിൽ ജീവിക്കുന്ന ഒരു അമുസ്ലിമിനെ ആരെങ്കിലും മർദ്ദിക്കുകയോ, അടിച്ചമർത്തുകയോ, അല്ലെങ്കിൽ അവരുടെ അവകാശങ്ങൾ തടഞ്ഞു വെക്കുകയോ, അവരുടെ കഴിവിനപ്പുറം ഭാരപ്പെടുത്തുകയോ, അവരുടെ ഇച്ഛാശക്തിക്ക് എതിരായി അവരിൽ നിന്നും എന്തെങ്കിലും എടുക്കുകയോ ചെയ്താൽ ഞാൻ (മുഹമ്മദ് നബി (സ) ന്യായവിധി നാളിൽ അവനുവേണ്ടി (അമുസ്ലിമിനെ പിന്തുണച്ചുകൊണ്ട്) വാദിക്കും." - അബു ദാവൂദ് # 3052

കരുണയുടെ പ്രവാചകൻ - """ചിലർ പ്രവാചകനോട് ബഹുദൈവാരാധകരെ ശപിക്കാൻ ആവശ്യപ്പെട്ടു. അപ്പോൾ മുഹമ്മദ് നബി (സ) അവരോട് പറഞ്ഞു: ആളുകളെ ശപിക്കാൻ വേണ്ടിയല്ല എന്നെ (ദൈവം)അയച്ചത് , മറിച്ച് ദയയും കരുണയും എന്തെന്ന് കാണിക്കാനാണ് എന്നെ(ദൈവം) അയച്ചിരിക്കുന്നത്. - സഹിഹ് മുസ്ലിം # 2599

പ്രവാചകൻ്റെ ക്ഷമ - "മക്ക വിജയ വേളയിൽ പ്രവാചകൻ്റെ അനുചരൻ ശത്രുക്കളുടെ നേതാവിനോട് ഇങ്ങനെ പറഞ്ഞു:""""ഇന്ന് പ്രതികാരത്തിന്റെ ദിവസമാണ്.""""അതുകേട്ട പ്രവാചകൻ (സ) അദ്ദേഹത്തെ പലതവണ കൊല്ലാൻ ശ്രമിച്ച ശത്രുക്കളെ നോക്കി ഇങ്ങനെ പറയുകയുണ്ടായി:""""പ്രവാചകൻ ജോസഫ് തൻ്റെ സഹോദരന്മാരോട് പറഞ്ഞ അതേ വാക്ക് ഞാനും നിങ്ങളോട് പറയുകയാണ്:""""ഇന്ന് നിങ്ങളുടെ മേൽ യാതൊരു കുറ്റവും ഇല്ല.""""എന്നിട്ട് പ്രവാചകൻ തന്റെ ശത്രുക്കൾക്ക് മാപ്പുകൊടുത്തു. ആരെയെങ്കിലും ശിക്ഷിക്കാൻ പൂർണ്ണ അധികാരം ഉണ്ടെങ്കിലും ആ സമയത്ത് ക്ഷമിക്കാൻ തീരുമാനിക്കലാണ് യഥാർത്ഥ ക്ഷമ. - മക്കാ വിജയം - റഹീഖ് അൽ മക്തൂം

വ്യക്തിപരമായ പ്രതികാരമില്ല - പ്രവാചകൻ മുഹമ്മദ് (സ) ഒരിക്കലും സ്വന്തം കാര്യത്തിന് വേണ്ടി (ആരുടെ മേലും) പ്രതികാരം ചെയ്തിട്ടില്ല, എന്നാൽ (അദ്ദേഹം പ്രതികാരം ചെയ്തത്) ദൈവത്തിന്റെ നിയമങ്ങൾ ലംഘിക്കപ്പെടുമ്പോൾ മാത്രമാണ്. - ബുഖാരി # 3560

