Homeతెలుగుగ్యాలరీ

గ్యాలరీ

మరణానంతర జీవితం

మరణానంతర జీవితం గురించి ఖురాన్, హదీసుల వాక్యాలతో ఉన్న పోస్టర్లను డౌన్ లోడ్ చేసుకోండి. డౌన్ లోడ్ చేయడానికి పోస్టర్ ను క్లిక్ చేసి ఉంచి “డౌన్ లోడ్” నొక్కండి

మిమ్మల్ని నిర్బంధించడం జరుగుతుంది! "ప్రతి మానవుడు తాను చేసిన కర్మలకు తాకట్టుగా ఉంటాడు(అంటే ఇహలోకంలో చేసిన కర్మలకు తీర్పుదినాన జవాబు చెప్పుకోవలసి ఉంటుంది అని అర్ధం)." ఖుర్ఆన్ 74:38

మీరు ప్రశ్నించబడతారు! "నిశ్చయంగా చూపులూ, వినికిడీ మరియు హృదయం వీటన్నింటినీ గురించీ, (తీర్పు దినమున) ప్రశ్నించడం జరుగుతుంది." ఖుర్ఆన్ 17:36

శాశ్వత సుఖం "ఆ పరలోక జీవితపు (స్వర్గ) గృహాన్ని మేము భూమిలో పెద్దరికం చూపగోరని వారికొరకు మరియు కల్లోలం రేకెత్తించని వారికొరకు ప్రత్యేకిస్తాము. మరియు దైవభీతి గలవారికే (మేలైన) పర్యవసానం ఉంటుంది." ఖుర్ఆన్ 28:83

శాశ్వత దుఃఖం "... దుర్మార్గాన్ని (అణచివేతను, అన్యాయాన్ని) అవలంబించిన వాడు, నిశ్చయంగా (తీర్పుదినాన) విఫలుడవుతాడు." ఖుర్ఆన్ 20:111

మరణం - అంతమా? ఆరంభమా? వారితో ఇలా అను: "దేవుడే మీకు జీవితమిచ్చేవాడు తరువాత మరణింపజేసేవాడు, ఆ పిదప పునరుత్థాన దినమున సమావేశపరచేవాడూను! ఇందులో ఎలాంటి సందేహం లేదు. అయినా చాలా మంది జనులకు ఇది తెలియదు." ఖుర్ఆన్ 45:26

ఈ ప్రాపంచిక జీవితమేనా? మరియు వారిలా అంటారు: "మా (జీవితం) కేవలం ఈ ప్రాపంచిక జీవితం మాత్రమే! మేము మరణించేది మరియు జీవించేది ఇక్కడే మరియు మమ్మల్ని నశింపజేసేది ఈ కాలచక్రం మాత్రమే!". మరియు వాస్తవానికి, దానిని గురించి వారికి ఎలాంటి జ్ఞానం లేదు. వారు కేవలం ఊహాగానాలే చేస్తున్నారు. ఖుర్ఆన్ 45:24

మరణానంతర జీవితం సాధ్యమా? " వారు మళ్ళీ ఇలా అడుగుతారు: ""మమ్మల్ని తిరిగి బ్రతికించి లేపగల వాడుఎవడు?"". వారితో అను: ""ఆయనే, మిమ్మల్ని మొదటి సారి పుట్టించినవాడు!"" ఏదైనా గాని మొదటి సారి కంటే రెండవ సారి చేయడమే సులభం. దేవుడు మొదటి సారి మనలను సృష్టించడానికి కష్ట పడలేదు. అందుకని, మనలను తిరిగి బ్రతికించడం ఆయనకు ఎంత మాత్రం కష్టం కాదు." ఖుర్ఆన్17:51

వాస్తవ సాఫల్యం "ప్రతి ప్రాణి చావును చవిచూస్తుంది. మరియు నిశ్చయంగా, తీర్పుదినమున మీ కర్మల ఫలితం మీకు పూర్తిగా ఇవ్వబడుతుంది. కావున ఎవడు నరకాగ్ని నుండి తప్పించబడి స్వర్గంలో ప్రవేశపెట్టడతాడో! వాస్తవానికి, వాడే సఫలీకృతుడు. మరియు ఇహలోక జీవితం కేవలం మోసపుచ్చే సుఖానుభవం మాత్రమే!" ఖుర్ఆన్ 3:185

మీరు ప్రశ్నించబడతారు "అప్పుడు, ఆ (తీర్పు దినం) రోజు మీరు, (ఈ జీవితంలో అనుభవించిన) సౌఖ్యాలను గురించి తప్పక ప్రశ్నించబడతారు!" ఖుర్ఆన్ 102:8

మీరు దేవుని వైపుకే మరలింపబడతారు! "ప్రతి ప్రాణి చావును చవిచూస్తుంది. ఆ తరువాత మీరందరూ మా వైపుకే (దేవుని వైపుకే) మరలింపబడతారు." ఖుర్ఆన్ 29:57

