HomeMalayalamഗാലറി

ഗാലറി

യുദ്ധത്തിൻ്റെ നീതിശാസ്ത്രം

യുദ്ധത്തെ കുറിച്ചുള്ള ഖുർആനിക വാക്യങ്ങളും ഹദീസുകളും അടങ്ങിയ പോസ്റ്ററുകൾ ലഭിക്കാൻ, പോസ്റ്ററിൽ അൽപ്പനേരം ക്ലിക്ക് ചെയ്ത് ഡൗൺലോഡ് അമർത്തുക

യുദ്ധത്തിൽ സാധാരണക്കാരെ കൊല്ലാൻ പാടില്ല - "നിങ്ങളോട് യുദ്ധത്തിന് വരുന്നവരോട് ദൈവത്തിൻ്റെ മാര്‍ഗത്തില്‍ നിങ്ങള്‍ യുദ്ധം ചെയ്യുവിന്‍. എന്നാൽ അതിരു കവിയരുത്. നിശ്ചയമായും ദൈവം അതിരു കവിയുന്നവരെ ഇഷ്ടപ്പെടുന്നതല്ല. ഒരു യുദ്ധത്തിൽ പോരാളികൾക്കെതിരെ മാത്രമേ യുദ്ധം ചെയ്യൽ അനുവദനീയമായിട്ടുള്ളൂ . സാധാരണക്കാരെ ഉപദ്രവിക്കാൻ പാടില്ല. " - ഖുർആൻ അധ്യായം 2 വചനം 190

ആരാണ് ഏറ്റവും ക്രൂരൻ - മുഹമ്മദ് നബി (സ) പറഞ്ഞു: സർവ്വശക്തനായ ദൈവത്തിൻ്റെ ദൃഷ്ടിയിൽ ഏറ്റവും ക്രൂരനായ വ്യക്തി എന്ന് പറയുന്നത് യുദ്ധത്തിൽ ഏർപ്പെടാത്ത ഒരാളെ കൊല്ലുന്നവനാണ് അതിൽ സംശയമേയില്ല -മുസ്നദ് അഹ്മദ് # 6757

യുദ്ധത്തിൽ സ്ത്രീകളെയും കുട്ടികളെയും കൊല്ലാൻ പാടില്ല പ്രവാചകന്‍ പങ്കെടുത്തതായ ഒരു യുദ്ധത്തിൽ ഒരു സ്ത്രീ കൊല്ലപ്പെട്ടതായി മുഹമ്മദ് നബി (സ) കാണുകയുണ്ടായി. അതു കണ്ട പ്രവാചകന്‍ മുഹമ്മദ് നബി (സ) യുദ്ധത്തിൽ സ്ത്രീകളെയും കുട്ടികളെയും കൊല്ലുന്നത് വിലക്കി ബുഖാരി # 3015

സന്യാസിമാരേയും പുരോഹിതൻമാരേയും കൊല്ലാൻ പാടില്ല* മുഹമ്മദ് നബി(സ) പറഞ്ഞു: (യുദ്ധത്തിൽ) ആരാധനാലയങ്ങളിലെ ആളുകളെ കൊല്ലരുത്. മുസ്നദ് അഹ്‌മദ് # 2728

യുദ്ധത്തടവുകാരോട് ദയയോടെ പെരുമാറുവിൻ """മുഹമ്മദ് നബി(സ) പറഞ്ഞു: യുദ്ധത്തടവുകാരോട് നല്ല രീതിയിൽ പെരുമാറാൻ ഞാൻ നിങ്ങളോട് കൽപ്പിക്കുന്നു." മജ്മുസ് സവൈദ് # 6/89