പ്രവാചക ശത്രുവിന്റെ സാക്ഷ്യം - """ പ്രവാചകന്റെ ശത്രുവായ അബു സുഫ്യാൻ, ബൈസന്റൈൻ ചക്രവർത്തിയായ ഹെരാക്ലിയസിനെ കണ്ടുമുട്ടി. ആ സമയത്ത് ഹെരാക്ലിയസ് അവനോട് ചോദിച്ചു: (പ്രവാചകനാണെന്ന്) അവകാശപ്പെടുന്നതിന് മുമ്പ് നിങ്ങൾ അവനെ(മുഹമ്മദിനെ) എപ്പോഴെങ്കിലും കള്ളം പറഞ്ഞതായി ആരോപിച്ചിട്ടുണ്ടോ? അബു സുഫ്യാൻ മറുപടി പറഞ്ഞു, 'ഇല്ല.' ഹെരാക്ലിയസ് ചോദിച്ചു: 'അവൻ തന്റെ വാഗ്ദാനങ്ങൾ ലംഘിക്കുന്നുണ്ടോ?' അബൂസുഫ്‌യാൻ മറുപടി പറഞ്ഞു: 'ഇല്ല. ഹെരാക്ലിയസ് ചോദിച്ചു: 'അയാൾ നിന്നോട് എന്താണ് കൽപ്പിക്കുന്നത്?' അബൂസുഫ്യാൻ മറുപടി പറഞ്ഞു:ദൈവത്തെ മാത്രം ആരാധിക്കണമെന്നും അവനോട് യാതൊന്നിനെയും പങ്കു ചേർക്കരുതെന്നും, നമ്മുടെ പൂർവികർ പിന്തുടരുന്ന എല്ലാ അന്ധവിശ്വാസങ്ങളും ഉപേക്ഷിക്കണമെന്നും അദ്ദേഹം നമ്മോട് പറയുന്നു. നമസ്കാരം നിർവഹിക്കാനും, സത്യം മാത്രം സംസാരിക്കാനും, ധാർമ്മിക ശുദ്ധിയുള്ളവരായിരിക്കാനും, കുടുംബവുമായും ബന്ധുക്കളുമായും നല്ല ബന്ധം നിലനിർത്താനും അവൻ നമ്മോട് കൽപ്പിക്കുന്നു. അപ്പോൾ അബൂസുഫ്യാൻ പറഞ്ഞു: """"അല്ലാഹുവാണേ! എന്റെ കൂട്ടാളികൾ എന്നെ കള്ളനെന്ന് മുദ്രകുത്തുമെന്ന് ഞാൻ ഭയപ്പെട്ടില്ലായിരുന്നുവെങ്കിൽ, ഞാൻ പ്രവാചകനെക്കുറിച്ച് സത്യം പറയുമായിരുന്നില്ല."" -ബുഖാരി # 7

പ്രവാചകന്റെ വിനയം - ഒരു മനുഷ്യൻ പ്രവാചകന്റെ അടുക്കൽ വന്നു, അദ്ദേഹത്തോട് സംസാരിക്കുമ്പോൾ അവന്റെ ശബ്ദം ഭയത്താൽ വിറച്ചു. മുഹമ്മദ് നബി (സ) അദ്ദേഹത്തോട് പറഞ്ഞു: "ശാന്തമാകൂ , ഞാൻ ഒരു രാജാവല്ല. ഉണക്കിയ മാംസം കഴിച്ച ഒരു സ്ത്രീയുടെ മകൻ മാത്രമാണ് ഞാൻ. -സഹീഹ് ഇബ്നു മാജ # 2693

പ്രവാചകൻ്റെ സൗമ്യത - പ്രവാചകൻ്റെ അനുചരനായ അനസ് പറഞ്ഞു: ഞാൻ മുഹമ്മദ് നബി ( സ) ക്ക് പത്തുവർഷത്തോളം സേവനം ചെയ്തിട്ടുണ്ട്, എന്നാൽ അദ്ദേഹം എന്നോട് ഒരിക്കൽ പോലും (മനസ്സ് വേദനിക്കും വിധം) "ഛെ" എന്നോ അല്ലെങ്കിൽ നീ എന്തുകൊണ്ട് ഇങ്ങനെ ചെയ്തു , അല്ലെങ്കിൽ എന്തുകൊണ്ട് ഇങ്ങനെ ചെയ്തില്ല ? എന്നൊന്നും ഇതുവരെയും പറഞ്ഞിട്ടില്ല .- ബുഖാരി # 6038

പ്രവാചകൻ യുദ്ധത്തെ നിരുത്സാഹപ്പെടുത്തി - """മുഹമ്മദ് നബി (സ) പറഞ്ഞു: ജനങ്ങളെ (യുദ്ധക്കളത്തിൽ ചെന്ന്) ശത്രുവിനെ നേരിടണമെന്ന് നിങ്ങൾ ആഗ്രഹിക്കരുത്.മറിച്ച് സമാധാനപരമായി വർത്തിക്കുന്നതിനുവേണ്ടി ദൈവത്തോട് പ്രാർത്ഥിച്ചു കൊള്ളുവിൻ. "" " -ബുഖാരി# 2965

