Homeதமிழ்கேலரி
கேலரி

Atheism

Download posters with Hadith and Quranic verses on Atheism. To download, long press the image and select "Download Image".
நீங்கள் இதை (சிந்தித்துப்) புரிந்து கொள்ள வேண்டாமா? (குர்ஆன் 6:32) உண்மையைத் தீர்மானிப்பதற்கான இறுதி அளவுகோலாக அறிவியல் இருக்க முடியாது. அறிவியலால் ஒரு விஷயம் "எப்படி" நடக்கிறது என்ற கேள்விக்கு பதில் தர முடியும். ஆனால் அந்த விஷயம் "ஏன்" நடக்கிறது என்பதற்கு பதில் தர முடியாது. உதாரணமாக: அறிவியலால் பிரபஞ்சம் எப்படி இயங்குகிறது என்பதை விவரிக்க முடியும். ஆனால் இயற்பியல் விதிகள் ஏன் உள்ளன, பிரபஞ்சம் ஏன் உள்ளது என்பதை விளக்க முடியாது. — குர்ஆன் அத்தியாயம் 6: வசனம் 32"உங்களை வீணாகப் படைத்துள்ளோம் என்றும், நம்மிடம் (இறைவனிடம்) திரும்பக் கொண்டு வரப்படமாட்டீர்கள் என்றும் நினைத்து விட்டீர்களா?" (குர்ஆன் 23:115) உதாரணமாக: 'ராஜன் பிரியாணி சமைத்தார்'. பிரியாணியில் உள்ள பொருட்கள், அதன் கலோரிகள், அதன் வேதியியல் பிணைப்புகளை அறிவியலால் விளக்க முடியும். ஆனால் ராஜன் ஏன் பிரியாணி சமைத்தார் என்பதை அறிவியலால் உங்களுக்குச் சொல்ல முடியாது. பிரியாணி ஏன் சமைக்கப்பட்டது என்பதை ராஜனால் மட்டுமே விளக்க முடியும். அதேபோல், உங்கள் வாழ்வின் நோக்கத்தை அறிவியலால் சொல்ல முடியாது. உங்களைப் படைத்த கடவுளால் மட்டுமே அதை விளக்க முடியும். — குர்ஆன் அத்தியாயம் 23: வசனம் 115நிச்சயமாக, வானங்கள் மற்றும் பூமியின் (பிரபஞ்சத்தின்) படைப்பிலும், இரவும் பகலும் மாறி மாறி வருவதிலும், ஆழ்ந்து சிந்திப்பவர்களுக்கு அத்தாட்சிகள் உள்ளன. (குர்ஆன் 3:190) நீங்கள் ஒரு ஹோட்டல் அறைக்குள் நுழைகிறீர்கள். அங்குள்ள படுக்கை, வாசனை திரவியம், சுவரின் வண்ணம் இப்படி அந்த அறையில் எல்லாமே உங்களுக்கு பிடித்த மாதிரியே உள்ளது. இது தற்செயலாக நடந்திருக்குமா? அல்லது யாரோ கவனமாக திட்டமிட்டு செய்திருப்பார்களா? உயிர் வாழ்வதற்கு ஏதுவாக மிகத் துல்லியமாக இந்த பிரபஞ்சமும், அதன் விதிகளும் வடிவமைக்கப்பட்டுள்ளன. இதில் சிறிய மாற்றம் ஏற்பட்டால் கூட, உயிர் வாழ முடியாது. பிரபஞ்சத்தின் இந்த துல்லியமான வடிவமைப்பு தற்செயலாக இருக்க முடியுமா? — குர்ஆன் அத்தியாயம் 3: வசனம் 190ஆம், பிரபஞ்சத்திற்கு தொடக்கம் உண்டு. பிரபஞ்சத்தின் வயது சுமார் 13.8 பில்லியன் ஆண்டுகள் என்று விஞ்ஞானிகள் கூறுகிறார்கள். (பார்க்க: