ಒಬ್ಬ ದೇವರೋ ಅಥವಾ ಅನೇಕ ದೇವರುಗಳೋ?

ಬ್ರಹ್ಮಾಂಡದ ಸೃಷ್ಟಿಗೆ ಸಂಬಂಧಿಸಿದಂತೆ ವಿಭಿನ್ನ ದೇವರುಗಳ ನಡುವೆ ಭಿನ್ನಾಭಿಪ್ರಾಯವಿದ್ದರೆ ಬ್ರಹ್ಮಾಂಡವು ಎಂದಿಗೂ ಅಸ್ತಿತ್ವಕ್ಕೆ ಬರುತ್ತಿರಲಿಲ್ಲ. ಈ ಬ್ರಹ್ಮಾಂಡದ ಅಸ್ತಿತ್ವ ಮತ್ತು ಅದರಲ್ಲಿ ನಾವು ಗಮನಿಸುವ ಪರಿಪೂರ್ಣ ಕ್ರಮವು, ಅದರ ಎಲ್ಲಾ ವ್ಯವಹಾರಗಳನ್ನು ನಿರ್ವಹಿಸುವ ಮತ್ತು ನಿಯಂತ್ರಿಸುವ ಒಬ್ಬನೇ ಪರಮಾತ್ಮನಿದ್ದಾನೆ ಎಂಬುದಕ್ಕೆ ನಿರಾಕರಿಸಲಾಗದ ಪುರಾವೆಯಾಗಿದೆ.

“ಒಬ್ಬ ದೇವರೋ ಅಥವಾ ಅನೇಕ ದೇವರುಗಳೋ?” ಎಂಬ ಪ್ರಶ್ನೆಗಿರುವ ಸರಳ ಉತ್ತರ “ಒಬ್ಬನೇ ದೇವರು.” “ಅದು ಯಾಕೆ ಹಾಗೆ?” ಎಂದು ನೀವು ಆಶ್ಚರ್ಯಪದುವುದಾದರೆ ಬನ್ನಿ ತಿಳಿಯೋಣ.

ಇಬ್ಬರು ದೇವರುಗಳಿದ್ದರೆ…

ಎರಡು ದೇವರುಗಳಿರುವ ಬಹುದೇವತಾವಾದದ ಸರಳವಾದ ಪ್ರಕರಣವನ್ನು ನಾವು ತೆಗೆದುಕೊಳ್ಳೋಣ. ಆದ್ದರಿಂದ ಈ ಇಬ್ಬರು ದೇವರುಗಳು ಯಾವುದೇ ಸಮಸ್ಯೆಯನ್ನು ನಿರ್ಧರಿಸಬೇಕಾದರೆ, ಇರಬಹುದಾದ ಮೂರು ಸನ್ನಿವೇಶಗಳಲ್ಲಿ ಒಂದು ಉದ್ಭವಿಸುತ್ತದೆ.

ಸನ್ನಿವೇಶ 1: ಇಬ್ಬರು ದೇವರುಗಳು ವಿವಿಧ ವಿಷಯಗಳಲ್ಲಿ “ಭಿನ್ನಾಭಿಪ್ರಾಯ ಹೊಂದಿರುತ್ತಾರೆ”.

ಎರಡು ದೇವರುಗಳು ಒಂದು ವಿಷಯದ ಬಗ್ಗೆ ಭಿನ್ನಾಭಿಪ್ರಾಯ ಹೊಂದಿರುವಾಗ, ಆ ನಿರ್ದಿಷ್ಟ ವಿಷಯ ಎಂದಿಗೂ ಕಾರ್ಯಗತಗೊಳ್ಳುವುದಿಲ್ಲ.

ಬಹುದೇವಾರಾಧನೆಯೋ ಅಥವಾ ಏಕದೇವಾರಾಧಾನೆಯೋ?