പ്രവാചകൻ്റെ ലാളിത്യം - "മുഹമ്മദ് നബി (സ) തൻ്റെ വസ്ത്രങ്ങൾ താനേ കഴുകുകയും ,(അവ കീറിയാൽ) താനേ തുന്നുകയും, തൻ്റെ ചെരുപ്പുകൾ സ്വയം നന്നാക്കുകയും,ആടുകളെ സ്വയം കറക്കുകയും മറ്റുള്ളവർക്ക് സേവിക്കുകയും,മറ്റുള്ളവർ ചെയ്യുന്നത് പോലെ തന്നെ തന്റെ വീട്ടിലെ എല്ലാ ജോലികളും അദ്ദേഹം ചെയ്യാറുമുണ്ടായിരുന്നു. " - സഹീഹ് ജാമിഹ് # 4937 &4996

പ്രവാചകൻ ദൈവത്വം അവകാശപ്പെട്ടില്ല - (നബിയേ) പറയുക: 'നിശ്ചയമായും ഞാന്‍ നിങ്ങളെപ്പോലെയുള്ള ഒരു മനുഷ്യന്‍ മാത്രമാകുന്നു; നിങ്ങളുടെ ദൈവം ഒരേ ഒരു ദൈവമാണെന്നും എനിക്കു ഉല്‍ബോധനം നൽകപ്പെട്ടിരിക്കുന്നു (ഇതാണു എന്റെ പ്രത്യേകത). അതിനാല്‍, ആരെങ്കിലും തന്റെ ദൈവത്തെ കാണുവാന്‍ ആശിക്കുന്നുവെങ്കില്‍, അവന്‍ സല്‍ക്കര്‍മ്മം പ്രവര്‍ത്തിച്ചുകൊള്ളട്ടെ; തന്റെ ദൈവത്തിനെ ആരാധിക്കുന്നതില്‍ ഒരാളേയും (അവനോടു) പങ്കുചേര്‍ക്കാതെയുമിരിക്കട്ടെ.
- ഖുർആൻ അധ്യായം 18: വാക്യം 110

പ്രവാചകന് ദൈവിക ഗുണങ്ങൾ ഇല്ലായിരുന്നു - നബിയേ പറയുക : ദൈവത്തിൻ്റെ ഖജനാവുകൾ എൻ്റെ അടുക്കൽ ഇല്ല, എനിക്ക് അദൃശ്യ കാര്യങ്ങൾ അറിയുകയുമില്ല, ഞാൻ ഒരു മാലാഖയാണെന്ന് അവകാശപ്പെടുന്നുമില്ല. മറിച്ച് എനിക്ക് (ദൈവം) ബോധനം നൽകിയത് പിന്തുടരുക മാത്രമാണ് ഞാൻ ചെയ്യുന്നത്.
- ഖുർആൻ അധ്യായം 6 വചനം 50

തനിക്കുവേണ്ടി മറ്റുള്ളവർ എണീറ്റു നിൽക്കുന്നത് പ്രവാചകൻ ഇഷ്ടപ്പെട്ടിരുന്നില്ല - അനസ് (പ്രവാചക സുഹൃത്ത്) പറഞ്ഞു: മറ്റുള്ളവരെക്കാൾ പ്രവാചകൻ മുഹമ്മദ് (സ) യെ കാണുന്നത് ജനങ്ങൾ ഇഷ്ടപ്പെട്ടിരുന്നു, എന്നാൽ പ്രവാചകൻ അവരുടെ അടുത്തേക്ക് വരുന്ന സമയത്ത് അവർ എണീറ്റു നിൽക്കാറുണ്ടായിരുന്നില്ല .എന്തുകൊണ്ട് എന്നാൽ അവർക്ക് അറിയാമായിരുന്നു അദ്ദേഹത്തിന് അത് ഇഷ്ടമില്ല എന്നുള്ളത്.
- അദബുൽ മുഫ്രദ് #946

പ്രവാചകന്‍ - സാമൂഹിക പരിഷ്കർത്താവ് - മുഹമ്മദ് നബി (സ) പറഞ്ഞു: കഴിഞ്ഞ കാലഘട്ടത്തിൽ (അജ്ഞതയുടെ കാലഘട്ടത്തിൽ) നടന്ന എല്ലാ അന്ധവിശ്വാസങ്ങളും, രക്തച്ചൊരിച്ചിലുകളും (പ്രതികാരം വീട്ടലുകളും) എൻ്റെ രണ്ട് കാൽപാദങ്ങൾക്ക് താഴെ ആഴ്ത്തപ്പെട്ടിരിക്കുന്നു (അതായത് അതെല്ലാം നിർത്തലാക്കപ്പെട്ടിരിക്കുന്നു).""
- സഹീഹ് ഇബ്നു മാജ # 2144