తీర్పు దినం! "నిస్సందేహంగా, రాబోయే ఆ (తీర్పు) దినమున, మేము వారిని సమావేశ పరిచినపుడు, వారి స్థితి ఎలా ఉంటుందో (ఆలోచించారా?) మరియు ప్రతి జీవికి తాను చేసిన కర్మల ఫలితం పూర్తిగా ఇవ్వబడుతుంది. మరియు వారికెలాంటి అన్యాయం జరుగదు." ఖుర్ఆన్ 3:25

మంచి చెడుల పర్యవసానం ఒకటేనా? "దుష్కార్యాలకు పాల్పడినవారు వారి ఇహలోక జీవితంలోనూ మరియు వారి మరణానంతర జీవితంలోనూ – వారినీ మరియు విశ్వసించి సత్కార్యాలు చేసే వారినీ – మేము ఒకే విధంగా పరిగణిస్తామని భావిస్తున్నారా ఏమిటి? వారి ఆలోచనలు ఎంత చెడ్డవి!" ఖుర్ఆన్ 45:21

మరణానంతర జీవితం సాధ్యమా? "మానవుడు ఇలా అంటూ ఉంటాడు: ఏమీ? నేను చనిపోయిన తరువాత మళ్ళీ బ్రతికించబడి లేపబడతానా? ఏమీ? మునుపు అతడి ఉనికే లేనప్పుడు మేము అతనిని సృష్టించిన విషయం అతనికి జ్ఞాపకం రావటం లేదా? "ఏదైనా పని మొదటి సారి కంటే రెండవ సారి చేయడమే సులభం. దేవుడు మొదటి సారి మనలను సృష్టించడానికి కష్టపడలేదు. అందుకని మనలను తిరిగి బ్రతికించడం ఆయనకు ఎంత మాత్రం కష్టం కాదు. ఖుర్ఆన్ 19:66-67

మీరు దేవునితో ప్రశ్నింపబడతారు! "నీ ప్రభువు సాక్షిగా! నిశ్చయంగా మేము వారందరినీ ప్రశ్నిస్తాము వారు (ఇహలోకంలో) చేస్తూ ఉండిన కర్మలను గురించి." ఖుర్ఆన్ 15:92-93

మీకు విరుధ్ధంగా మీరే సాక్ష్యమిచ్చే రోజు! "వారి నాలుకలు వారి చేతులు మరియు వారి కాళ్ళు – వారు చేస్తూ ఉండిన కర్మలను గురించి – వారికి విరుధ్ధంగా సాక్ష్యమిచ్చే రోజు (తీర్పు దినం రోజు)!" ఖుర్ఆన్ 24:24

ఇహలోక జీవితం తాత్కాలికమైనది! "నా జాతి ప్రజలారా! నిశ్చయంగా ఈ ఇహలోక జీవిత సుఖం తాత్కాలికమైనదే మరియు నిశ్చయంగా పరలోకమే శాశ్వతమైన నివాస స్థలము." ఖుర్ఆన్ 40:39

ప్రతీ చిన్న పనికీ పర్యవసానం ఉంది! "అప్పుడు ప్రతివాడు తాను రవ్వంత (పరమాణువంత) మంచిని చేసి ఉన్నా దానిని చూసుకుంటాడు. మరియు అలాగే ప్రతివాడు తాను రవ్వంత (పరమాణువంత) చెడును చేసి ఉన్నా దానిని చూసుకుంటాడు." ఖుర్ఆన్ 99:7-8

శిక్ష! "పాపకార్యాలు చేసినవారికి వారి పాపాలకు తగినట్టి ప్రతిఫలం లభిస్తుంది మరియు వారిని అవమానం క్రమ్ముకుంటుంది. దేవుడు నుండి వారిని రక్షించేవాడెవ్వడూ ఉండడు. వారి ముఖాలు చీకటిరాత్రి యొక్క నల్లని తెరల వంటి వాటితో కప్పబడి ఉంటాయి. అలాంటి వారు నరకాగ్నివాసులు. అందులో వారు శాశ్వతంగా ఉంటారు." ఖుర్ఆన్ 10:27

ప్రతిఫలం! "మంచిపనులు చేసినవారికి మంచి ఫలితం దొరుకుతుంది. మరియు ఇంకా ఎక్కువ లభిస్తుంది. మరియు వారి ముఖాలు నల్లబడవు మరియు వారికి అవమానమూ జరుగదు. అలాంటి వారు స్వర్గవాసులు. వారందులో శాశ్వతంగా ఉంటారు." ఖుర్ఆన్ 10:26

