Homeಕನ್ನಡಗ್ಯಾಲರಿ
ಗ್ಯಾಲರಿ

ಉತ್ತಮ ನಡವಳಿಕೆ

ಉತ್ತಮ ನಡವಳಿಕೆ ಕುರಿತು ಹದೀಸ್ ಮತ್ತು ಕುರಾನ್ ವಚನಗಳೊಂದಿಗೆ ಪೋಸ್ಟರ್‌ಗಳನ್ನು ಡೌನ್‌ಲೋಡ್ ಮಾಡಿ. ಡೌನ್‌ಲೋಡ್ ಮಾಡಲು, ಚಿತ್ರವನ್ನು ದೀರ್ಘವಾಗಿ ಒತ್ತಿ ಮತ್ತು “ಡೌನ್‌ಲೋಡ್ ಇಮೇಜ್” ಆಯ್ಕೆಮಾಡಿ.
ನೀವು ಸ್ವಾರ್ಥಿಯೇ? ಯಾರು ತಮ್ಮ ಸ್ವಂತ ಆತ್ಮಗಳ ಸ್ವಾರ್ಥದಿಂದ ರಕ್ಷಿಸಲ್ಪಡುತ್ತಾರೋ, ಅವರೇ (ನಿಜವಾಗಿ) ಯಶಸ್ವಿಯಾಗುವರು. ಕುರಾನ್ ಅಧ್ಯಾಯ 59: ಸೂಕ್ತಿ 9ನಿಮ್ಮ ಎಲ್ಲಾ ಕ್ರಿಯೆಗಳನ್ನು ದಾಖಲಿಸಲಾಗುತ್ತಿದೆ "ಅವರು ಮಾಡುವ ಎಲ್ಲವನ್ನೂ ದಾಖಲಿಸಲಾಗಿದೆ. ದೊಡ್ಡ ಅಥವಾ ಸಣ್ಣ, ಪ್ರತಿಯೊಂದು ಕ್ರಿಯೆಯನ್ನೂ ದಾಖಲಿಸಲಾಗುತ್ತದೆ. ನೀವು ಹೇಗೆ ಯೋಚಿಸುತ್ತೀರಿ, ಮಾತನಾಡುತ್ತೀರಿ ಮತ್ತು ವರ್ತಿಸುತ್ತೀರಿ ಎಂಬುದರ ಬಗ್ಗೆ ಜಾಗರೂಕರಾಗಿರಿ!" ಕುರಾನ್ ಅಧ್ಯಾಯ 54 ಸೂಕ್ತಿ 52, 53ಅನುಪಯುಕ್ತ ವಿಷಯಗಳಲ್ಲಿ ತೊಡಗಬೇಡಿ "ಅನುಪಯುಕ್ತ ವಿಷಯಗಳಿಂದ ದೂರವಿರುವ ವಿಶ್ವಾಸಿಗಳು ಯಶಸ್ವಿಯಾಗಿದ್ದಾರೆ. " ಕುರಾನ್ ಅಧ್ಯಾಯ 23 ಸೂಕ್ತಿ 1 ಮತ್ತು 3ಇತರರನ್ನು ಕ್ಷಮಿಸಿ ..ನೀವು (ನಿಮ್ಮನ್ನು ನೋಯಿಸಿದವರನ್ನು) ಕ್ಷಮಿಸಿ. ದೇವರು ನಿಮ್ಮನ್ನು ಕ್ಷಮಿಸಲೆಂದು ನೀವು ಬಯಸುವುದಿಲ್ಲವೇ? ದೇವರು ಅತ್ಯಂತ ಕ್ಷಮಾಮಯಿ ಮತ್ತು ಕರುಣಾಮಯಿ. ಕುರಾನ್ ಅಧ್ಯಾಯ 24 ಸೂಕ್ತಿ 22ಹೃದಯ ಮತ್ತು ಕ್ರಿಯೆಗಳು ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: "ದೇವರು ನಿಮ್ಮ ನೋಟ ಅಥವಾ ಸಂಪತ್ತನ್ನು ನೋಡುವುದಿಲ್ಲ, ಬದಲಿಗೆ ಅವನು ನಿಮ್ಮ ಹೃದಯ ಮತ್ತು ಕಾರ್ಯಗಳನ್ನು ನೋಡುತ್ತಾನೆ." ಸಹೀಹ್ ಮುಸ್ಲಿಮ್ 2564ಒಳ್ಳೆಯದನ್ನು ಮಾಡಿ ಒಳ್ಳೆಯದನ್ನು ಮಾಡಿ. ಒಳ್ಳೆಯ ಕಾರ್ಯಗಳನ್ನು ಮಾಡುವವರನ್ನು ದೇವರು ಪ್ರೀತಿಸುತ್ತಾನೆ. ಕುರಾನ್ ಅಧ್ಯಾಯ 2 ಸೂಕ್ತಿ 195ದುರಹಂಕಾರಿಯಾಗಬೇಡಿ ಜನರಿಂದ (ತಿರಸ್ಕಾರದೊಂದಿಗೆ) ಮುಖವನ್ನು ತಿರುಗಿಸಬೇಡಿ ಅಥವಾ ಭೂಮಿಯ ಮೇಲೆ ದುರಹಂಕಾರದಿಂದ ನಡೆಯಬೇಡಿ. ಕುರಾನ್ ಅಧ್ಯಾಯ 31 ಸೂಕ್ತಿ 18ಇತರರ ಬಳಿ ಇರುವುದನ್ನು ಅಪೇಕ್ಷಿಸಬೇಡಿ ದೇವರು ನಿಮ್ಮಲ್ಲಿ ಕೆಲವರಿಗೆ ಇತರರಿಗಿಂತ ಹೆಚ್ಚು ಕೊಟ್ಟದ್ದನ್ನು ಹಂಬಲಿಸಬೇಡಿ. ಕುರಾನ್ ಅಧ್ಯಾಯ 4 ಸೂಕ್ತಿ 32ಸತ್ಯ " ಸತ್ಯವನ್ನು ಮುಂದಿಡುವವನು