പ്രവാചകൻ്റെ ക്ഷമ - ഒരു ഗ്രാമീണൻ പള്ളിക്കുള്ളിൽ വന്ന് മൂത്രമൊഴിക്കാൻ തുടങ്ങി, അതുകണ്ട ജനങ്ങൾ അദ്ദേഹത്തെ അടിക്കാൻ ശ്രമിച്ചു. അപ്പോൾ പ്രവാചകൻ മുഹമ്മദ് നബി (സ) അവരോട് അദ്ദേഹത്തെ വിടാൻ കൽപ്പിക്കുകയും അദ്ദേഹം മൂത്രമൊഴിച്ച സ്ഥലത്ത് ഒരു ബക്കറ്റ് വെള്ളം ഒഴിക്കാൻ പറയുകയും ചെയ്തു. എന്നിട്ട് പ്രവാചകൻ അവരോട് ഇങ്ങനെ പറയുകയുണ്ടായി: നിങ്ങളെ (ദൈവത്താൽ) അയക്കപ്പെട്ടത് ജനങ്ങളുടെ അടുക്കൽ എളിമയോടെ നടക്കാൻ വേണ്ടിയാണ്, അതല്ലാതെ അവരെ കാഠിന്യത്തോടെ നേരിടാൻ വേണ്ടിയല്ല.
- ബുഖാരി # 6128

ഒരു ജൂത സ്ത്രീ പ്രവാചകന് വിഷം കൊടുത്തപ്പോൾ - ഒരു ജൂത സ്ത്രീ പ്രവാചകന് ഭക്ഷിക്കാനായി വിഷം കലർത്തിയ (വേവിച്ച) ആടിനെ കൊണ്ടുവന്നു, പ്രവാചകൻ അതില്‍ നിന്നു (കുറച്ചു മാത്രം) ഭക്ഷിച്ചു. ആ ജൂത സ്ത്രീയെ പ്രവാചകൻ്റെ അരികിൽ കൊണ്ടുവന്ന് ജനങ്ങൾ അദ്ദേഹത്തോട് ചോദിച്ചു:""""ഞങ്ങൾ അവളെ കൊലചെയ്യട്ടെയോ?""""മുഹമ്മദ് നബി (സ) പറഞ്ഞു:""""വേണ്ട.""""
- ബുഖാരി # 2617

*പ്രവാചകൻ - താക്കീതുകാരനും സുവാർത്ത അറിയിക്കുന്നവനും* - (നബിയേ) പറയുക: "എന്റെ സ്വന്തത്തിനു (തന്നെ) ഒരു ഉപകാരമാകട്ടെ, ഉപദ്രവമാകട്ടെ ഞാന്‍ അധീനമാക്കുന്നില്ല [എനിക്കതിനു കഴിവില്ല]; ദൈവം ഉദ്ദേശിച്ചതൊഴികെ. ഞാന്‍ അദൃശ്യ കാര്യം അറിയുമായിരുന്നുവെങ്കില്‍, ഞാന്‍ ഗുണത്തില്‍ നിന്നു (ധാരാളം) വര്‍ദ്ധിപ്പിച്ചു വെക്കുക തന്നെ ചെയ്യുമായിരുന്നു; തിന്മ എന്നെ സ്‌പര്‍ശിക്കുകയുമില്ലായിരുന്നു. ഞാന്‍ വിശ്വസിക്കുന്ന ജനങ്ങൾക്ക്( ദൈവത്തിൻ്റെ ചോദ്യം ചെയ്യലിനെയും നരകാഗ്നിയെയും കുറിച്ച്) ഒരു താക്കീതുകാരനും , (ദൈവത്തിൻ്റെ കാരുണ്യത്തെയും സ്വർഗ്ഗത്തെയും കുറിച്ച്) സന്തോഷമറിയിക്കുന്നവനും മാത്രമാണ്. - ഖുർആൻ അധ്യായം 7: വാക്യം 188

അതിരു കവിഞ്ഞ് പുകഴ്ത്തുന്നത് പ്രവാചകൻ ഇഷ്ടപെട്ടിരുന്നില്ല - മുഹമ്മദ് നബി (സ) പറഞ്ഞു: """"ക്രിസ്ത്യാനികൾ മേരിയുടെ പുത്രൻ(യേശുവിനെ) പുകഴ്ത്തിയത് പോലെ നിങ്ങൾ എന്നെ അതിര് കവിഞ്ഞു പുകഴ്ത്തരുത്, കാരണം ഞാൻ (ദൈവത്തിൻ്റെ) ഒരു ദാസൻ മാത്രമാണ്. അതുകൊണ്ടുതന്നെ നിങ്ങൾ എന്നെ ദൈവദാസൻ എന്നോ ദൈവദൂതൻ എന്നോ വിളിക്കുക.""""
- ബുഖാരി # 3445

WHAT OTHERS ARE READING

Most Popular