Homeதமிழ்கேலரி
கேலரி

பயபக்தி

பயபக்தி பற்றி குர்ஆன், ஹதீஸின் படிப்பினைகள் கொண்ட போஸ்டர்களை பதிவிறக்கம் செய்யுங்கள். பதிவிறக்கம் செய்ய, போஸ்டரின் மேல் சற்று நேரம் விரலால் அழுத்தி, “டவுன்லோட்” ஐ அழுத்தவும்!
வாய்மை சொர்க்கத்திற்கு வழிகாட்டும்! இறுதி இறை தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:உண்மை நிச்சயமாக நன்மைக்கு வழிகாட்டும் நன்மையானது நிச்சயம் சொர்க்கத்திற்கு வழிகாட்டும. ஒருவர் உண்மை பேசிக்கொண்டே இருப்பார். இறுதியில் அவர் ( இறைவனிடத்தில்) ‘வாய்மையாளர்’ என பதிவு செய்யப்பட்டு விடுவார் புகாரி # 6094சிறந்த ஆடை ஆதமுடைய மக்களே! உங்கள் மானத்தை மறைக்கக்கூடிய (உங்களை) அலங்கரிக்கக்கூடிய ஆடைகளை நிச்சயமாக நாம் உங்களுக்கு அருள் புரிந்திருக்கிறோம். எனினும் (பாவங்களை மறைத்து விடக்கூடிய) இறையச்சம் எனும் ஆடைதான் மிக்க மேலானது. இவை அனைத்தும் இறைவனுடைய வசனங்களாகும். (இவற்றைக் கொண்டு) அவர்கள் நல்லுபதேசம் பெறுவதற்காக! (இவற்றை நாம் விவரிக்கிறோம்). திருக்குர்ஆன் 7:26சாட்சியை மறைத்தல் பாவம் மேலும் நீங்கள் சாட்சியத்தை மறைக்கவேண்டாம். எவரேனும் அதை மறைத்தால் அவருடைய உள்ளம் நிச்சயமாக பாவத்திற்குள்ளாகி விடுகிறது. (மனிதர்களே!) நீங்கள் செய்யும் அனைத்தையும் இறைவன் நன்கறிவான். திருக்குர்ஆன் 2:283ஒப்பந்தத்தை நிறைவேற்றுங்கள்! இறைநம்பிக்கையாளர்களே! (நீங்கள் செய்து கொண்ட ) உடன்படிக்கைகளை முழுமையாக நிறைவேற்றுங்கள். திருக்குர்ஆன் 5:1நீ நேசிப்பதை கொடு! நீங்கள் நேசிக்கும் பொருள்களிலிருந்து தானம் செய்யாதவரை நீங்கள் நன்மை அடைய மாட்டீர்கள்;. எந்தப் பொருளை நீங்கள் செலவு செய்தாலும் நிச்சயமாக இறைவன் அதை நன்கறிந்தவனாக இருக்கின்றான். திருக்குர்ஆன் 3:92நன்றி சொல்! இன்னும் நீங்கள் கேட்டவற்றை எல்லாம் அவன் (இறைவன்) உங்களுக்கு கொடுத்தான். ஆகவே இறைவனுடைய அருட் கொடைகளை நீங்கள் கணக்கிட்டால் அதை உங்களால் எண்ண முடியாது! (இவ்வாறு எல்லாமிருந்தும்) நிச்சயமாக மனிதன் மிக்க அநியாயக்காரனாகவும் மிக்க நன்றி கெட்டவனாகவும் இருக்கின்றான். - திருக்குர்ஆன் 14: 34நன்னெறிகளோடு வாழ்வோம்! நீங்கள் நீதி செலுத்தும்படியாகவும் நன்மை செய்யும்படியாகவும் உறவினர்களுக்கு(ப் பொருள்) கொடுத்து உதவி செய்யும்படியாகவும் நிச்சயமாக இறைவன் (உங்களை) ஏவுகிறான். மானக்கேடான காரியங்கள் பாவம் அநியாயம் ஆகியவற்றிலிருந்து (உங்களை) அவன் தடுக்கிறான். நீங்கள் நல்லுணர்வு பெறுவதற்காக