Homeతెలుగుగ్యాలరీ
గ్యాలరీ

దైవ ప్రవక్త ముహమ్మద్ (ఆయనపై శాంతి కలుగు గాక)

దైవ ప్రవక్త ముహమ్మద్ (ఆయనపై శాంతి కలుగు గాక)పై ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి
మానవులందరినీ గౌరవించండి "దైవ ప్రవక్త ముహమ్మద్ (ఆయనపై శాంతి కలుగు గాక) వారి ముందు నుండి ఒక శవాన్ని అంతిమ యాత్రగా తీసుకువెళ్ళడం జరిగింది, అప్పుడు ప్రవక్త వారు లేచి నిలబడ్డారు. అక్కడ ఉన్నవారు - ""అది ఒక యూదుడిది"" అన్నారు. అప్పుడు ప్రవక్త -""అతడు కూడా (గతించిన) జీవాత్మే కదా?"" అన్నారు. జాతి, వంశం, కులం, రంగులకు అతీతంగా జీవించి ఉన్న లేదా గతించిన ప్రతీ వ్యక్తి కూడా గౌరవానికి అర్హుడు." బుఖారి # 1313దైవ ప్రవక్త ముహమ్మద్ (ఆయనపై శాంతి కలుగు గాక) "దైవ ప్రవక్త ముహమ్మద్ (ఆయనపై శాంతి కలుగు గాక) ఇస్లాం అనే ఒక కొత్త మతాన్ని స్థాపించలేదు. వాస్తవానికి ఆయన అనేక మంది ప్రవక్తల పరంపరలో చిట్టచివరి వారు. వారందరూ కూడా మన సృష్టికర్త, సర్వశక్తిమంతుడైన దేవుడికి విధేయతతో జీవించే మార్గాన్నే చూపారు. ""..మరియు ప్రతి జాతికి ఒక మార్గదర్శకుడు వచ్చి ఉన్నాడు."" గమనిక - ప్రవక్తలు దేవుడితో ఎంపిక చేయబడిన సదాచారులు, తోటి మానవులు ధార్మిక జీవితం గడపడానికి ఆదర్శంగా నిలిచేవారు." ఖుర్ఆన్ 13:7దైవ ప్రవక్త ముహమ్మద్ (ఆయనపై శాంతి కలుగు గాక) వారి బోధనలు 1. మన సృష్టికర్త, సర్వ శక్తిమంతుడైన దేవుడు ఒక్కడే! 2. మానవులంతా సమానులు. జాతి, వంశం, కులం, రంగు ఆధారంగా దేవుడు మనుషుల మధ్య వివక్ష చూపడు. 3. ఇహలోక జీవితంలో మనం చేసే పనులకి తీర్పు దినం రోజున దేవుడి ముందు జవాబు చెప్పుకోవలసి ఉంటుంది, పరలోక జీవితం శాశ్వతమైనది. "..కావున మీరు, మీ జీవనోపాధిని దేవుడి నుండే అపేక్షించండి మరియు ఆయననే ఆరాధించండి. మరియు ఆయనకే కృతజ్ఞులై ఉండండి. మీరంతా ఆయన వైపునకే మరలింపబడతారు." ఖుర్ఆన్ 29:17అల్పసంఖ్యాకుల ఎడల ప్రవర్తన దైవ ప్రవక్త ముహమ్మద్ (ఆయనపై శాంతి కలుగు గాక) క్రైస్తవులు అల్ప సంఖ్యాకులుగా ఉన్న యెమన్ భూభాగానికి మూఆద్ గారిని గవర్నర్ గా పంపినప్పుడు ఆయనతో ఇలా అన్నారు - "ఓ మూఆద్! పీడితుడి ఆర్తనాదానికి (అంటే నీకు వ్యతిరేకంగా దేవుడికి చేసే ప్రార్ధనకు) భయపడు, ఎందుకంటే ఆ ఆర్తనాదానికి దేవుడికి మధ్య ఎటువంటి అడ్డు తెరా ఉండదు (అంటే దేవుడు దానిని వింటాడు)." బుఖారి # 2448ముస్లిమేతరుల