ಮತ್ತು ಅದನ್ನು ಸತ್ಯವೆಂದು ಒಪ್ಪಿಕೊಳ್ಳುವವನು, ಅವರೇ ದೇವರ ಬಗ್ಗೆ ಗಮನವಿಡುವವರು " ಕುರಾನ್ ಅಧ್ಯಾಯ 39 ಸೂಕ್ತಿ 33ದಾನಕ್ಕಿಂತ ಉತ್ತಮವಾದದ್ದು ಏನು? ಒಳ್ಳೆಯ ಮಾತುಗಳನ್ನು ಮಾತನಾಡುವುದು ಮತ್ತು ಇತರರ ತಪ್ಪುಗಳನ್ನು ಕ್ಷಮಿಸುವುದು, ದಾನ ಕೊಟ್ಟು ನಂತರ ನೋವುಂಟುಮಾಡುವುದಕ್ಕಿಂತ ಒಳಿತು ಕುರಾನ್ ಅಧ್ಯಾಯ 2 ಸೂಕ್ತಿ 263ಇತರರ ತಪ್ಪುಗಳನ್ನು ಮರೆಮಾಚಿರಿ "ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: (ಒಂದು ವೇಳೆ) ಒಬ್ಬ ವ್ಯಕ್ತಿಯು ಜಗತ್ತಿನಲ್ಲಿ ಇನ್ನೊಬ್ಬ ವ್ಯಕ್ತಿಯ ದೋಷಗಳನ್ನು ಮರೆಮಾಚಿದರೆ, ದೇವರು ಅವನ ದೋಷಗಳನ್ನು (ಸಾವಿನ ನಂತರ ನಾವು ಪುನಃ ಜೀವಕ್ಕೆ ತಂದಾಗ) ಅಂತಿಮ (ತೀರ್ಪಿನ) ದಿನದಂದು ಮರೆಮಾಚುವನು." ಸಹೀಹ್ ಮುಸ್ಲಿಂ # 2590ನೀವು ಗೆಲ್ಲಬಹುದೇ? ಒಳ್ಳೆಯದನ್ನು ಮಾಡುವಲ್ಲಿ ಪರಸ್ಪರ ಸ್ಪರ್ಧಿಸಿ. ಕುರಾನ್ ಅಧ್ಯಾಯ 2 ಸೂಕ್ತಿ 1 48ಸದಾಚಾರವನ್ನು ಹರಡಿ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: ಯಾರು (ಯಾರನ್ನಾದರೂ) ಒಳ್ಳೆಯದಕ್ಕೆ (ಕಾರ್ಯಕ್ಕೆ) ಮಾರ್ಗದರ್ಶನ ನೀಡುವರೋ, ಅವರು ಒಳ್ಳೆಯ ಕಾರ್ಯವನ್ನು ಮಾಡುವ ವ್ಯಕ್ತಿಯ ಪ್ರತಿಫಲವನ್ನು ಗಳಿಸುವರು. ಸಹೀಹ್ ಮುಸ್ಲಿಂ # 1893ಉತ್ತಮ ನಡವಳಿಕೆ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: "(ತೀರ್ಪಿನ ದಿನದಂದು) ತಕ್ಕಡಿಯಲ್ಲಿ ಒಳ್ಳೆಯ ಗುಣಕ್ಕಿಂತ ಹೆಚ್ಚಾಗಿ ಯಾವುದೂ ಭಾರವಾಗಿರುವುದಿಲ್ಲ. ಖಂಡಿತವಾಗಿಯೂ, ಒಳ್ಳೆಯ ಗುಣ ಹೊಂದಿರುವ ವ್ಯಕ್ತಿಯು ಉಪವಾಸ ಮತ್ತು ಪ್ರಾರ್ಥನೆ ಮಾಡುವ ವ್ಯಕ್ತಿಯ ಸ್ಥಾನವನ್ನು ಪಡೆಯುವನು." ತಿರ್ಮಿಧಿ # 2003ಮುಸ್ಲಿಂ ಎಂದರೆ ಯಾರು? ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: "ಯಾರ ನಾಲಿಗೆ ಮತ್ತು ಕೈಯಿಂದ ಜನರು ಸುರಕ್ಷಿತರಾಗಿರುತ್ತಾರೋ (ಅಂದರೆ ಹಾನಿಕಾರಕ ನುಡಿ ಮತ್ತು ಹಾನಿಕಾರಕ ಕ್ರಿಯೆಗಳಿಂದ ಸುರಕ್ಷಿತವಾಗಿರುವುದು) ಅವರೇ ಮುಸ್ಲಿಂ." ಮುಸ್ನದ್ ಅಹ್ಮದ್ # 15635ಸೌಮ್ಯತೆ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: ಖಂಡಿತವಾಗಿಯೂ, ಯಾವುದೇ ವಸ್ತುವಿನಲ್ಲಿ (ಅಥವಾ ವಿಷಯದಲ್ಲಿ) ಸೌಮ್ಯತೆ ಕಂಡುಬರಲು ಅದು, ಅದನ್ನು