ಬ್ರಹ್ಮಾಂಡದ ಸೃಷ್ಟಿಗೆ ಸಂಬಂಧಿಸಿದಂತೆ ಈ ದೇವರುಗಳ ನಡುವೆ ಭಿನ್ನಾಭಿಪ್ರಾಯವಿದ್ದರೆ ಬ್ರಹ್ಮಾಂಡವು ಎಂದಿಗೂ ಅಸ್ತಿತ್ವಕ್ಕೆ ಬರುತ್ತಿರಲಿಲ್ಲ. ನಮ್ಮ ದೈನಂದಿನ ಜೀವನದಲ್ಲಿ ನಾವು ಎದುರಿಸುವ ಒಂದು ಸರಳವಾದ ಸಮಸ್ಯೆಯು ಸಹ ಭಿನ್ನಾಭಿಪ್ರಾಯ ಮತ್ತು ಗೊಂದಲವನ್ನು ಉಂಟುಮಾಡುತ್ತದೆ.

ಉದಾಹರಣೆಗೆ, ಒಬ್ಬ ಹಿಂದೂ ಮತ್ತು ಮುಸ್ಲಿಂ ಇಬ್ಬರೂ, ಒಬ್ಬ ವ್ಯಕ್ತಿಗೆ ಮಾತ್ರ ಕೆಲಸ ಸಿಗುವ ಉದ್ಯೋಗ ಸಂದರ್ಶನಕ್ಕೆ ಹೋಗಿ, ಕೆಲಸಕ್ಕಾಗಿ ಇಬ್ಬರೂ ತಮ್ಮ ತಮ್ಮ ದೇವರನ್ನು ಪ್ರಾರ್ಥಿಸುತ್ತಾರೆ. ಹಿಂದೂ ಮತ್ತು ಮುಸಲ್ಮಾನರು ತಮ್ಮದೇ ಆದ ದೇವರನ್ನು ಹೊಂದಿದ್ದರೆ, ಯಾವ ದೇವರು ಮತ್ತು ಯಾರಿಗೆ ಕೆಲಸ ಕೊಡುತ್ತಾನೆ? ಹಿಂದೂ ದೇವರು ಹಿಂದೂಗಳಿಗೆ ಕೆಲಸ ನೀಡಲು ನಿರ್ಧರಿಸಿದರೆ ಮತ್ತು ಮುಸ್ಲಿಂ ದೇವರು ಮುಸಲ್ಮಾನರಿಗೆ ಕೆಲಸ ನೀಡಲು ನಿರ್ಧರಿಸಿದರೆ, ಎರಡೂ ದೇವರ ನಡುವೆ ಭಿನ್ನಾಭಿಪ್ರಾಯ ಉಂಟಾಗುತ್ತದೆ ಮತ್ತು ಯಾರಿಗೂ ಕೆಲಸ ಸಿಗುವುದಿಲ್ಲ.

ಜಗತ್ತಿನಲ್ಲಿ ವಿವಿಧ ನಂಬಿಕೆಗಳ ಜನರ ಲಕ್ಷಾಂತರ ಪ್ರಾರ್ಥನೆಗಳಿವೆ. ಅನೇಕ ದೇವರುಗಳಿದ್ದರೆ, ಆ ದೇವರುಗಳ ನಡುವೆ ಲಕ್ಷಾಂತರ ಭಿನ್ನಾಭಿಪ್ರಾಯಗಳಿದ್ದು, ಅದು ಸಂಪೂರ್ಣ ಅವ್ಯವಸ್ಥೆ ಮತ್ತು ವಿನಾಶಕ್ಕೆ ಕಾರಣವಾಗುತ್ತದೆ.

ದೇವರು ಕುರಾನ್‌ನಲ್ಲಿ ಹೇಳುತ್ತಾನೆ:

ಸ್ವರ್ಗ ಮತ್ತು ಭೂಮಿಯಲ್ಲಿ ದೇವರ ಹೊರತಾಗಿ ಯಾವುದೇ ಆರಾಧನೆಯ ಯೋಗ್ಯರು ಇದ್ದಿದ್ದರೆ, ಆಕಾಶ ಮತ್ತು ಭೂಮಿ ಎರಡರಲ್ಲೂ ಅವ್ಯವಸ್ಥೆ ಮತ್ತು ಗೊಂದಲ ಇರುತ್ತಿತ್ತು. ಸಿಂಹಾಸನದ ಅಧಿಪತಿಯಾದ ದೇವರು, ಅವರು ಪ್ರತಿಪಾದಿಸುವ ವಿಷಯಗಳನ್ನು ಮೀರಿದವನು.