அவன் உங்களுக்கு (இப்படி) நல்லுபதேசம் செய்கிறான். திருக்குர்ஆன் 16:90உண்மையான வெற்றி காலத்தின் மீது சத்தியமாக! (தன் ஆயுளை வீணில் செலவு செய்து) நிச்சயமாக மனிதன் நஷ்டமடைந்து விட்டான். ஆயினும் எவர்கள் நம்பிக்கை கொண்டு நற்செயல்களையும் செய்து சத்தியத்தை ஒருவருக்கொருவர் உபதேசம் செய்து (பாவங்களை விடுவதிலும் நன்மைகளைச் செய்வதிலும் ஏற்படும் சிரமங்களைச்) சகித்துக் கொள்ளுமாறும் ஒருவருக்கொருவர் உபதேசம் செய்து வந்தார்களோ அவர்களைத் தவிர (இவர்கள் நஷ்டமடையவில்லை). திருக்குர்ஆன் 103 : 1-3இறுதித் தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: உன்னை ஏமாற்றியவரை நீ ஏமாற்றாதே. — சஹீஹ் ஜாமிஹ் # 240இறுதித் தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: (எண்ணிக்கையில்) குறைவாக இருந்தாலும், (தொடர்ந்து செய்யப்படும்) நிலையான நற்செயல்களே, இறைவனுக்கு மிகவும் விருப்பமானவை. — சஹீஹ் முஸ்லிம் # 783இவ்வுலகில் நன்மை செய்தோருக்கு (இறைவனிடமிருந்து அழகிய) நன்மையே கிடைக்கும். — குர்ஆன் அத்தியாயம் 39: வசனம் 10இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: பிறருக்கு உணவளியுங்கள், பிறரிடம் அன்பாகப் பேசுங்கள். — சஹீஹ் ஜாமிஹ் # 1021இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: எளிமை என்பது (இறைவன் மீதான) நம்பிக்கையின் ஒரு பகுதியாகும். ஆடம்பரத்தைத் தவிர்த்து, எளிமையாக இருப்பது பணிவை ஏற்படுத்தும். இறைவன் மேல் உள்ள உண்மையான நம்பிக்கையை பிரதிபலிக்கும். — சஹீஹ் ஜாமிஹ் # 2879இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: (நிலம், சொத்து போன்றவற்றை) அபகரிப்பவர், அல்லது வலுக்கட்டாயமாக ஆக்கிரமிப்பவர் நம்மைச் சேர்ந்தவர் அல்ல (அதாவது உண்மையான இறைநம்பிக்கையாளர் இல்லை). ஆக்கிரமிப்பும், சட்டவிரோதமாக நில அபகரிப்பும் பெருகி வரும் நிலையில், இறைத்தூதரின் இந்த எச்சரிக்கை உண்மையான இறைநம்பிக்கையாளன் அநீதி இழைக்க மாட்டான் என்பதை வலியுறுத்துகிறது. — இப்னு ஹிப்பான் # 5170இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: யாராவது உங்களை நம்பி ஒரு பொருளை ஒப்படைத்தால், அதை அவரிடம் பாதுகாப்பாக திருப்பி கொடுத்து விடுங்கள். — தக்ரீஜ் முஷ்கிலில் ஆதார் # 1832இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: நம்பகத்தன்மை இல்லாதவருக்கு (உண்மையான) இறைநம்பிக்கை இல்லை. வாக்குறுதிகளைக் காப்பாற்றாதவருக்கு (உண்மையான) மதநம்பிக்கை இல்லை. — சஹீஹ் ஜாமிஹ் # 7179இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்களிடம், ‘மக்களை சொர்க்கத்தில் நுழைய அனுமதிப்பது எது?’ என்று கேட்கப்பட்டது. இறைத்தூதர் அவர்கள், “பயபக்தியும், நற்குணமும்” என்று பதிலளித்தார்கள். — இப்னு மாஜா # 4246நிச்சயமாக, நற்செயல்கள் பாவங்களைப் போக்கி விடுகின்றன. உங்களால் முடிந்தவரை பல நற்செயல்களைச் செய்ய முயற்சி செய்யுங்கள். — குர்ஆன் அத்தியாயம் 11: வசனம் 114இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்: யார் விளம்பரத்திற்காக (மக்கள் புகழ வேண்டும் என்பதற்காக) நற்செயல்களைச் செய்கிறாரோ, அவரை (நியாயத் தீர்ப்பு நாளில்) இறைவன் அம்பலப்படுத்துவான். புனித யாத்திரைகளில் கூட செல்ஃபி எடுத்து சோசியல் மீடியாவில் விளம்பரப்படுத்தும் காலத்தில் வாழும் நாம், ஆன்மீகத்தில் கவனம் செலுத்துவோம். நமது எண்ணங்களைத் தூய்மையாக வைத்திருப்போம். — புகாரி # 6499இறைவன் உனக்கு(க் கொடுத்து) உதவி செய்தது போல், அதை(க் கொண்டு பிறருக்கு) நீயும் உதவி செய். (குர்ஆன் 28:77) சுயநலம் அதிகரித்து வரும் இந்த காலகட்டத்தில், இறைவன் நமக்கு அருளிய நேரம், செல்வம், இரக்கம் ஆகியவற்றை கொண்டு பிறருக்கு உதவ வேண்டும். சிறியதோ பெரியதோ எந்த நன்மையானாலும், அது அண்டை வீட்டாருக்கு உதவுவதாக இருந்தாலும் சரி, ஏழைகளுக்கு உணவளிப்பதாக இருந்தாலும் சரி, சமூகத்தில் நல்ல மாற்றத்தை உருவாக்கும். — குர்ஆன் அத்தியாயம் 28 வசனம் 77குர்ஆனின் பல இடங்களில், இறைநம்பிக்கையும் நற்செயல்களும் இணைத்தே குறிப்பிடப்பட்டுள்ளன. இது, இறைநம்பிக்கை மட்டும் போதுமானதல்ல என்பதைக் காட்டுகிறது. ஒருவரின் இறைநம்பிக்கை அவரது நற்செயல்களில் பிரதிபலிக்க வேண்டும். பார்க்கவும்: 2:25, 4:57, 10:9, 18:107, 29:7, 35:7, 85:11, 103:3 இன்னும் பல வசனங்கள். — குர்ஆன் அத்தியாயம் 2 வசனம் 25தீமை அதிகமாக இருப்பது உம்மை கவர்ந்தாலும், நன்மையும் தீமையும் சமமாகாது. (குர்ஆன் 5:100) பாவங்கள் கவர்ச்சியாகவும், அதை செய்வது எளிதாகவும் இருப்பதனால், பாவம் செய்ய நினைக்காதீர்! — குர்ஆன் அத்தியாயம் 5 வசனம் 100நிச்சயமாக நற்செயல்கள் பாவங்களை அழித்துவிடுகின்றன. (குர்ஆன் 11:114) பாவம் செய்வது மனித இயல்பு, ஆனால் பாவத்திலேயே நிலைத்திருக்காதீர்கள். நீங்கள் செய்த பாவங்களுக்குப் பரிகாரமாக உங்களால் இயன்ற அளவு நற்செயல்களைச் செய்யுங்கள். — குர்ஆன் அத்தியாயம் 11 வசனம் 114உங்கள் பேச்சை