ಸುಂದರಗೊಳಿಸುತ್ತದೆ ಹಾಗೂ ಯಾವುದರಿಂದಲು ಅದನ್ನು (ಸೌಮ್ಯತೆಯನ್ನು) ತೆಗೆದಾಗ ಅದು ವಿರೂಪಗೊಳಿಸುತ್ತದೆ." ಸಹೀಹ್ ಮುಸ್ಲಿಂ # 2594"ಒಳಿತನ್ನು ಮಾಡಲು ಶ್ರಮಿಸಿ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ಒಳ್ಳೆಯತನದ ಪ್ರತಿಯೊಂದು ಕಾರ್ಯವು ದಾನವಾಗಿದೆ (ದಾನದಂತೆ ಪ್ರತಿಫಲ ದೊರೆಯುವುದು). ಬುಖಾರಿ # 6021ಸರಳ ಮತ್ತು ಉದಾರವಾಗಿರಿ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:(ದೇವರಲ್ಲಿ) ಸತ್ಯ ವಿಶ್ವಾಸವುಳ್ಳವನು ಸರಳ ಮತ್ತು ಉದಾರಿಯಾಗಿರುವನು, ಅದೇ ದುಷ್ಟ ವ್ಯಕ್ತಿಯು ಮೋಸಗಾರ ಹಾಗೂ ನೀಚನು. ಅಬು ದಾವೂದ್ # 4790ಉತ್ತಮ ನಡವಳಿಕೆ ಅಂತಿಮ ಪ್ರವಾದಿ, ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ದೇವರಿಗೆ ಅತ್ಯಂತ ಪ್ರೀತಿಯ ಜನರೆಂದರೆ, ಉತ್ತಮ ನಡವಳಿಕೆ ಹೊಂದಿರುವವರು. ಇಬ್ನ್ ಹಿಬ್ಬಾನ್ # 486ನೀತಿವಂತ ಜೀವನ ನಡೆಸಿ ದೇವರನ್ನು ಆರಾಧಿಸಿ; ಅವನೊಂದಿಗೆ ಯಾರನ್ನೂ ಅಥವಾ ಯಾವುದನ್ನೂ ಪೂಜಿಸಬೇಡಿ. ನಿಮ್ಮ ಪೋಷಕರು ಸಂಬಂಧಿಕರು ಅನಾಥರು ಬಡವರು ಹತ್ತಿರದ ಮತ್ತು ದೂರದ ನೆರೆಹೊರೆಯವರು ನಿಕಟ ಸ್ನೇಹಿತರು ಅಗತ್ಯದಲ್ಲಿರುವ ಪ್ರಯಾಣಿಕರು ಮತ್ತು ನಿಮ್ಮ ಸ್ವಾಧೀನದಲ್ಲಿರುವವರೊಂದಿಗೆ ದಯೆ ತೋರಿ. ದುರಹಂಕಾರಿ ಮತ್ತು ಜಂಭದ ಜನರನ್ನು ದೇವರು ಇಷ್ಟಪಡುವುದಿಲ್ಲ. ಕುರಾನ್ ಅಧ್ಯಾಯ 4: ಸೂಕ್ತಿ 36ದೇವರು ನಿಮ್ಮ ಒಳ್ಳೆಯ ಕಾರ್ಯಗಳನ್ನು ದಾಖಲಿಸುತ್ತಾನೆ ಯಾರಾದರೂ ಒಳ್ಳೆಯ ಕಾರ್ಯಗಳನ್ನು ಮಾಡಿದರೆ ಮತ್ತು (ದೇವರಲ್ಲಿ) ನಂಬಿಕೆಯುಳ್ಳವರಾಗಿದ್ದರೆ ಅವರ ಶ್ರಮವನ್ನು ನಿರ್ಲಕ್ಷಿಸಲಾಗುವುದಿಲ್ಲ: ನಾವು (ದೇವರು) ಅವುಗಳನ್ನು ಅವರಿಗೆ (ಅವರ ಹೆಸರಲ್ಲಿ) ದಾಖಲಿಸುತ್ತೇವೆ. ಕುರಾನ್ ಅಧ್ಯಾಯ 21: ಸೂಕ್ತಿ 94ಪಾಪಗಳಿಂದ ದೂರವಿರಿ ಯಾರು ತನ್ನನ್ನು (ಎಲ್ಲಾ ರೀತಿಯ ಪಾಪಗಳಿಂದ) ಶುದ್ಧೀಕರಿಸುತ್ತಾನೋ ಅವನು ತನ್ನ ಸ್ವಂತ ಪ್ರಯೋಜನಕ್ಕಾಗಿ ಮಾತ್ರ ತನ್ನನ್ನು ತಾನು ಶುದ್ಧೀಕರಿಸಿಕೊಳ್ಳುತ್ತಾನೆ. ಹಾಗೂ ದೇವರೆಡೆಗೆ ಮಾತ್ರ ಅಂತಿಮ ಮರಳುವಿಕೆ. ಕುರಾನ್ ಅಧ್ಯಾಯ 35: ಸೂಕ್ತಿ 18ತೃಪ್ತರಾಗಿರಲು ಶ್ರಮಿಸಿ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ಯಾರು