ಅಧ್ಯಾಯ 21: ಸೂಕ್ತಿ 22

ಸನ್ನಿವೇಶ 2: ಎರಡು ದೇವರುಗಳು ಯಾವಾಗಲೂ ಎಲ್ಲ ವಿಷಯಗಳಲ್ಲಿ “ಒಪ್ಪಿಕೊಳ್ಳುತ್ತಾರೆ”

ಎರಡು ದೇವರುಗಳು ಯಾವಾಗಲೂ ಎಲ್ಲ ವಿಷಯಗಳ್ಳಿ ಒಪ್ಪುತ್ತಾರೆ ಎಂದು ನಾವು ಭಾವಿಸಿದರೆ, ನಮಗೆ ಇಬ್ಬರು ದೇವರುಗಳು ಏಕಾದರೂ ಬೇಕು? ಉದಾಹರಣೆಗೆ, ಶಾಲೆಯೊಂದರಲ್ಲಿ ನಾವು ಯಾವಾಗಲೂ ಒಂದೇ ನಿರ್ಧಾರವನ್ನು ತೆಗೆದುಕೊಳ್ಳುವ ಇಬ್ಬರು ಮುಖ್ಯೋಪಾಧ್ಯಾಯರಿದ್ದರೆ, ನಮಗೆ ಇಬ್ಬರು ಏಕೆ ಬೇಕು? ಇಬ್ಬರು ಮುಖ್ಯೋಪಾಧ್ಯಾಯರನ್ನು ಹೊಂದಿರುವುದು ಯಾವುದೇ ಉದ್ದೇಶವನ್ನು ಪೂರೈಸದ ಕಾರಣ ಒಬ್ಬ ಮುಖ್ಯೋಪಾಧ್ಯಾಯರು ಸಾಕಾಗುತ್ತಾರೆ.

ನಾವು ಈ ಸನ್ನಿವೇಶವನ್ನು ಜಗತ್ತಿನಲ್ಲಿ ಸಂಭವಿಸುವ ಲಕ್ಷಾಂತರ ಸಮಸ್ಯೆಗಳಿಗೆ ಅನ್ವಯಿಸಿದರೆ, ನಾವು ಯಾವುದೇ ಭಿನ್ನಾಭಿಪ್ರಾಯ ಅಥವಾ ಸಂಘರ್ಷವಿಲ್ಲದೆ ಎಲ್ಲಾ ವಿಷಯಗಳ ಬಗ್ಗೆ ಎಲ್ಲಾ ದೇವರು ಒಪ್ಪಿಕೊಳ್ಳುತ್ತಾರೆ ಎಂದಂತಾಯಿತು. ಇದು ಕೇವಲ ಅಸಂಭವ ಮಾತ್ರವಲ್ಲದೆ ಎಲ್ಲಾ ವಿಷಯಗಳ ಬಗ್ಗೆ ಒಪ್ಪಿಕೊಳ್ಳುವ ಅನೇಕ ದೇವರುಗಳ ಉಪಸ್ಥಿತಿಯು ಯಾವುದೇ ಉದ್ದೇಶವನ್ನು ಪೂರೈಸುತ್ತಿಲ್ಲ ಎಂದು ತೋರಿಸುತ್ತದೆ.

ಸನ್ನಿವೇಶ 3: ಇಬ್ಬರು ದೇವರುಗಳ ನಡುವೆ ಭಿನ್ನಾಭಿಪ್ರಾಯವಿದ್ದು, ಒಬ್ಬ ದೇವರು ಇತರ ದೇವರ ನಿರ್ಧಾರಕ್ಕೆ “ಶರಣಾಗುತ್ತಾನೆ”.