நீங்கள் இரகசியமாகப் பேசுங்கள்! அல்லது, அதை பகிரங்கமாகப் பேசுங்கள்! நிச்சயமாக இறைவன் (உங்கள்) உள்ளங்களில் உள்ளதை நன்கறிவான். (குர்ஆன் 67:13) உள்ளங்களில் தீமையை மறைத்துக்கொண்டு வெளியில் நல்லவர்கள் போல் நடித்தாலும், இறைவன் உண்மையை அறிவான். இறைவனை ஏமாற்ற முடியாது. அகமும், புறமும் தூய்மையாக இருப்பதே நல்லவர்களின் அடையாளம். — குர்ஆன் அத்தியாயம் 67 வசனம் 13நீங்கள் பிறரோடு எப்படி நடக்கிறீர்கள் என்பது தான் உங்கள் இறைநம்பிக்கையின் அடையாளம். இறை நம்பிக்கை: இறைவனை மட்டுமே வணங்குங்கள். இறைவனைத் தவிர வேறு எதையும் வணங்காதீர்கள் நடத்தை: பெற்றோரை கண்ணியப்படுத்துங்கள் உறவினர்களுக்கு நன்மை செய்யுங்கள் ஏழைகளுக்கும் அனாதைகளுக்கும் உதவுங்கள். அண்டை வீட்டாருக்கு நன்மை செய்யுங்கள் பயணிகளுக்கு உதவுங்கள் அனைவரிடமும் நற்குணத்துடன் நடந்து கொள்ளுங்கள். (குர்ஆன் 4:36) — குர்ஆன் அத்தியாயம் 4 வசனம் 36புனிதமிக்க முஹர்ரம் — ...நான்கு மாதங்கள் புனிதமானவை. இதுவே நேரான மார்க்கமாகும். (புனிதமான) அம்மாதங்களில் (பாவங்கள் செய்து) உங்களுக்கு நீங்களே தீங்கிழைத்து விடாதீர்கள்!... (குர்ஆன் 9:36) முஹர்ரம் என்றால் "புனிதமாக்கப்பட்டது" என்று பொருள். அல்லாஹ் இந்த மாதத்தைப் புனிதமானதாக ஆக்கியுள்ளான். புனிதமிக்க இந்த மாதத்தில், நாம் அதிகமாக நற்செயல்களை செய்து, பாவங்களிலிருந்து விலகி இருக்க முயற்சி செய்வோம்! — குர்ஆன் அத்தியாயம் 9 வசனம் 36நபி (ஸல்) அவர்கள் இப்படி துஆ செய்வார்கள்: اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَالْعَجْزِ وَالْكَسَلِ، وَالْجُبْنِ وَالْبُخْلِ، وَضَلَعِ الدَّيْنِ، وَغَلَبَةِ الرِّجَالِ யா அல்லாஹ்! ஹம், ஹஸ்ன், அஜ்ஸ், கஸல், ஜுப்ன், புக்ல், தலஇத் தைன், கலபதிர் ரிஜால் ஆகியவற்றிலிருந்து நான் உன்னிடம் பாதுகாப்பு தேடுகிறேன். (புகாரி # 6369) 1. ஹம் (الهم) – எதிர்காலத்தைப் பற்றிய கவலை. 2. ஹஸ்ன் (الحزن) – கடந்த நிகழ்வுகளால் ஏற்படும் துக்கம். 3. அஜ்ஸ் (العجز) – இயலாமை, பலவீனம். 4. கஸல் (الكسل) – சோம்பல், செயலில் தாமதம். 5. ஜுப்ன் (الجبن) – கோழைத்தனம், சரியானதைச் செய்ய அச்சப்படுதல். 6. புக்ல் (البخل) – கருமித்தனம், கொடுக்க வேண்டியதை மறுத்தல். 7. தலஇத் தைன் (ضلع الدين) – கடன் சுமையால் தவிக்கும் நிலை. 8. கலபதிர் ரிஜால் (غلبة الرجال) – மனிதர்களின் அடக்குமுறை, ஆதிக்கம். — புகாரி # 6369
WHAT OTHERS ARE READING

Most Popular