రక్షణ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “జాగ్రత్త! ఎవరైతే ముస్లిముల రాజ్యంలో ముస్లిమేతరులను హింసిస్తాడో లేదా వారి పట్ల కఠినంగా వ్యవహరిస్తాడో లేదా వారి హక్కులను హరించివేస్తాడో లేదా వారిపై మోయలేని భారాన్ని మోపుతాడో లేదా వారి నుండి ఏదైనా వారి అభీష్ఠానికి వ్యతిరేకంగా తీసుకుంటాడో అటువంటి (ముస్లిమేతరుని) పక్షాన తీర్పు దినం రోజున నేను స్వయంగా వాదిస్తాను." అబూ దావూద్ # 3052దయామయుడైన ప్రవక్త బహుదైవారాధకులను శపించమని కొంత మంది దైవ ప్రవక్త ముహమ్మద్ (ఆయనపై శాంతి కలుగు గాక) అడుగగా ఆయన ఇలా అన్నారు: “నేను ఎవరినీ శపించడానికి, దూషించడానికీ పంపబడలేదు, (సర్వ మానవాళికి) కారుణ్యంగా చేసి పంపబడ్డాను.” సహీహ్ ముస్లిం # 2599దైవ ప్రవక్త వారి క్షమాగుణం "మక్కా పై విజయం సాధించిన సందర్భంలో, ఆయన అనుచరుడొకడు మక్కా వాసులను ఉద్దేశించి ఇలా అన్నాడు - ""ఈ రోజు ప్రతీకరం తీర్చుకునే గొప్ప రోజు"". వెంటనే దైవ ప్రవక్త వారి వైపు తిరిగి ఇలా అన్నారు - ""దైవ ప్రవక్త జోసెఫ్ తన సోదరులకు చెప్పెందే నేను మీకు చెపుతున్నాను - ఈ రోజు మీపై ఎటువంటి నింద లేదు"". తనను హత మార్చడానికి అనేక పన్నాగాలు పన్నిన తన శత్రువులను దైవ ప్రవక్త ఈ విధంగా క్షమించివేశారు. నీ దగ్గర శిక్షించే సంపూర్ణ అధికారం ఉండి కూడా మన్నించి వేయడమే కదా నిజమైన క్షమాపణ అంటే ?!" మదీనా గెలుపు - రహీఖ్ అల్ మఖ్తుమ్దైవ ప్రవక్తలో ప్రతీకార ధోరణి లేదు దైవ ప్రవక్త ముహమ్మద్ (ఆయనపై శాంతి కలుగు గాక) ఎప్పుడూ (ఎవరిపైననూ) వ్యక్తిగత ప్రతీకారం తీర్చుకోలేదు. కేవలం పవిత్రమైన దైవ శాసనాలు అతిక్రమించబడినప్పుడు మాత్రమే ఆయన శిక్షించారు. బుఖారి # 3560ఒక శత్రువు మాటలలో దైవ ప్రవక్త దైవ ప్రవక్తకు అప్పట్లో బద్ధశత్రువుగా ఉన్న అబు సుఫ్యాన్ బైజంటైన్ రాజు హెరాక్లస్ ను కలిశాడు. హెరాక్లస్ అతడిని ఇలా అడిగాడు - "ప్రవక్త పదవిని ప్రకటించుకోకముందు మీరెప్పుడైనా అతడిని అబద్ధీకుడిగా నింద వేశారా?". అబు సుఫ్యాన్ లేదని జవాబిచ్చాడు. హెరాక్లస్ అడిగాడు - "అతడు తన వాగ్దానాలను భంగపరుస్తాడా?". అబు సుఫ్యాన్ లేదని జవాబిచ్చాడు. హెరాక్లస్ అడిగాడు - "అతడు మీకు బోధిస్తున్నది ఏమిటి?". అబు సుఫ్యాన్ జవాబిచ్చాడు - "దేవుడు ఒక్కడే అని, అతడిని తప్ప మరెవ్వరినీ ఆరాధించకూడదని, మా పూర్వీకుల ఆచారాలను త్యజించాలని బోధిస్తున్నాడు. ఇంకా; దేవుడిని