https://science.nasa.gov/universe/overview/) பிரபஞ்சத்திற்கு தொடக்கமில்லை என்றால், அதற்கு வயது இருக்க முடியாது. உதாரணமாக: நீங்கள் பிறக்கவில்லை என்றால், உங்கள் வயதை கணிக்க முடியுமா? பிரபஞ்சத்தின் வயது, அதற்கு தொடக்கம் இருப்பதை நிரூபிக்கிறது. — நாசாபிரபஞ்சத்தின் தோற்றத்தைப் புரிந்து கொள்ள, பிரபஞ்சம் தோன்றுவதற்கு முன்பு என்ன நடந்தது, அதாவது பிரபஞ்சத்திற்கு வெளியே என்ன நடந்தது என்பதை நாம் அறிய வேண்டும். ஆனால், அறிவியலால் பிரபஞ்சத்தின் உள்ளே இருப்பதை மட்டும் தான் ஆய்வு செய்ய முடியும். அதனால், பிரபஞ்சத்தின் வெளியே என்ன நடந்தது என்பதை பிரபஞ்சத்தால் விளக்க முடியாது. எனவே, பிரபஞ்சத்தின் தோற்றதிற்கு காரணம் என்ன என்பதை பற்றி அறிவியலால் ஒருபோதும் விளக்க முடியாது. — பிரபஞ்சத்தின் தோற்றம்பிரபஞ்சத்தின் தோற்றத்தை அறிவியலால் ஒருபோதும் விளக்க முடியாது என்பதால், இது பற்றி பகுத்தறிவை பயன்படுத்தி சிந்திப்போம். பிரபஞ்சத்தின் தோற்றத்திற்கு இரண்டு சாத்தியக்கூறுகள் மட்டுமே உள்ளன: 1. பிரபஞ்சம் தன்னைத்தானே உருவாக்கி கொண்டது. இல்லாத ஒன்று தன்னைத்தானே உருவாக்கிக் கொள்ள முடியாது என்பதால் இது சாத்தியமல்ல. 2. பிரபஞ்சத்தை ஏதோ ஒரு சக்தி உருவாக்கியது. பகுத்தறிவோடு சிந்தித்தால், இது தான் நடந்திருக்க வேண்டும் என்று முடிவுக்கு வரலாம். பிரபஞ்சத்தை உருவாக்கிய இந்த சக்தியைத் தான் 'கடவுள்' என்று அழைக்கிறோம். — பிரபஞ்சத்தின் தோற்றம்கடவுள் நிரந்தரமானவன். (குர்ஆன் 112:2) ஒரு உதாரணத்திற்கு, நான் உறங்குவதற்கு உங்கள் அனுமதி தேவை என்று வைத்துக் கொள்வோம். நீங்கள் எனக்கு அனுமதி தர, உங்களுக்கு வேறு ஒருவரின் அனுமதி தேவை. அவருக்கு வேறு ஒருவரின் அனுமதி தேவை. இந்த சங்கிலித் தொடர் முடிவில்லாமல் தொடர்ந்து கொண்டே போனால், எனக்கு உறங்க அனுமதி கிடைக்காது. அதனால் என்னால் உறங்கவே முடியாது. அதே போல், கடவுளைப் படைத்தவன் ஒருவன் உண்டென்றால், அவனைப் படைத்தது யார் என்ற கேள்வி வரும். பின்னர், அவனைப் படைத்தது யார் என்ற கேள்வி வரும். இது இப்படியே முடிவில்லாமல் தொடர்ந்து கொண்டே போனால், பிரபஞ்சம் ஒருபோதும் படைக்கப்பட்டிருக்க முடியாது. பிரபஞ்சம் இருக்கிறது என்பதே, அதைப் படைத்த கடவுள் படைக்கப்பவில்லை என்பதை நிரூபிக்கிறது. கடவுள் படைக்கப்படாதவன், நிரந்தரமானவன். — குர்ஆன் அத்தியாயம் 112: வசனம் 2
WHAT OTHERS ARE READING

Most Popular