తాత్కాలిక సుఖాలు! "మరియు మీకు ఇవ్వబడినవన్నీ ఈ ప్రాపంచిక జీవితపు సుఖసంతోషాల సామాగ్రి మరియు దాని అలంకరణలు మాత్రమే! కాని దేవుడి వద్ద ఉన్నది దీనికంటే ఎంతో ఉత్తమమైనది మరియు నిత్యమైనది. ఏమీ? మీరిది అర్థం చేసుకోలేరా?" ఖుర్ఆన్ 28:60

దేవుడు మిమ్మల్ని ప్రశ్నిస్తాడు! "ఏమిటి? మానవుడు తనను విచ్చలవిడిగా వదలిపెట్టడం జరుగుతుందని (తాను ప్రశ్నింపబడనని) భావిస్తున్నాడా?" ఖుర్ఆన్ 75:36

ఏమైనా సందేహమా? "ఏమిటి? మేము అతని ఎముకలను ప్రోగుచేయలేమని మానవుడు భావిస్తున్నాడా? వాస్తవానికి! మేము అతని వ్రేళ్ళ కొనలను కూడా తిరిగి రూపొందించగల సమర్థులము." ఖుర్ఆన్ 75:3-4

మీరు మీ సృష్టికర్తను కలుస్తారు! "ఏమీ? వారు తమలో తాము (ఎన్నడూ) ఆలోచించలేదా? ఆకాశాలనూ భూమినీ మరియు వాటిమధ్య ఉన్నదంతా దేవుడు సత్యంతో ఒక నిర్ణీత గడువు కొరకు మాత్రమే సృష్టించాడని? అయినా నిశ్చయంగా ప్రజలలో చాలామంది తమ ప్రభువును కలుసుకోవలసి ఉందనే వాస్తవాన్ని తిరస్కరిస్తున్నారు." ఖుర్ఆన్ 30:8

శ్రేష్ఠమైన ప్రార్ధన! అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా ప్రార్ధించేవారు:"మా ప్రియ ప్రభువా! మాకు ఇహలోకంలోనూ శ్రేష్ఠమైనవి ప్రసాదించు మరియు పరలోకంలోనూ శ్రేష్ఠమైనవి ప్రసాదించు మరియు మమ్మల్ని నరకాగ్ని నుండి రక్షించు." బుఖారి # 4522

మూడు వెంట వెళ్తాయి రెండు తిరిగి వస్తాయి.. అంతిమ దైవ ప్రవక్త ముహమ్మద్ (ఆయనపై శాంతి కలుగు గాక) ఇలా అన్నారు:"ఒక మృతుడి వెనుక మూడు వెళ్తాయి రెండు తిరిగి వస్తాయి ఒకటి మాత్రం అతడి వెంట ఉంటుంది. మృతుడి వెంట అతడి కుటుంబం అతడి ఆస్థి మరియు అతడి కర్మలు వెళ్తాయి. అతడి కుటుంబం మరియు ఆస్థి తిరిగి వస్తాయి. అతడి కర్మలు (అంటే వాటి పర్యవసానాలు) మాత్రమే అతడితో ఉంటాయి." తిర్మిదీ # 2379

మరణానంతర జీవితం సాధ్యమా? "మానవుడు ఇలా అంటూ ఉంటాడు: ఏమీ? నేను చనిపోయిన తరువాత మళ్ళీ బ్రతికించబడి లేపబడతానా? ఏమీ? మునుపు అతడి ఉనికే లేనప్పుడు మేము అతనిని సృష్టించిన విషయం అతనికి జ్ఞాపకం రావటం లేదా? "ఏదైనా పని మొదటి సారి కంటే రెండవ సారి చేయడమే సులభం. దేవుడు మొదటి సారి మనలను సృష్టించడానికి కష్టపడలేదు. అందుకని మనలను తిరిగి బ్రతికించడం ఆయనకు ఎంత మాత్రం కష్టం కాదు. ఖుర్ఆన్ 19:66-67

ప్రతి కర్మ ముఖ్యమైనది! "మరియు నిశ్చయంగా మీరు చేస్తున్న కర్మలను గురించి మీరు (తీర్పు దినమున దేవుడితో) తప్పక ప్రశ్నించబడతారు." ఖుర్ఆన్ 16:93

మీరు ఆత్మపరిశీలన చేసుకుంటారా? ఓ విశ్వాసులారా! దేవుడి పట్ల భయ భక్తులు కలిగి ఉండండి. మరియు ప్రతి వ్యక్తి తాను రేపటి (మరణానంతర జీవితం) కొరకు ఏమి (మంచి లేదా చెడు) సమకూర్చుకున్నాడో చూసుకోవాలి. మరియు దేవుడి పట్ల భయ భక్తులు కలిగి ఉండండి. నిశ్చయంగా మీరు చేసేదంతా దేవుడు ఎరుగును! ఖుర్ఆన్ 59:18

WHAT OTHERS ARE READING

Most Popular