ఆరాధించమని, సత్యాన్ని పలుకమని, నైతికంగా ఉన్నత విలువలు కలిగి కుటుంబ సభ్యులతో బంధువులతో ప్రేమతో ఉండమని బోధిస్తున్నాడు." అబు సుఫ్యాన్ ఇంకా ఇలా అన్నాడు - "నా అనుచరులు నన్ను అబద్ధీకుడిగా ముద్ర వేసే భయం లేకుంటే ప్రవక్త గురించి నేను ఇలా నిజాలు మాట్లాడే వాడిని కాను". బుఖారి # 7దైవ ప్రవక్త అణకువ ఒక వ్యక్తి దైవ ప్రవక్త వద్దకు వచ్చి మాట్లాడుతుండగా భయంతో అతడు గొంతు వణికింది. అప్పుడు ప్రవక్త ఇలా అన్నారు - "భయపడకు! నేను రాజుని కాను, ఎండు మాంసం తిన్న ఒక తల్లి కొడుకుని మాత్రమే (అంటే సాధారణ మనిషినే)!" సహీహ్ ఇబ్నె మాజహ్ # 2693దైవ ప్రవక్త వారి మృదుత్వము దైవ ప్రవక్త ముహమ్మద్ (ఆయనపై శాంతి కలుగు గాక) వారి అనుచరులైన అనస్ గారు ఇలా అన్నారు - "నేను ప్రవక్త వారి వద్ద పది సంవత్సరాలు పని చేశాను. ఆయన నన్నెన్నడూ ఉఫ్ అని కూడా కసురుకోలేదు. ఇలా ఎందుకు చేశావు, అలా ఎందుకు చేయలేదు అని కూడా అనలేదు." బుఖారి # 6038దైవ ప్రవక్త వారి నిరాడంబరత దైవ ప్రవక్త ముహమ్మద్ (ఆయనపై శాంతి కలుగు గాక) గారు తన బట్టలు స్వయంగా ఉతుక్కునేవారు, అవి చిరిగినప్పుడు కుట్టుకునేవారు, పాదరక్షలు బాగు చేసుకునేవారు, గొర్రెల పాలు పితికి ఇంట్లోవారికి అందజేసే వారు, ఇలా ఒక సామాన్యుడిలా ఇంట్లో అన్ని పనులు చేసుకునేవారు. సహిహ్ జామిహ్ # 4937 & 4996.దైవ ప్రవక్త యుద్ధాన్ని నివారించారు దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: "ఓ ప్రజలారా! శత్రువులను రణరంగంలో కలుసుకోవాలని కోరుకోకండి., వారితో శాంతియుత సహజీవనం ప్రసాదించమని దేవుడిని వేడుకోండి." బుఖారి # 2965తనను చూసి లేచి నిలబడడం ప్రవక్తకు ఇష్టం లేదు దైవ ప్రవక్త ముహమ్మద్ (ఆయనపై శాంతి కలుగు గాక) వారి అనుచరులైన అనస్ గారు ఇలా అన్నారు - "ప్రజలు అందరి కంటే ఎక్కువగా దైవ ప్రవక్తను చూడడానికి ఇష్టపడేవారు. కానీ వారు ఆయనను చూసినప్పుడు లేచి నిలబడే వారు కాదు, ఎందుకంటే వారికి తెలుసు అలా చేయడం ప్రవక్తకు ఇష్టం ఉండేది కాదని." అదాబుల్ ముఫ్రద్ # 946దైవ ప్రవక్త దైవత్వాన్ని ప్రకటించుకోలేదు "(ఓ ప్రవక్తా!) ఇంకా ఇలా అను: నిశ్చయంగా, నేను కూడా మీలాంటి ఒక మానవుడనే! నాపై దివ్యజ్ఞానం అవతరింపజేయబడింది. నిశ్చయంగా, మీ ఆరాధ్య దేవుడు ఆ ఏకైక దైవం మాత్రమే! కావున తన ప్రభువును కలుసుకోవాలని ఆశించేవాడు సత్కార్యాలు చేయాలి. మరియు ఆరాధనలో