Homeతెలుగుగ్యాలరీ
గ్యాలరీ

ధర్మం

ధర్మం గురించి ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి
నిజమైన సాఫల్యం! "కాలం సాక్షిగా! నిశ్చయంగా మానవుడు నష్టంలో ఉన్నాడు! కాని విశ్వసించి సత్కార్యాలు చేసేవారు మరియు ఒకరికొకరు సత్యాన్ని బోధించుకునే వారు మరియు ఒకరి కొకరు సహనాన్ని (స్థైర్యాన్ని) బోధించుకునే వారు తప్ప!" ఖుర్ఆన్ 103:1-3ధర్మానికి మరియు స్వర్గానికి మూల కారణం! అంతిమ దైవ ప్రవక్త ముహమ్మద్ (స) ఇలా అన్నారు: "సత్యం ధర్మానికి దారి తీస్తుంది ధర్మం స్వర్గానికి దారి తీస్తుంది. మరియు ఒక వ్యక్తి సత్యవంతుడుగా (దేవునితో నమోదు చేయబడే వరకు) సత్యాన్ని పలుకుతూనే ఉంటాడు." బుఖారి 6094శ్రేష్ఠమైన వస్త్రం! "ఓ ఆదమ్‌ సంతానమా! వాస్తవానికి మేము మీ కొరకు వస్త్రాలను కల్పించాము అవి మీ మర్మాంగాలను కప్పుతాయి మరియు మీకు అలంకారమిస్తాయి. మరియు దైవభీతియే అన్నిటికంటే శ్రేష్ఠమైన వస్త్రం. ఇవి దేవుని సూచనలలో కొన్ని; బహుశా గుణపాఠం నేర్చు కుంటారేమోనని(వీటిని వినిపిస్తున్నాము)." ఖుర్ఆన్ 7:26ఉత్తమ సమాజ నిర్మాణం! "పుణ్యకార్యాలు మరియు దైవభీతి విషయాలలో ఒకరికొకరు తోడ్పడండి. మరియు పాపకార్యాలలో గానీ దౌర్జన్యాలలో గానీ తోడ్పడకండి. దేవుడి యందు భయ-భక్తులు కలిగి ఉండండి." ఖుర్ఆన్ 5:2సత్యాన్ని దాచడం హృదయాన్ని పాడు చేస్తుంది! "మరియు మీరు సాక్ష్యాన్ని (ఎన్నడూ) దాచకండి. మరియు (సాక్ష్యాన్ని) దాచేవాని హృదయం పాపభరితమైనది. మరియు మీరు చేసేదంతా దేవుడికి బాగా తెలుసు." ఖుర్ఆన్ 2:283ఒప్పందాలను నెరవేర్చడం విశ్వాసానికి ప్రతీక! "ఓ విశ్వాసులారా! ఒప్పందాలను పాటించండి." ఖుర్ఆన్ 5:1ప్రీతికరమైన దానిని ఖర్చు పెట్టండి! "మీకు అత్యంత ప్రీతికరమైన దానిని మీరు (దేవుడి మార్గంలో) ఖర్చు పెట్టనంత వరకు మీరు పుణ్యాత్ములు (ధర్మ నిష్ఠాపరులు) కాలేరు. మరియు మీరు ఏమి ఖర్చుపెట్టినా అది దేవుడికి తప్పక తెలుస్తుంది." ఖుర్ఆన్ 3:92దేవుని అంతులేని అనుగ్రహాలకు కృతజ్ఞత! "మరియు మీరు అడిగినదంతా (దేవుడు) మీకు ఇచ్చాడు. మీరు దేవుడి అనుగ్రహాలను లెక్కించదలచినా లెక్కించజాలరు. నిశ్చయంగా మానవుడు దుర్మార్గుడు కృతఘ్నుడు." ఖుర్ఆన్ 14:34ధర్మబద్ధంగా జీవించడం! "నిశ్చయంగా దేవుడు న్యాయం చేయమని మరియు (ఇతరులకు) మేలు చేయమని మరియు దగ్గరి బంధువులకు సహాయం చేయమని మరియు అశ్లీలత అధర్మం మరియు దౌర్జన్యాలకు దూరంగా ఉండమని ఆజ్ఞాపిస్తున్నాడు. ఆయన ఈ విధంగా మీకు బోధిస్తున్నాడు బహుశా మీరు హితబోధ గ్రహిస్తారని." ఖుర్ఆన్ 16:90
WHAT OTHERS ARE READING

Most Popular