‘ದೇವರು 1’ ‘ದೇವರು 2’ರ ನಿರ್ಧಾರವನ್ನು ಒಪ್ಪಿ ಶರಣಾದರೆ, ‘ದೇವರು 2’ ಹೆಚ್ಚು ಶಕ್ತಿಶಾಲಿ ಮತ್ತು ಪ್ರಬಲ ದೇವರಾಗಿ ಹೊರಹೊಮ್ಮುತ್ತಾನೆ. ಇದು ‘ದೇವರು 1’ ಅನ್ನು ‘ದೇವರು 2’ ಕ್ಕೆ ಅಧೀನವಾಗಿಸುತ್ತದೆ. ನಾವು ಈ ಸನ್ನಿವೇಶವನ್ನು ಎಚ್ಚರಿಕೆಯಿಂದ ಪರಿಶೀಲಿಸಿದರೆ, ‘ದೇವರು 1’ ‘ದೇವರು 2’ಕ್ಕೆ ಸಮಾನವಾಗಿಲ್ಲ ಮತ್ತು ಆದ್ದರಿಂದ ‘ದೇವರು 1’ ನಿಜವಾದ ಅರ್ಥದಲ್ಲಿ ‘ದೇವರು’ ಎಂದಾಗಲು ಸಾಧ್ಯವಿಲ್ಲ ಎಂದು ನಾವು ಅನ್ವಯಿಸಬಹುದು.

ನಾವು ಈ ಸನ್ನಿವೇಶವನ್ನು ಅನೇಕ ದೇವರುಗಳಿಗೆ ಅನ್ವಯಿಸಿದರೆ, ದೇವರುಗಳು ಒಬ್ಬ ದೇವರ ನಿರ್ಧಾರಕ್ಕೆ ವಿಧೇಯರಾಗುತ್ತಾರೆ ಎಂದು ನಾವು ಕಂಡುಕೊಳ್ಳುತ್ತೇವೆ. ಆದ್ದರಿಂದ “ದೇವರೆಂದು ಕರೆಯಲ್ಪಡುವವರು” ನಿಜವಾಗಿಯೂ ದೇವರಲ್ಲ ಏಕೆಂದರೆ ಅವರು ಅಧೀನರಾಗಿರುತ್ತಾರೆ ಮತ್ತು ಒಬ್ಬ ನಿಜವಾದ ಸರ್ವೋಚ್ಚ ದೇವರ ಚಿತ್ತಕ್ಕೆ ಅಧೀನರಾಗಿರುತ್ತಾರೆ.

ದೇವರು ಕುರಾನ್‌ನಲ್ಲಿ ಹೇಳುತ್ತಾನೆ:

ಸ್ವರ್ಗ ಮತ್ತು ಭೂಮಿಯಲ್ಲಿರುವ ಪ್ರತಿಯೊಬ್ಬರೂ ಸಂಪೂರ್ಣವಾಗಿ ಸಲ್ಲಿಸುವ ಸೇವಕರಾಗಿ ಕರುಣಾಮಯಿ ದೇವರ ಮುಂದೆ ಬರುತ್ತಾರೆ.

ಅಧ್ಯಾಯ 19: ಸೂಕ್ತಿ 93

ಕಡೆಯ ಮಾತು

ಈ ಬ್ರಹ್ಮಾಂಡದ ಅಸ್ತಿತ್ವ ಮತ್ತು ಅದರಲ್ಲಿ ನಾವು ಗಮನಿಸುವ ಪರಿಪೂರ್ಣ ಕ್ರಮವು ಅದರ ಎಲ್ಲಾ ವ್ಯವಹಾರಗಳನ್ನು ನಿರ್ವಹಿಸುವ ಮತ್ತು ನಿಯಂತ್ರಿಸುವ ಒಬ್ಬನೇ ಪರಮಾತ್ಮನಿದ್ದಾನೆ ಎಂಬುದಕ್ಕೆ ನಿರಾಕರಿಸಲಾಗದ ಪುರಾವೆಯಾಗಿದೆ.

ದೇವರು ಕುರಾನ್‌ನಲ್ಲಿ ಹೇಳುತ್ತಾನೆ:

ನಿಮ್ಮ ದೇವರು ಒಬ್ಬನೇ ದೇವರು. ಆರಾಧನೆ, ಸಲ್ಲಿಕೆ (ಶರಣಾಗತಿ) ಮತ್ತು ಗೌರವಕ್ಕೆ ಯೋಗ್ಯವಾದ ದೇವರಿಲ್ಲ, ಅವನನ್ನು ಹೊರತುಪಡಿಸಿ – ಅತ್ಯಂತ ದಯಾಮಯಿ, ಅತ್ಯಂತ ಕರುಣಾಮಯಿ.

ಅಧ್ಯಾಯ 2: ಸೂಕ್ತಿ 163
WHAT OTHERS ARE READING

Most Popular