తన ప్రభువుతో పాటు మరెవ్వరినీ భాగ స్వాములుగా కల్పించుకోరాదు." ఖుర్ఆన్ 18:110దైవ ప్రవక్త దైవ గుణాలు కలిగిలేరు "(ఓ ప్రవక్తా!) వారితో ఇలా అను: నా వద్ద అల్లాహ్‌ కోశాగారాలు ఉన్నాయని గానీ, లేదా నాకు అగోచరజ్ఞానమున్నదని గానీ, నేను మీతో అనడంలేదు. లేదా నేను దేవదూతనని కూడా అనడంలేదు. కాని నేనుకేవలం నాపై అవతరింపజేయబడిన దివ్యజ్ఞానాన్ని మాత్రమే అనుసరిస్తున్నాను." ఖుర్ఆన్ 6:50దైవ ప్రవక్త - ఒక సంఘ సంస్కర్త దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు - "(అజ్ఞాన కాలపు) ప్రతీ మూఢనమ్మకం, ప్రతీకారానికి రక్తం చిందించే ప్రతీ పిలుపు నా కాళ్ల క్రింద ఉన్నాయి (అంటే రద్దు చేయబడ్డాయి)." సహీహ్ ఇబ్నె మాజహ్ # 2144దైవ ప్రవక్త - సహనం ఒక పల్లెటూరు వాసి మసీదులో మూత్రవిసర్జన చేయగా అక్కడ ఉన్న వారు అతడిని కొట్టడానికి వెళ్లారు. దైవ ప్రవక్త ముహమ్మద్ (ఆయనపై శాంతి కలుగు గాక) వారిని వారించి అతడిని వదిలేయమని, అతడు మూత్ర విసర్జన చేసిన ప్రదేశాన్ని నీటితో కడగమని ఆదేశించారు. ఆ తరువాత అక్కడ ఉన్న వారితో ఇలా అన్నారు - "మీరు ప్రజలతో మృధువుగా వ్యవహరించడానికి పంపబడ్డారు, కఠినంగా కాదు." బుఖారి # 6128ఒక యూద స్త్రీ ప్రవక్తకు విషం ఇచ్చినపుడు.. ఒక యూద స్త్రీ దైవ ప్రవక్త ముహమ్మద్ (ఆయనపై శాంతి కలుగు గాక) గారి వద్దకు విషం కలిపిన గొర్రె మాంసం తీసుకు రాగా ఆయన దానిని తిన్నారు. ఆ తరువాత ప్రజలు ఆమెను పట్టుకొని ప్రవక్త వద్దకు తీసుకువచ్చి ఆమెను చంపడానికి ఆదేశించమన్నారు. ప్రవక్త ఆమెను క్షమించి వదిలివేశారు. బుఖారి # 2617దైవ ప్రవక్త - హెచ్చరిక చేసేవాడు, శుభవార్త ఇచ్చేవాడు "(ఓ ప్రవక్తా!) వారితో ఇలా అను: అల్లాహ్‌ కోరితే తప్ప నా స్వయానికి నేను, లాభం గానీ, నష్టం గానీ చేసుకునే అధికారం నాకు లేదు. నాకు అగోచర విషయ జ్ఞానం ఉండి ఉన్నట్లైతే నేను లాభం కలిగించే విషయాలను నా కొరకు అధికంగా సమకూర్చుకునేవాడిని. మరియు నాకు ఎన్నడూ ఏ నష్టం కలిగేది కాదు. నేను విశ్వసించే వారికి కేవలం హెచ్చరిక చేసే వాడను మరియు శుభవార్త నిచ్చేవాడను మాత్రమే!" ఖుర్ఆన్ 7:188దైవ ప్రవక్తకు పొగడ్తలు ఇష్టం లేదు దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు - “క్రైస్తవులు యేసు క్రీస్తు వారిని పొగిడినట్టు నన్ను అతిగా పొగడకండి, నేను కేవలం దైవ దాసుడను మాత్రమే, అందుకని నన్ను దైవ దాసుడని, దైవ సందేసహరుడని మాత్రమే పిలవండి.” బుఖారి # 3445దైవ ప్రవక్తలు! "ఇలా అను: ఒకవేళ భూమి మీద దేవదూతలు నివసిస్తూ ఉండినట్లయితే,మేము వారికొరకు దేవదూతనే సందేశహరునిగా పంపి ఉండేవారము." వాషింగ్ మిషిన్ డెమో (పని తీరు ప్రదర్శనకు) వాషింగ్ మిషిన్ ను వాడతాము. కారు డెమో ఇవ్వడానికి కారునే వాడతాము. అలాగే మనిషికి ఆదర్శ జీవితాన్ని చూపడానికి ఒక మనిషే ఉండాలి, దేవ దూతలు లేక దేవుడు గానీ కాదు. ఖుర్ఆన్ 17:95వివిధ ప్రవక్తల ఏకైక సందేశం! "వాస్తవానికి, మేము ప్రతి సమాజం వారి వద్దకు ఒక ప్రవక్తను పంపాము. (అతనన్నాడు:) మీరు దేవుడిని మాత్రమే ఆరాధించండి మరియు మిథ్యాదైవాల ఆరాధనను త్యజించండి." ఖుర్ఆన్ 16:36ముహమ్మద్ ప్రవక్త (ఆయనపై శాంతి కలుగుగాక) ఎవరు? "(ఓ ముహమ్మద్‌!) వారితో ఇలా అను: 'నేను మొట్టమొదటి ప్రవక్తనేమీ కాను. నాకూ మరియు మీకూ ఏమి కానున్నదో నాకు తెలియదు. నేను అనుసరించేది, నాపై అవతరింపజేయబడిన దివ్యజ్ఞానాన్ని మాత్రమే. మరియు నేను కేవలం స్పష్టంగా హెచ్చరిక చేసేవాడను మాత్రమే.'" ఖుర్ఆన్ 46:9సర్వ మానవాళి ప్రవక్త! "(ఓ ముహమ్మద్‌!) వారితో ఇలా అను: 'మానవులారా! నిశ్చయంగా, నేను మీ అందరివైపునకు (పంపబడిన) దేవుని యొక్క సందేశహరుడను. భూమ్యాకాశాల సామ్రాజ్యాధిపత్యం ఆయనదే. ఆయన తప్ప మరొక ఆరాధ్యదేవుడు లేడు." ఖుర్ఆన్ 7:158అత్యంత అణకువ గల నాయకుడు! ప్రవక్త అనుచరులైన అబ్దుల్లాహ్ గారి ఉల్లేఖనం: "ప్రవక్త ముహమ్మద్ (స) వాలుకుని (దర్జాగా) తినడం గాని లేక వెనుక రక్షక భటులు వస్తుండగా (మహారాజు లాగ) తింటూ రావడం గాని నేనెన్నడూ చూడలేదు." అబూ దావూద్ # 3770యుద్ధాన్ని ఇష్టపడని ప్రవక్త! అంతిమ దైవ ప్రవక్త ముహమ్మద్ (స) ఇలా అన్నారు: "ప్రజలారా! (యుద్ధభూమిలో) శత్రువులను ఎదుర్కోవాలని కోరుకోకండి! అందరితో శాంతియుత సహజీవనం కోసం దేవుడిని ప్రార్ధించండి." బుఖారి # 2965అతిగా పొగడడాన్ని నిరాకరించిన ప్రవక్త! ఒక పెళ్లి వేడుకలో చిన్న పిల్లలు ప్రవక్త వారిని పొగుడుతూ పాటలు పాడుతున్నారు. అక్కడ ఉన్న ఒక అమ్మాయి ఇలా అంది: "మన మధ్య ఒక ప్రవక్త ఉన్నాడు అతనికి రేపు జరగబోయేది తెలుసు". అప్పుడు దైవ ప్రవక్త (స) అన్నారు: "అలా అనకు! దానికి ముందు చెప్పింది చెప్పు అది చాలు." బుఖారి # 4001ప్రవక్త తన ప్రజల అప్పులను తీర్చారు! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: "నేను విశ్వాసులకు వారి సొంత ప్రాణాలకంటే ఆప్తుడను. అందుకని ఎవరైనా విశ్వాసులు అప్పు చేసి చనిపోతే నేవు వారి అప్పును తీరుస్తాను వారు సంపదను వదిలి వెళితే అది వారి వారసులకే చెందుతుంది."ప్రభుత్వ అప్పులను పన్నుల రూపంలో ప్రజలపైకి నెట్టివేస్తున్న నేటి ప్రభుత్వాల వైఖరితో దీనిని పోల్చి చూడండి. బుఖారి # 5371పాదాభివందనం తిరస్కరించిన ప్రవక్త! ప్రవక్త (స) అనుచరులైన ముఆద్ ప్రవక్త పాదాల ముందు వంగారు (గౌరవం సూచకంగా). అంతిమ దైవ ప్రవక్త ముహమ్మద్ (స) అడిగారు: "ముఆద్! మీరు ఏమి చేస్తున్నారు?" ముఆద్ ఇలా జవాబిచ్చారు: "నేను సిరియాకు వెళ్లాను అక్కడ ప్రజలు వారి బిషప్‌లు మరియు సన్యాసుల పాదాలపై పడటం చూశాను. నేను మీకు కూడా అదే చేయాలనుకున్నాను." ప్రవక్త (స) ఇలా అన్నారు: "అలా చేయవద్దు." ఇబ్నె మాజహ్ # 1853ప్రవక్త గారి దాతృత్వం! అంతిమ దైవ ప్రవక్త ముహమ్మద్ (స) గారికి బహ్రైన్ నుండి భారీగా ఆదాయం (డబ్బులు మరియు వస్తు సామాగ్రి) లభించింది. ప్రవక్త (స) ఆ ధనాన్ని మస్జిదులో పంచిపెట్టమని ఆజ్ఞాపించారు. ఇదే ప్రవక్త (స) వారికి లభించిన అత్యధిక ఆదాయం. ప్రవక్త (స) ఆ ధనాన్ని చూడకుండానే ప్రార్ధన వైపుకు మరిలారు. ప్రార్ధన తరువాత ఆయన దాని వద్ద కూర్చొని అక్కడ ఉన్నవారందరికీ దానిని పంచిపెట్టారు. చివరి నాణం పంచిపెట్టిన తరువాతనే అక్కడి నుండి బయలుదేరారు. బుఖారి # 421అంగ రక్షకులు లేరు! ఒక స్త్రీ దైవ ప్రవక్త (స) గారి ఇంటికి వెళ్లింది అక్కడ ఆయనకు అంగ రక్షకులెవరూ లేకపోవడం ఆమె గమనించింది. బుఖారి # 1283ప్రవక్త వారి సాధారణమైన ఆహారం! ప్రవక్త అనుచరులైన అనస్ గారి ఉల్లేఖనం: "ప్రవక్త ముహమ్మద్ (స) ఆయన జీవితంలో ఎన్నడూ సన్నగా బాగా కాల్చిన రొట్టెని గాని లేదా కాల్చిన గొర్రె మాంసాన్ని గాని కళ్లారా చూడడం నేనెరుగను." బుఖారి # 6457దైవ ప్రవక్త గారి నిరాడంబర జీవితం! దైవ ప్రవక్త (స) ఒక గరుకైన గడ్డి చాప మీద నిద్రపోయారు మరియు లేచి చూసేసరికి ఆయన శరీరంపై చాప గుర్తులు కనిపించాయి. ప్రజలు ఇలా అన్నారు: "ఓ ప్రవక్తా! మేము మీ కోసం ఒక మృదువైన మంచాన్ని తేగలము." ప్రవక్త ముహమ్మద్ (స) ఇలా అన్నారు: "ఈ ప్రపంచానికి నాకు ఏమి సంబంధం? నేను (ఈ ప్రపంచంలో) నీడ కోసం చెట్టు క్రింద కూర్చుని దానిని వదిలి వెళ్లిపోయిన ఒక ప్రయాణికుడిలా ఉన్నాను." తిర్మిదీ # 2377దైవ ప్రవక్త గారి నిరాడంబర జీవితం! దైవ ప్రవక్త ముహమ్మద్ (స) తన బట్టలను తనే ఉతుక్కునేవారు వాటిని (చిరిగినపుడు) కుట్టుకునేవారు పాదరక్షలను బాగుచేసుకొనేవారు గొర్రెల పాలు పితికి తాగేవారు మరియు పురుషులు ఇండ్లలో చేసే ఇతర పనులన్నీ చేసేవారు. సహిహ్ జామిహ్ # 4937 & 4996ప్రవక్త గారి వీలునామా! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: "నా కుటుంబం నా నుండి బంగారు వెండి నాణాలను వారసత్వంగా పొందరాదు. నేను వదిలి వెళ్లే సంపద అంతా కూడా దానం చెయ్యబడాలి." బుఖారి # 2776అందరినీ గౌరవించడం నేర్పిన దైవ ప్రవక్త! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) వారి ముందు నుండి ఒక శవాన్ని అంతిమ యాత్రగా తీసుకువెళ్ళడం జరిగింది అప్పుడు ప్రవక్త వారు లేచి నిలబడ్డారు. అక్కడ ఉన్నవారు - "అది ఒక యూదుడిది" అన్నారు. అప్పుడు ప్రవక్త -"అతడు కూడా (గతించిన) జీవాత్మే కదా?" అన్నారు.జాతి వంశం కులం రంగులకు అతీతంగా జీవించి ఉన్న లేదా గతించిన ప్రతీ వ్యక్తి కూడా గౌరవానికి అర్హుడు అని దైవ ప్రవక్త ముహమ్మద్ (స) మనకు బోధించారు. బుఖారి # 1313ముస్లిమేతరుల రక్షణ! దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “జాగ్రత్త! ఎవరైతే ముస్లిముల రాజ్యంలో ముస్లిమేతరులను హింసిస్తాడో లేదా వారి పట్ల కఠినంగా వ్యవహరిస్తాడో లేదా వారి హక్కులను హరించివేస్తాడో లేదా వారిపై మోయలేని భారాన్ని మోపుతాడో లేదా వారి నుండి ఏదైనా వారి అభీష్ఠానికి వ్యతిరేకంగా తీసుకుంటాడో అటువంటి (ముస్లిమేతరుని) పక్షాన తీర్పు దినం రోజున నేను స్వయంగా వాదిస్తాను." అబూ దావూద్ # 3052ప్రవక్తను భయపెట్టాలనుకున్న వ్యక్తి! అంతిమ దైవ ప్రవక్త ముహమ్మద్ (స) ఒక యుద్ధం నుండి తిరిగివస్తూ ఒక చెట్టు నీడలో విశ్రాంతి తీసుకొని తన కత్తిని (చెట్టుపై) వేలాడదీశారు. ముహమ్మద్ (స) ప్రజలను పిలిచి ఇలా అన్నారు: "నేను నిద్రపోతున్నప్పుడు ఈ వ్యక్తి నా దగ్గరకు వచ్చి దొంగతనంగా నా కత్తిని తీసుకున్నాడు. నేను మేల్కొన్నాను నా ఖడ్గాన్ని పట్టుకుని ఆ వ్యక్తి నన్ను ఇలా అడిగాడు: "నా నుండి నిన్ను ఎవరు రక్షిస్తారు?". నేను "దేవుడు" అని సమాధానమిచ్చాను. అతను కత్తిని దూరంగా ఉంచాడు అతనే ఈ వ్యక్తి. ముహమ్మద్ (స) అతన్ని శిక్షించలేదు. బుఖారి # 4139ప్రవక్త మరణించినపుడు.. ఆయన బంగారు వెండి నాణాలు (ధనం) ఏవీ కూడా కలిగి లేరు. ఆయన సవారీ చేసే ఒక తెల్ల కంచరగాడిద కొన్ని