ಸ್ವಾವಲಂಬಿಯಾಗಲು ಶ್ರಮಿಸುತ್ತಾರೋ ದೇವರು ಅವರನ್ನು ಸ್ವಾವಲಂಬಿಯನ್ನಾಗಿ ಮಾಡುತ್ತಾನೆ. ಯಾರು ಇತರರಿಂದ ಕೇಳುವುದನ್ನು ತಡೆಯಲು ಪ್ರಯತ್ನಿಸುತ್ತಾರೋ ದೇವರು ತಡೆಯಲು ಸಹಾಯ ಮಾಡುತ್ತಾನೆ. ಯಾರು (ತನ್ನ ಬಳಿ ಇರುವುದರಲ್ಲಿ) ತೃಪ್ತರಾಗಿರಲು ಪ್ರಯತ್ನಿಸುತ್ತಾರೋ ದೇವರು ಅವರನ್ನು ತೃಪ್ತಿಪಡಿಸುತ್ತಾನೆ." ನಸಾಯಿ # 2595ನಿಮ್ಮನ್ನು ಮೂರು ಹಿಂಬಾಲಿಸಲಿವೆ ಒಂದು ಮಾತ್ರ ಹಿಂದೆ ಉಳಿಯಲಿದೆ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ಸತ್ತ ವ್ಯಕ್ತಿಯನ್ನು ಮೂರು ವಿಷಯಗಳು ಹಿಂಬಾಲಿಸಲಿವೆ. ಅದರಲ್ಲಿ ಎರಡು ಹಿಂತಿರುಗುಲಿವೆ ಮತ್ತು ಒಂದು ಅವನೊಂದಿಗೆ ಉಳಿಯಲಿದೆ. ಅವನ ಸತ್ಕಾರ್ಯಗಳು ಅವನೊಂದಿಗೆ ಉಳಿಯುವುದು ಹಾಗು ಅವನ ಕುಟುಂಬ ಮತ್ತು ಸಂಪತ್ತು ಹಿಂತಿರುಗುತ್ತವೆ." ಸಹೀಹ್ ಮುಸ್ಲಿಂ # 2960ನಿಜವಾದ ಸಂಪತ್ತು ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ಸಂಪತ್ತು (ಎನ್ನುವುದು) ಆಸ್ತಿಯಲ್ಲಿ ಹೆಚ್ಚಿರುವುದಲ್ಲ ಬದಲಿಗೆ ನಿಜವಾದ ಸಂಪತ್ತು ಆತ್ಮದ ತೃಪ್ತಿ." ಬುಖಾರಿ # 6446ನಿಮಗಿಂತ ಕೆಳಗಿನವರನ್ನು ನೋಡಿ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ನಿಮ್ಮಲ್ಲಿ ಯಾರಾದರೂ ಒಬ್ಬರು ಸಂಪತ್ತಿನಲ್ಲಿ ಮತ್ತು (ಒಳ್ಳೆಯ) ರೂಪದಲ್ಲಿ ತನಗಿಂತ ಉತ್ತಮರನ್ನು ನೋಡಿದಾಗ ಅವರು (ಸಂಪತ್ತು ಮತ್ತು ರೂಪದಲ್ಲಿ) ತನಗಿಂತ ಕೆಳಮಟ್ಟದವರನ್ನೂ ನೋಡಬೇಕು." ಬುಖಾರಿ # 6490ಕ್ರಿಯೆಗಳು ಪಾತ್ರೆಗಳಂತೆ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದರು:ನಿಸ್ಸಂದೇಹವಾಗಿ ಕ್ರಿಯೆಗಳು ಪಾತ್ರೆಗಳಂತೆ. ಕೆಳಗಿನ ಭಾಗ ಉತ್ತಮವಾಗಿದ್ದರೆ (ಅಂದರೆ ಉದ್ದೇಶಗಳು ಉತ್ತಮವಾಗಿದ್ದರೆ) ಮೇಲಿನ ಭಾಗವು (ಅಂದರೆ ಅಂತಿಮ ಫಲಿತಾಂಶ) ಉತ್ತಮವಾಗಿರುತ್ತದೆ. ಕೆಳಗಿನ ಭಾಗವು ಕೆಟ್ಟದಾಗಿದ್ದರೆ ( ಉದ್ದೇಶಗಳು ಕೆಟ್ಟದಾಗಿದ್ದರೆ) ಮೇಲಿನ ಭಾಗವು (ಅಂತಿಮ ಫಲಿತಾಂಶ) ಕೆಟ್ಟದಾಗಿರುತ್ತದೆ. ಇಬ್ನ್ ಮಾಜಾ # 4199ಕಪಟಿಯ ಗುರುತು ... ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ಕಪಟಿಯಲ್ಲಿ ಎರಡು ಗುಣಗಳು ಒಟ್ಟಿಗೆ ಎಂದಿಗೂ ಕಂಡುಬರುವುದಿಲ್ಲ. (ಅವು) ಒಳ್ಳೆಯ ಸ್ವಭಾವ ಮತ್ತು ಧರ್ಮದ (ಸರಿಯಾದ) ತಿಳುವಳಿಕೆ. ತಿರ್ಮಿದಿ # 2684ಅಹಂಕಾರದಿಂದ ದೇವರ ಕೋಪಕ್ಕೆ ಗುರಿಯಾಗ ಬೇಕಾಗುವುದು ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ಸ್ವತಃ ತನ್ನ ಬಗ್ಗೆ ಅಹಂಕಾರದಿಂದ ಅಥವಾ ಹೆಮ್ಮೆಯಿಂದ ನಡೆದುಕೊಳ್ಳುವವನು ಸರ್ವಶಕ್ತ ದೇವರು ಅವನ ಮೇಲೆ ಕೋಪಗೊಂಡಿರುವ ಸ್ಥಿತಿಯಲ್ಲಿ ಭೇಟಿಯಾಗುವನು." ಅದಾಬುಲ್ ಮುಫ್ರದ್ # 549ಅನುಮಾನದ ಬದಲಾಗಿ ಸತ್ಯವನ್ನು ಆರಿಸಿಕೊಳ್ಳಿ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: "ಯಾವುದು ನಿಮ್ಮನ್ನು ಅನುಮಾನಕ್ಕೆ ಒಳಪಡಿಸುತ್ತದೆಯೋ ಅದನ್ನು ಯಾವುದು ನಿಮ್ಮನ್ನು ಅನುಮಾನಕ್ಕೆ ಒಳಪಡಿಸುವುದಿಲ್ಲವೋ ಅದಕ್ಕಾಗಿ ಬಿಟ್ಟುಬಿಡಿ. ಸತ್ಯವು ಶಾಂತಿಯನ್ನು ತರುತ್ತದೆ ಆದರೆ ಸುಳ್ಳು ಅನುಮಾನವನ್ನು ಬಿತ್ತುತ್ತದೆ." ಜಾಮಿ` ಅತ್ತಿರ್ಮಿದಿ 2518ನೀವು ಅತ್ಯಂತ ಶ್ರೀಮಂತರಾಗಲು ಬಯಸುವಿರಾ? ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ದೇವರು ನಿಮಗೆ ಕೊಟ್ಟದ್ದರಲ್ಲಿ ತೃಪ್ತರಾಗಿರಿ ಹಾಗೂ ನೀವು ಜನರಲ್ಲಿ ಅತ್ಯಂತ ಶ್ರೀಮಂತರಾಗುವಿರಿ. ಸಹೀಹ್ ಜಾಮಿ # 100ಉತ್ತಮ ನಡವಳಿಕೆ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ಜನರೊಂದಿಗೆ ಒಳ್ಳೆಯ ರೀತಿಯಲ್ಲಿ ವರ್ತಿಸಿ. ತಿರ್ಮಿದಿ # 1987ದೀರ್ಘಾಯುಷ್ಯ ಮತ್ತು ಒಳ್ಳೆಯ ಕಾರ್ಯಗಳು ಒಬ್ಬ ವ್ಯಕ್ತಿ ಪ್ರವಾದಿಯನ್ನು ಕೇಳಿದನು: "ದೇವರ ಸಂದೇಶವಾಹಕರೇ! ಜನರಲ್ಲಿ ಯಾರು ಉತ್ತಮರು?" ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಉತ್ತರಿಸಿದರು: "ದೀರ್ಘ ಜೀವನ ಹೊಂದಿರುವ ವ್ಯಕ್ತಿ ಹಾಗೂ ಇದನ್ನು ಒಳ್ಳೆಯ ಕಾರ್ಯಗಳನ್ನು ಮಾಡಲು ಬಳಸುವವನು." ತಿರ್ಮಿದಿ # 2329ಉತ್ತಮ ನಡವಳಿಕೆ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ರನ್ನು ಯಾವುದಕ್ಕಾಗಿ ಜನರನ್ನು ಸ್ವರ್ಗಕ್ಕೆ ಹೆಚ್ಚು ಸೇರಿಸಲಾಗುವುದರ ಬಗ್ಗೆ ಕೇಳಲಾಯಿತು ಅದಕ್ಕೆ ಅವರು ಹೇಳಿದರು: "ದೇವರ ಭಯ ಭಕ್ತಿ ಮತ್ತು ಒಳ್ಳೆಯ ಗುಣ." ಹಾಗು ಜನರನ್ನು ಯಾವ ಕಾರಣಕ್ಕಾಗಿ ಬೆಂಕಿಯಲ್ಲಿ ಹೆಚ್ಚು ಸೇರಿಸಲಾಗುವುದು ಎಂದು ಅವರನ್ನು ಕೇಳಲಾಯಿತು ಅದಕ್ಕೆ ಅವರು ಹೇಳಿದರು: "ಬಾಯಿ ಮತ್ತು ಖಾಸಗಿ ಭಾಗಗಳು (ಜನನಾಂಗಗಳು)." ಜಾಮಿ` ಅತ್ತಿರ್ಮಿದಿ 2004ದುಷ್ಟ ಸ್ವಭಾವದಿಂದ ರಕ್ಷಣೆ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಪ್ರಾರ್ಥಿಸುತ್ತಿದ್ದರು:ಓ ದೇವರೇ! ದುಷ್ಟ ಸ್ವಭಾವ ದುಷ್ಟ ಕ್ರಿಯೆಗಳು ಮತ್ತು ದುಷ್ಟ ಆಸೆಗಳಿಂದ ನಾನು ನಿಮ್ಮಲ್ಲಿ ಆಶ್ರಯ ಕೋರುತ್ತೇನೆ. ತಿರ್ಮಿದಿ # 3591ಸರಿಯಾದ ಮಾರ್ಗದರ್ಶನ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: ಯಾರು (ಇತರರಿಗೆ) ಒಳ್ಳೆಯದಕ್ಕೆ ಮಾರ್ಗದರ್ಶನ ನೀಡುತ್ತಾರೋ ಅವನು ಒಳ್ಳೆಯದನ್ನು ಮಾಡುವವರಂತೆ. ತಿರ್ಮಿದಿ # 2670ದೇವರು ಪ್ರೀತಿಸುವ ಎರಡು ಗುಣಗಳು ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಒಬ್ಬ ವ್ಯಕ್ತಿಗೆ ಹೇಳಿದರು:ನಿನ್ನಲ್ಲಿ ದೇವರಿಗೆ ಪ್ರಿಯವಾದ ಎರಡು ಗುಣಗಳಿವೆ. (ಅವು) ಸಹಿಷ್ಣುತೆ ಮತ್ತು ತಾಳ್ಮೆ. ಸಹೀಹ್ ಮುಸ್ಲಿಂ # 18ಯಾರು ಬಲಶಾಲಿ? ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ: “ಬಲಶಾಲಿ ಎಂದರೆ ಚೆನ್ನಾಗಿ ಕುಸ್ತಿಯಾಡುವವನಲ್ಲ ಆದರೆ ಕೋಪದ ಭರದಲ್ಲಿ ತನ್ನನ್ನು ತಾನು ನಿಯಂತ್ರಿಸಿಕೊಳ್ಳುವವನು." ಸಹೀಹ್ ಅಲ್-ಬುಖಾರಿ 6114ಯಾರು ಉತ್ತಮ? ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:"ನಿಮ್ಮಲ್ಲಿ ಉತ್ತಮರು ಉತ್ತಮ ಚಾರಿತ್ರ್ಯವನ್ನು ಹೊಂದಿರುವವರು.” ಅದಾಬುಲ್ ಮುಫ್ರದ್ # 271ಒಳ್ಳೆಯ ಶಿಫಾರಸ್ಸು ಒಳ್ಳೆಯ ಉದ್ದೇಶಕ್ಕಾಗಿ ಯಾರು ಶಿಫಾರಸು ಮಾಡುತ್ತಾರೋ ಅವರು ಅದರಲ್ಲಿ [ಅದರ ಪ್ರತಿಫಲದಲ್ಲಿ] ಪಾಲು ಹೊಂದಿರುತ್ತಾರೆ ಮತ್ತು ಕೆಟ್ಟ ಕಾರಣಕ್ಕಾಗಿ ಶಿಫಾರಸು ಮಾಡುವವರು ಅದರಲ್ಲಿ (ಅದರ ಪಾಪದಲ್ಲಿ) ಒಂದು ಭಾಗವನ್ನು ಹೊಂದಿರುತ್ತಾರೆ. ದೇವರು ಎಲ್ಲವನ್ನೂ ಗಮನಿಸುತ್ತಿರುವನು. ಕುರಾನ್ ಅಧ್ಯಾಯ 4: ಸೂಕ್ತಿ 85ಯಾರು ಸಫಲರು? ತನ್ನ ಆತ್ಮವನ್ನು (ಪಾಪಗಳಿಂದ) ಶುದ್ಧೀಕರಿಸುವವನು ಖಂಡಿತವಾಗಿಯೂ ಸಫಲನು ಮತ್ತು ತನ್ನ ಆತ್ಮವನ್ನು (ಪಾಪಗಳಿಂದ) ಕೆಡಿಸುವವನು ಖಂಡಿತವಾಗಿಯೂ ವಿಫಲನು. ಕುರಾನ್ ಅಧ್ಯಾಯ 91 ಸೂಕ್ತಿ 9- 10ನೀವೇನು ಮಾಡುವಿರಿ? ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ಕೆಲವರು ಒಳ್ಳೆಯದಕ್ಕೆ ಬಾಗಿಲು ತೆರೆಯುತ್ತಾರೆ ಹಾಗು ಕೆಟ್ಟದ್ದಕ್ಕೆ ಬಾಗಿಲು ಮುಚ್ಚುತ್ತಾರೆ ಮತ್ತು (ಇನ್ನು) ಕೆಲವರು ಕೆಟ್ಟದ್ದಕ್ಕೆ ಬಾಗಿಲು ತೆರೆದು ಒಳ್ಳೆಯದಕ್ಕೆ ಬಾಗಿಲು ಮುಚ್ಚುತ್ತಾರೆ. ದೇವರು ಒಳ್ಳೆಯದರ ಕೀಲಿಗಳನ್ನು ಯಾರ ಕೈಯಲ್ಲಿ ಇಡುವನೋ ಅವರಿಗೆ ಶುಭ ಸುದ್ದಿ ಮತ್ತು ಕೆಟ್ಟದರ ಕೀಲಿಗಳನ್ನು ಯಾರ ಕೈಯಲ್ಲಿ ಇಡುವನೋ ಅವರಿಗೆ ಕೇಡಿನ ಸುದ್ದಿ. ಸಹೀಹ್ ಇಬ್ನ್ ಮಾಜಾ # 195ಸದಾಚಾರ ಮತ್ತು ಪಾಪ ಅಂತಿಮ ಪ್ರವಾದಿ ಮುಹಮ್ಮದ್ (ಅವರ ಮೇಲೆ ದೇವರ ವತಿಯಿಂದ ಶಾಂತಿ ಇರಲಿ) ಹೇಳಿದ್ದಾರೆ:ಸದಾಚಾರವು ಒಳ್ಳೆಯ ನಡವಳಿಕೆಯಾಗಿದೆ ಹಾಗು ಪಾಪವು ನಿಮ್ಮನ್ನು ಕಾಡುವ ವಿಷಯ ಮತ್ತು ಜನರು ಅದರ ಬಗ್ಗೆ ತಿಳಿದುಕೊಳ್ಳುವುದನ್ನು ನೀವು ದ್ವೇಷಿಸುತ್ತೀರಿ. ತಿರ್ಮಿದಿ # 2389ನೀತಿವಂತರಿಗೆ ಪ್ರತಿಫಲ ಅಚಲರಾಗಿರಿ. ಒಳ್ಳೆಯದನ್ನು ಮಾಡುವವರ ಪ್ರತಿಫಲವನ್ನು ದೇವರು ವ್ಯರ್ಥವಾಗಲು ಬಿಡುವುದಿಲ್ಲ. ಕುರಾನ್ ಅಧ್ಯಾಯ 11: ಸೂಕ್ತಿ 115ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: "ಖಂಡಿತವಾಗಿಯೂ, (ಯಾರೊಬ್ಬರ) ಕೆಟ್ಟ ಸ್ವಭಾವ (ಅವರ) ಕರ್ಮಗಳನ್ನು ಹಾಳು ಮಾಡುತ್ತದೆ, ವಿನೆಗರ್ ಜೇನುತುಪ್ಪವನ್ನು ಹಾಳುಮಾಡುವಂತೆ." — ಸಹೀಹ್ ಜಾಮಿ # 176ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಖಂಡಿತ, ದೇವರು ಉದಾತ್ತ ಮತ್ತು ಗೌರವಾನ್ವಿತ ಕಾರ್ಯಗಳನ್ನು ಪ್ರೀತಿಸುತ್ತಾನೆ ಹಾಗೂ ಕೀಳು ಮತ್ತು ಅವಮಾನಕರವಾದದ್ದನ್ನು ಇಷ್ಟಪಡುವುದಿಲ್ಲ. ಉದಾತ್ತ ಕಾರ್ಯಗಳು ಒಳ್ಳೆಯ ಗುಣವನ್ನು ಸೂಚಿಸುತ್ತವೆ, ಆದರೆ ಅವಮಾನಕರ ಕ್ರಿಯೆಗಳು ಗಾಸಿಪ್, ಅಪನಿಂದೆ ಹಾಗು ಇತರರ ವ್ಯವಹಾರಗಳಲ್ಲಿ ಅನಗತ್ಯ ಹಸ್ತಕ್ಷೇಪವನ್ನು ಒಳಗೊಂಡಿರುತ್ತವೆ. — ಸಹೀಹ್ ಜಾಮಿ # 1890ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಈ ಜಗತ್ತಿನಲ್ಲಿ ಯಾರಾದರೂ ಮೊತ್ತೊಬ್ಬ ವ್ಯಕ್ತಿಯ ತಪ್ಪುಗಳನ್ನು ಮರೆಮಾಡಿದರೆ, ದೇವರು ತೀರ್ಪಿನ ದಿನದಂದು ಅವರ ತಪ್ಪುಗಳನ್ನು ಮರೆಮಾಡುತ್ತಾನೆ. ಇತರರ ತಪ್ಪುಗಳನ್ನು ಹಂಚಿಕೊಳ್ಳಲು ಆತುರಪಡಬೇಡಿ. ದೇವರು ನಿಮ್ಮ ತಪ್ಪುಗಳನ್ನು ಮರೆಮಾಡಬೇಕೆಂದು ನೀವು ಬಯಸುವುದಿಲ್ಲವೇ? — ಸಹೀಹ್ ಮುಸ್ಲಿಂ # 2590ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಖಂಡಿತವಾಗಿಯೂ, ದೇವರು