യുദ്ധത്തടവുകാരോട് പ്രവാചകൻ പെരുമാറിയത് എങ്ങനെ? "ബനു ഹനീഫ (യുദ്ധ തടവുകാരെ പീഡിപ്പിക്കുന്നതിന് പേരുകേട്ട) ഗോത്രത്തിലെ ഒരു നേതാവ് സുമാമയെ യുദ്ധത്തടവുകാരനായി പിടിക്കപ്പെട്ടു. ആ സമയത്ത് സുമാമ പ്രവാചകനോട് പറഞ്ഞു: ഹേ മുഹമ്മദ്! നിങ്ങൾ എന്നെ കൊല്ലുകയാണെങ്കിൽ, മറ്റുള്ളവരെ കൊല ചെയ്ത ഒരുത്തനെ നിങ്ങൾ കൊല്ലും , എനി താങ്കൾ എന്നെ സ്വതന്ത്രനാക്കുകയാണെങ്കിൽ കൃതജ്ഞതയുള്ള ഒരുത്തനോട് ഒരു ഉപകാരം ചെയ്തു. (ഇതുകേട്ട) പ്രവാചകൻ മുഹമ്മദ് നബി (സ) പറഞ്ഞു: "സുമാമയെ വിട്ടേക്കുക." അപ്പോൾ സുമാമ പറഞ്ഞു: ഞാൻ ദൈവത്തെക്കൊണ്ട് സത്യം ചെയ്യുന്നു, ഹേ മുഹമ്മദ്! ഭൂമിയിൽ നിങ്ങളെക്കാൾ എനിക്ക് ഇഷ്ടപ്പെടാത്ത ഒരു മുഖം ഉണ്ടായിരുന്നില്ല, എന്നാൽ ഇപ്പോൾ നിങ്ങളുടെ മുഖം എനിക്ക് ഏറ്റവും പ്രിയപ്പെട്ട മുഖമായി മാറിയിരിക്കുന്നു. " ബുഖാരി # 4372

യുദ്ധത്തടവുകാരെ മോചിപ്പിക്കുക മുഹമ്മദ് നബി(സ) പറഞ്ഞു: വിശക്കുന്നവർക്ക് ഭക്ഷണം നൽകുക, രോഗികളെ സന്ദർശിക്കുക, തടവിലുള്ളവരെ( സ്വതന്ത്രമാക്കുക) മോചിപ്പിക്കുക. ബുഖാരി # 5373

യുദ്ധത്തിൻ്റെ നീതിശാസ്ത്രം "മുഹമ്മദ് നബി (സ) പറഞ്ഞു: (യുദ്ധത്തിൽ) കുട്ടികളെയും, സ്ത്രീകളെയും, വൃദ്ധരെയും അന്ധന്മാരെയും കൊല്ലരുത്. യുദ്ധത്തിന് തടസ്സമുണ്ടാക്കുന്നതായ വൃക്ഷമല്ലാതെ നിങ്ങൾ പിഴുതെറിയരുത്, മൃതദേഹങ്ങൾ വികൃതമാക്കരുത്, മൃഗങ്ങളെ കൊല്ലരുത്, വഞ്ചന കാണിക്കരുത്, അതിക്രമങ്ങൾ ചെയ്യരുത്." ബൈഹഖി # 9/91

സമാധാനത്തിലേക്കുള്ള ചായ്‌വ് "ശത്രു സമാധാനത്തിലേക്ക് ചായ്‌വ് കാണിക്കുകയാണെങ്കിൽ നിങ്ങളും സമാധാനത്തിലേക്ക് ചായ്‌വ് കാണിക്കുകയും ദൈവത്തിൽ ഭരമേൽപ്പിക്കുകയും ചെയ്യുക. നിശ്ചയമായും, ദൈവം എല്ലാം കേൾക്കുന്നവനും എല്ലാം അറിയുന്നവനുമാകുന്നു " ഖുർആൻ അധ്യായം 8 വചനം 61

സമാധാനം വാഗ്ദാനം ചെയ്ത ശേഷം യുദ്ധം ചെയ്യാൻ പാടില്ല അവർ (ശത്രുക്കൾ) നിങ്ങളോട് (യുദ്ധം ചെയ്യുന്നതിൽ നിന്ന്) വിട്ടുനിൽക്കുകയും നിങ്ങൾക്ക് സമാധാനം വാഗ്ദാനം ചെയ്യുകയും ചെയ്ത ശേഷം അവർക്കെതിരെ (യുദ്ധം ചെയ്യാൻ) നിങ്ങൾക്ക് ഒരു അധികാരവും ദൈവം നൽകിയിട്ടില്ല. ഖുർആൻ അധ്യായം 4: വചനം 90

കൊലയെക്കാൾ മോശമായത് എന്ത്? അക്രമം ചെയ്യൽ ( അടിച്ചമർത്തൽ) കൊലയെക്കാൾ മോശമായതാണ്. ഖുർആൻ അധ്യായം 2 : വചനം 191

യുദ്ധത്തടവുകാർക്കുള്ള ഭക്ഷണവും വസ്ത്രവും മുഹമ്മദ് നബി(സ) പറഞ്ഞു: ബന്ദികളാക്കിയവർക്ക് ഭക്ഷണവും ,(ശരിയായ രീതിയിൽ)വസ്ത്രവും നൽകണം, അവരുടെ കഴിവിന് അതീതമായ ജോലി അവർക്ക് ഭാരപ്പെടുത്തുകയും ചെയ്യരുത്. സഹീഹ് മുസ്ലിം # 1662

പീഡന നിരോധനം മുഹമ്മദ് നബി(സ) പറഞ്ഞു: ഈ ലോകത്ത് മനുഷ്യരെ(ന്യായമില്ലാതെ) പീഡിപ്പിക്കുന്നവരെ(മരണാനന്തര ജീവിതത്തിൽ) ദൈവം ശിക്ഷിക്കും. സഹീഹ് മുസ്ലിം # 2613

പുണ്യവാന്മാരും തടവുകാരും (പുണ്യവാന്മാർ) അവർക്ക് ഭക്ഷണത്തിന് ആഗ്രഹമുള്ളതോടൊപ്പം തന്നെ സാധുവിനും , അനാഥക്കും , ബന്ധനസ്ഥനും അവർ ഭക്ഷണം നൽകുകയും ചെയ്യുന്നു. (അവർ പറയും): നിശ്ചയമായും ദൈവത്തിൻ്റെ പ്രീതിക്കുവേണ്ടി മാത്രമാണ് ഞങ്ങൾ ഭക്ഷണം നൽകുന്നത് ,(അതല്ലാതെ) നിങ്ങളിൽ നിന്ന് യാതൊരു പ്രതിഫലമോ, നന്ദിയോ ഞങ്ങൾ ആഗ്രഹിക്കുന്നില്ല. ഖുർആൻ അധ്യായം 76: വചനം 8&9

കൊള്ളയടിക്കൽ അനുവദനീയമല്ല "പ്രവാചകൻ്റെ ഒരു അനുചരൻ പറഞ്ഞു: ഞങ്ങൾ ശത്രുക്കളുടെ ആടുകളിൽ ചിലതിനെ കൊള്ളയടിക്കുകയും അവ പാചകം ചെയ്യാൻ വേണ്ടി ഞങ്ങളുടെ പാത്രം തയ്യാറാക്കുകയും ചെയ്തു. അതിനരികിലൂടെ കടന്നുപോയ പ്രവാചകൻ മുഹമ്മദ് നബി (സ) അവ കമിഴ്ത്തിയിടാൻ ഉത്തരവിട്ടു. അതിനുശേഷം പ്രവാചകൻ പറഞ്ഞു"നിശ്ചയമായും കൊള്ളയടിക്കൽ അനുവദനീയമല്ല
" ഇബ്നു മാജ # 3938

തിന്മയെ കൈകാര്യം ചെയ്യൽ "ഒരു തിന്മയുടെ പ്രതിഫലം അതുപോലെയുള്ള ഒരു തിന്മയാകുന്നു. എന്നാൽ, ആരെങ്കിലും മാപ്പുനൽകുകയും നന്നാക്കുക (അഥവാ നല്ലത് പ്രവർത്തിക്കുക)യും ചെയ്‌താൽ, അവർക്കുള്ള പ്രതിഫലം ദൈവത്തിൻ്റെ മേൽ (ബാധ്യതപ്പെട്ടത്) ആകുന്നു. നിശ്ചയമായും, അവൻ അക്രമം ചെയ്യുന്നവരെ ഇഷ്ടപ്പെടുകയില്ല.
" ഖുർആൻ അധ്യായം 42: വചനം 40

WHAT OTHERS ARE READING

Most Popular