Homeతెలుగుగ్యాలరీ

గ్యాలరీ

మానవత్వం

మానవత్వం గురించి ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి

కృతజ్ఞతలు తెలుపడం మరువకండి దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “ప్రజలకు కృతజ్ఞతలు తెలుపని వాడు దైవానికి కూడా కృతజ్ఞత తెలుపడు.” అబూ దావూద్ #4811

మంచిగా వ్యవహరించండి దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “ఎవరైతే స్వర్గాన్ని పొందాలని కోరుకుంటున్నారో వారు - ఇతరులు వారితో ఎలా వ్యవహరించాలని కోరుకుంటారో వారు కూడా ఇతరులతో అలానే వ్యవహరించాలి.” సహీహ్ ముస్లిం #1844

ప్రేమను పంచండి, విద్వేషాన్ని కాదు దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “మీరు మీ కోసం దేనినైతే కోరుకుంటారో అదే ఇతరుల కోసం కూడా కోరుకోండి, అప్పుడు మీరు నిజ విశ్వాసులు అవుతారు. మీ పొరుగువారితో మంచిగా వ్యవహరించండి, అప్పుడు మీరు దైవ చిత్తానికి తలవంచేవారు(దైవ దాసులు) అవుతారు.” సునన్ ఇబ్న్ మాజా # 4217

విశ్వ కారుణ్యమూర్తి దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు: “నేను ఎవరినీ శపించడానికి, దూషించడానికీ పంపబడలేదు, (సర్వ మానవాళికి) కారుణ్యంగా చేసి పంపబడ్డాను.” సహీహ్ ముస్లిం #2599

ఆపద్భాంధవులుగా ఉండాలి దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు : "(ఏ నీడా లభించక భయంకరమైన వేడిమి ఆవరించే తీర్పుదినాన) దేవుడు (ప్రసాదించే) నీడలో ఉండదలచిన వ్యక్తి - ఇహలోకంలో ఆపదలో లేదా కష్టంలో ఉన్నవారిని ఆదుకోవాలి లేదా రుణాన్ని మాఫీ చెయ్యాలి." ఇబ్నె మాజహ్ # 2419

మానవాళికి దైవం ఇచ్చిన ప్రాధాన్యత "మరియు వాస్తవానికి మేము ఆదమ్‌ సంతతికి (మానవాళికి) గౌరవము నొసంగాము. మరియు వారికి నేలమీదనూ, సముద్రంలోనూ, ప్రయాణం కొరకు వాహనాలను ప్రసాదించాము. మరియు మేము వారికి పరిశుధ్ధమైన వస్తువులను జీవనోపాధిగా సమకూర్చాము మరియు మేము సృష్టించిన ఎన్నో ప్రాణులపై వారికి ప్రత్యేక ప్రాధాన్యత నిచ్చాము." ఖుర్ఆన్ 17:70

అత్యుత్తములు! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"ఇతరులకు ప్రయోజనకరంగా ఉండేవారే మీలో అత్యుత్తములు." తబ్రానీ # 5787

ప్రతీ చిన్న మంచి పనికి ఫలితం ఉంటుంది! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"ఒక వ్యక్తి నడుస్తున్న దారిలో ఒక ముళ్ల కొమ్మను చూసి దానిని దారి నుండి తొలగించాడు. ఈ మంచి పనికి దేవుడు సంతుష్టుడయి అతడిని క్షమించివేశాడు." బుఖారి # 652

సత్ప్రవర్తన అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"ప్రజలతో అత్యుత్తమంగా ప్రవర్తించండి." సహీహ్ తర్ఘీబ్ # 2655

"చివరకు వారు చీమల లోయకు (కనుమకు) చేరుకున్నప్పుడు ఒక చీమ ఇలా అన్నది: "ఓ చీమలారా! మీరు మీ ఇండ్లలోకి ప్రవేశించండి, లేకపోతే సులైమాన్‌ మరియు అతని సైనికులు – వారికి తెలియకుండానే – మిమ్మల్ని నలిపివేయవచ్చు!" ఆ చీమ: తన సమాజానికి పొంచిఉన్న ముప్పును గ్రహించింది తన సమాజం పట్ల నిస్వార్ధమైన శ్రద్ధ చూపించింది హాని జరగక ముందే తెలివిగా వ్యవహరించింది మంచి కార్యాచరణ ప్రణాలికను రూపొందించింది ఒక పెను ప్రమాదాన్ని నివారించింది చీమ మాదిరిగా, సమాజాన్ని ఉద్ధరించడానికి నిస్వార్థంగా, చురుకుగా మరియు బాధ్యతాయుతంగా వ్యవహరిద్దాం. — ఖుర్ఆన్ 27:18

చిన్న పనులు, గొప్ప ప్రతిఫలాలు — చిన్న పనులు, గొప్ప ప్రతిఫలాలు — ప్రవక్త ముహమ్మద్ (ఆయనపై శాంతి కలుగు గాక) దానధర్మాలు చేయడం వంటి చిన్న చిన్న దయగల పనులకు కూడా ప్రతిఫలం లభిస్తుందని బోధించారు. - ఒకరికి దారి చూపడం. (బుఖారీ # 2891) - ఒకరి వాహనానికి సహాయం చేయడం. (బుఖారీ # 2989) - రహదారిపై ఉన్న అడ్డంకులను తొలగించడం. (సహీహ్ ముస్లిం # 1009) - ఒకరి సామాను ఎక్కించడంలో సహాయం చేయడం. (బుఖారీ # 2989) - ఆకలితో ఉన్నవారికి అన్నం పెట్టడం. (బుఖారీ # 5373) గుర్తుంచుకోండి, ఏ దయగల పని కూడా చిన్నది కాదు. ఇతరులకు సహాయం చేయడానికి ఎల్లప్పుడూ ఒక అవకాశం కోసం చూడండి. ప్రవక్త గారి అద్భుతమైన బోధనల గురించి మరింత తెలుసుకోవడానికి, ఉచిత ఈ-బుక్‌ను డౌన్‌లోడ్ చేసుకోండి:https://dub.sh/TheBook — బుఖారీ # 2891

WHAT OTHERS ARE READING

Most Popular