ಮೂರು ವಿಷಯಗಳನ್ನು ಇಷ್ಟಪಡುವುದಿಲ್ಲ: ಸಂಬಂಧವಿಲ್ಲದರ ಬಗ್ಗೆ ಹರಟೆ ಮಾತು (ಗಾಸಿಪ್) ಅನಗತ್ಯ ಪ್ರಶ್ನೆಗಳು ಹಾಗೂ ಸಂಪತ್ತನ್ನು ವ್ಯರ್ಥ ಮಾಡುವುದು. — ಸಹೀಹ್ ಮುಸ್ಲಿಂ # 593ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಅವರನ್ನು (ಅನುಚಿತವಾದದ್ದರ) ಆಕಸ್ಮಿಕ ನೋಟದ ಬಗ್ಗೆ ಕೇಳಲಾಯಿತು ಹಾಗೂ ಅವರು ಹೇಳಿದರು: "ನಿಮ್ಮ ಕಣ್ಣುಗಳನ್ನು ಬೇರೆಡೆಗೆ ತಿರುಗಿಸಿ." ನೀವು ಉದ್ದೇಶಪೂರ್ವಕವಾಗಲ್ಲದೆ ಏನಾದರೂ ಅನುಚಿತವಾದದ್ದನ್ನು ನೋಡಿದರೆ, ತಕ್ಷಣ ನೀವು ಬೇರೆಡೆ ನೋಡಬೇಕು ಹಾಗೂ ಅದನ್ನು ನೋಡುವುದನ್ನು ಮುಂದುವರಿಸಬಾರದು. — ಅಬು ದಾವೂದ್ # 2148ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: "ಓ ದೇವರೇ! ದುಷ್ಟ ಸ್ವಭಾವ, ದುಷ್ಟ ಕಾರ್ಯಗಳು ಮತ್ತು ದುಷ್ಟ ಆಸೆಗಳಿಂದ ನಾನು ನಿನ್ನಲ್ಲಿ ರಕ್ಷಣೆ ಬೇಡುತ್ತೇನೆ." — ತಿರ್ಮಿದಿ # 3591ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಇತರರಿಗೆ ಹಾನಿ ಉಂಟು ಮಾಡದಿರಿ. ಇದು ನಿಮ್ಮ ಸ್ವಂತ ಒಳಿತಿಗಾಗಿ ಮಾಡಿದ ದಾನವೆಂದು ಪರಿಗಣಿಸಲಾಗುವುದು. — ಬುಖಾರಿ # 2518ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಯಾರು ಸೌಮ್ಯತೆಯಿಂದ ವಂಚಿತರೋ, ಅವರು ಎಲ್ಲಾ ಒಳ್ಳೆಯತನದಿಂದ ವಂಚಿತರಾಗಿರುತ್ತಾರೆ. — ಇಬ್ನ್ ಮಾಜಾ # 3687ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಪ್ರತಿಯೊಂದು (ವಿಧದ) ಮಾದಕ ವಸ್ತುವು ನಿಷಿದ್ಧವಾಗಿದೆ. — ನಸಾಯಿ # 5582ಅಂತಿಮ ಪ್ರವಾದಿ ಮುಹಮ್ಮದ್ (ಶಾಂತಿ ಅವರ ಮೇಲಿರಲಿ) ಹೇಳಿದ್ದಾರೆ: ಮದ್ಯಪಾನ ಮಾಡಬೇಡಿ, ಏಕೆಂದರೆ ಅದು ಎಲ್ಲಾ ರೀತಿಯ ಕೆಡುಕಿಗೆ ಕಾರಣವಾಗುತ್ತದೆ. (ಇಬ್ನ್ ಮಾಜಾ # 3371) ವಿಶ್ವ ಆರೋಗ್ಯ ಸಂಸ್ಥೆಯ (WHO) ಪ್ರಕಾರ, ಮದ್ಯಪಾನವು 200 ಕ್ಕೂ ಹೆಚ್ಚು ರೋಗಗಳಿಗೆ ಕಾರಣವಾಗುತ್ತದೆ. ಮದ್ಯಪಾನವು ಯಕೃತ್ತಿಗಿಂತ ಮೊದಲು ಮೆದುಳಿಗೆ ಹಾನಿ ಮಾಡುತ್ತದೆ ಎಂದು ಅಧ್ಯಯನಗಳು ತೋರಿಸುತ್ತವೆ. ಇಂದು ಚಿಯರ್ಸ್, ನಾಳೆ ಟಿಯರ್ಸ್ (ಕಣ್ಣೀರು). ಹೆಚ್ಚಿನ ಮಾಹಿತಿಗಾಗಿ: {QR ಕೋಡ್} — ಇಬ್ನ್ ಮಾಜಾ # 3371
WHAT OTHERS ARE READING

Most Popular