ఆయుధాలు మరియు దానం చేయమని చెప్పిన ఒక చిన్న స్థలం మాత్రమే ఆయన వద్ద ఉన్నాయి. బుఖారి # 3098కడ దాకా ప్రజల మధ్య! ఒకానొక సందర్భంలో కొంత మంది ఇలా అన్నారు: "ఓ దైవ ప్రవక్తా! మేము మీకోసం ఒక ప్రత్యేకమైన గుడారాన్ని ఏర్పాటు చేస్తాము". ముహమ్మద్ (స) ఇలా అన్నారు: "నేను ప్రజల మధ్యే ఉండాలనుకుంటున్నాను వారు నా బట్టలు లాగి నా కాళ్ళపై అడుగు పెట్టినప్పటికీ దేవుడు నన్ను వారి నుండి వేరు చేసే వరకూ ఇలాగే ఉంటాను (అంటే మరణం వరకు)." మజ్ముజ్ జవైద్ # 9/24ప్రవక్త దైవత్వాన్ని ప్రకటించలేదు! (ఓ ప్రవక్తా!) ఇంకా ఇలా అను: "నిశ్చయంగా నేను కూడా మీలాంటి ఒక మానవుడినే! నాపై దివ్యజ్ఞానం అవతరింపజేయబడింది. నిశ్చయంగా మీ ఆరాధ్య దేవుడు ఆ ఏకైక దైవం మాత్రమే! కావున తన ప్రభువును కలుసుకోవాలని ఆశించేవాడు సత్కార్యాలు చేయాలి. మరియు ఆరాధనలో తన ప్రభువుతో పాటు మరెవ్వరినీ భాగస్వాములుగా కల్పించుకోరాదు." ఖుర్ఆన్ 18:110ప్రవక్తకు దైవిక గుణాలు లేవు! (ఓ ప్రవక్తా!) వారితో ఇలా అను: "నా వద్ద దేవుడి కోశాగారాలు ఉన్నాయని గానీ లేదా నాకు అగోచరజ్ఞానమున్నదని గానీ నేను మీతో అనడంలేదు. లేదా నేను దేవదూతనని కూడా అనడంలేదు. కాని నేను కేవలం నాపై అవతరింపజేయబడిన దివ్యజ్ఞానాన్ని మాత్రమే అనుసరిస్తున్నాను." ఖుర్ఆన్ 6:50దైవ ప్రవక్త ముహమ్మద్ (ఆయనపై శాంతి కలుగు గాక) దైవ ప్రవక్త ముహమ్మద్ (స) గారు ఇస్లాం అనే ఒక కొత్త మతాన్ని ప్రతిపాదించలేదు. కేవలం మన సృష్టికర్త అయిన దైవం యొక్క ఆరాధన మరియు ఆజ్ఞా పాలన చెయ్యాలి అని బోధించిన ప్రవక్తల పరంపరలో ఆయన చిట్ట చివరి వారు. "మరియు ప్రతి జాతికి ఒక మార్గదర్శకుడు వచ్చి ఉన్నాడు." గమనిక: దైవ ప్రవక్తలు దేవునిచే ఎన్నుకోబడి ప్రజలకు మంచిని బోధించి వారికి ఆదర్శంగా నిలిచే సత్పురుషులు. ఖుర్ఆన్ 13:7దైవ ప్రవక్త ముహమ్మద్ (స) వారి బోధనలు 1. మన సృష్టికర్త సర్వశక్తిమంతుడైన దేవుడు ఒక్కడే! 2. మానవులంతా సమానులే. కులం రంగు జాతి వంశం ఆధారంగా దేవుడు మనషుల మధ్య తారతమ్యం చూపడు. 3. మన కర్మలకు మరణానంతరం దేవుడికి అనంతమైన పరలోకంలో మనం జవాబు చెప్పుకోవలసి ఉంటుంది. "మీ జీవనోపాధిని కేవలం దేవుడి నుండి మాత్రమే అపేక్షించండి మరియు ఆయననే ఆరాధించండి. మరియు ఆయనకే కృతజ్ఞులై ఉండండి. మీరంతా (మరణానంతరం) ఆయన వైపునకే మరలింపబడతారు." ఖుర్ఆన్ 29:17
WHAT OTHERS ARE READING

Most Popular