HomeTeluguగ్యాలరీ

గ్యాలరీ

న్యాయం

న్యాయం గురించి ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి

కీడుకు ప్రతీకారం "కీడుకు ప్రతీకారం దానంతటి కీడు మాత్రమే. కాని ఎవడైనా క్షమించి సంధి చేసుకుంటే అతని ప్రతిఫలం దేవుడి దగ్గర ఉంది. నిశ్చయంగా, ఆయన దౌర్జన్యం చేసేవారంటే ఇష్టపడడు." ఖుర్ఆన్ 42:40

ప్రతీకార హక్కు "కాని ఎవరైనా తమకు అన్యాయం జరిగినప్పుడు దానికి తగినంత న్యాయ ప్రతీకారం మాత్రమే తీసుకుంటే అలాంటి వారు నిందార్హులు కారు. కాని, వాస్తవానికి ఎవరైతే ప్రజలపై దౌర్జన్యాలు చేస్తారో మరియు భూమిలో అన్యాయంగా ఉపద్రవాలు రేకెత్తిస్తారో అలాంటి వారు నిందార్హులు. అలాంటి వారికి బాధాకరమైన శిక్ష గలదు." ఖుర్ఆన్ 42:41 & 42

అమాయకుల ప్రతీకారం దేవుడే చేస్తాడు "ఒకవేళ వాస్తవానికి మేము నిన్ను (మరణం ద్వారా) తీసుకొని పోయినా, వారికి (దౌర్జన్యపరులకు) మాత్రం తప్పకుండా ప్రతీకారం చేస్తాము." ఖుర్ఆన్ 43:41

నిర్దోషులను శిక్షించరాదు దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు : “ఒకరు తప్పు చేస్తే దానికి బదులుగా తప్పు చేయని (నిర్దోషులైన) ఇతరులను శిక్షించకూడదు." ఇబ్నె మాజహ్ # 2672

అత్యుత్తమ పోరు? దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు : “ దైవ మార్గంలో సలిపే అత్యుత్తమ పోరు ఏమిటంటే దౌర్జన్యపరుడైన ఒక పాలకుడి ముందు న్యాయం మాట్లాడడం.” అబూ దావూద్ # 4344

దైవ సన్నిధిలో... దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు : “ నిశ్చయంగా న్యాయవంతులు దేవుని సన్నిధిలో కాంతి పీఠాలపై ఆ కరుణామయుని కుడి వైపు ఉంటారు, ఆయన రెండు వైపులు కూడా గౌరవనీయమైనవి. వారు ఎవరంటే - తమ తీర్పులలో, తమ కుటుంబాలతో మరియు వారు చేసిన ప్రతీ పనిలో కూడా న్యాయాన్ని పాటించినవారు.” సహీహ్ ముస్లిం # 1827

కబ్జాదారుడి పరిస్థితి.. దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు : “మరొకరి స్థలాన్ని అన్యాయంగా ఆక్రమించినవారి మెడలకు (తీర్పుదినాన) ఏడు భూముల లోతు వరకూ వారు ఆక్రమించిన స్థలం చుట్టబడుతుంది (అంటే ఆ పాపం వారిని ఎంతో బలంగా చుట్టి ఉంటుంది).” బుఖారి # 2452

WHAT OTHERS ARE READING

Most Popular