Homeதமிழ்கேலரி
கேலரி

பேச்சு

பேச்சு பற்றி குர்ஆன், ஹதீஸின் படிப்பினைகள் கொண்ட போஸ்டர்களை பதிவிறக்கம் செய்யுங்கள். பதிவிறக்கம் செய்ய, போஸ்டரின் மேல் சற்று நேரம் விரலால் அழுத்தி, “டவுன்லோட்” ஐ அழுத்தவும்!
நீங்கள் பேசுவதெல்லாம் பதிவாகிறது - (மனிதன்) எதைப் பேசினாலும், அதை எழுதக் காத்துக் கொண்டிருக்கும் கண்காணிப்பாளர் அவனிடம் இல்லாமலில்லை. (அவன் வாயிலிருந்து வெளியாகும் ஒவ்வொரு வார்த்தையும் உடனுக்குடன் பதியப்படுகிறது.) - திருக்குர்ஆன் 50:18கவனமாக பேசுங்கள் - இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்: ஒரு மனிதர் இறைவனுக்கு பிடித்த ஒரு (நல்ல) வார்த்தையை, அதன் பலனை பற்றி யோசிக்காமல் பேசுகிறார். ஆனால் அவர் பேசியதன் காரணமாக, இறைவன் அவருடைய அந்தஸ்துகளை உயர்த்திவிடுகிறான். ஒரு மனிதர் இறைவனுக்கு வெறுப்பான ஒரு (கெட்ட) வார்த்தையை, அதன் பின்விளைவை பற்றி யோசிக்காமல் பேசுகிறார். ஆனால் அவர் பேசியதன் காரணமாக, அவர் நரக நெருப்பில் போய் விழுவார். - புகாரி # 6378நாவை அடக்குங்கள் - இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்களிடத்தில் ஒரு மனிதர்: ""(நரக நெருப்பிலிருந்து பாதுகாக்கப்பட்டு) சுவர்க்கம் செல்ல என்ன செய்ய வேண்டும்?"" என்று கேட்டார். ""உன் நாவை அடக்கிக் கொள், (பயனில்லாத, தேவையற்ற காரியங்களில் இருந்து விலகி) உன் காரியங்களில் கவனம் செலுத்து, நீ செய்த பாவங்களுக்காக (வருந்தி) அழு."" என்று இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் பதிலளித்தார்கள். - திர்மிதி # 2406உண்மையே பேசு! - இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்: ஒரு மனிதரின் கடவுள் நம்பிக்கை நேர்மையாக இருக்க, அவருடைய உள்ளம் நேர்மையாக இருக்க வேண்டும். அவருடைய உள்ளம் நேர்மையாக இருக்க, அவருடைய நாக்கு நேர்மையாக இருக்க வேண்டும். - முஸ்னத் அஹமத் # 13047எலும்பில்லாத நாக்கு - இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்: ஒரு மனிதர் காலையில் எழுந்ததும், எல்லா உறுப்புகளும் பணிவோடு நாவை நோக்கிக் கூறுகின்றன: ""எங்களுடைய விஷயத்தில் இறைவனை பயந்து கொள். ஏனென்றால், நாங்கள் உன்னுடன் தான் இருக்கின்றோம். நீ நேர்மையாக இருந்தால், நாங்கள் நேர்மையாக இருப்போம். நீ நேர்மையில்லாமல் இருந்தால், நாங்களும் நேர்மையில்லாமல் தான் இருப்போம்."" - திர்மிதி # 2407"நாவை பேணுங்கள் இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) நீண்ட நேரம் தன் நாக்கைப் பிடித்துக் காட்டி விட்டு இப்படி கூறினார்கள்: “இந்த நாவின் விஷயத்தில் தான் உங்களுக்காக நான் பயப்படுகிறேன். நல்லதை (மட்டும்) பேசி (அதற்கான) நன்மைகளை சம்பாதிக்கும் அல்லது மௌனமாக இருந்து (தீமையிலிருந்து விலகி) இருப்பவர் மீது இறைவனின் அருள் உண்டாக்கட்டும்." சில்ஸிலதுஸ் சஹிஹா # 2/510பொய் நரகத்திற்கு வழி வகுக்கும் இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்:பொய் தீமைக்கு வழி வகுக்கும். தீமை நரகத்திற்கு வழி வகுக்கும். பொய்களைச் சொல்லிக்கொண்டே இருப்பவர் இறைவனால் பொய்யர் என்று கருதப்படுகிறார். சஹீஹ் முஸ்லிம் # 2607யார் உண்மையான முஸ்லிம்? "இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்: யாருடைய நாவு மற்றும் கைகளின் தீங்கிலிருந்து மக்கள் பாதுகாப்புப் பெற்று இருக்கிறார்களோ அவர் தான் (உண்மையான) முஸ்லிம். (அதாவது தீய பேச்சு தீய செயல் இவற்றிலிருந்து மக்கள் பாதுகாப்புப் பெற்றிருக்க வேண்டும்.)" நஸாயி: 4995அமைதியையும் கருணையையும் வெளிப்படுத்துவோம்! ஒருவர் இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்களிடம் ‘இஸ்லாமி(யப் பண்புகளி)ல் மிகவும் சிறந்தது எது?’ என்று கேட்டார். அதற்கு இறைத்தூதர் அவர்கள் ‘(பசித்தவருக்கு) உணவளிப்பதும் உமக்கு அறிமுகமானவருக்கும் உமக்கு அறிமுகமற்றவருக்கும் "ஸலாம்" (உங்கள் மீது இறைவனின் சாந்தியும் சமாதானமும் உண்டாவதாக என்று) சொல்வதுமாகும் ’ என்று பதிலளித்தார்கள். நஸாயி: 5000நீங்கள் தீமையை கண்டால்... "இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்: உங்களில் ஒருவர் ஒரு தீமையைக் கண்டால் அவர் அதைத் தனது கைகளால் தடுக்கட்டும். அது முடியாவிட்டால் தனது நாவால் (பேசித் தடுக்கட்டும்). அதுவும் முடியாவிட்டால் தனது உள்ளத்தால் (தீமை என்பதை உணர்ந்து அதை வெறுத்து ஒதுக்கட்டும்). இந்த (இறுதி) நிலை இறைநம்பிக்கையின் பலவீனமான நிலையாகும்." நஸாயி: 5009உண்மை சொர்கத்திற்கு வழிகாட்டும் இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) கூறினார்கள்:உண்மை நன்மைக்கு வழிகாட்டும். நன்மை சொர்கத்திற்கு வழிகாட்டும். உண்மையைப் பேச முயற்சிப்பவர் இறைவனால் உண்மையாளர் என்று கருதப்படுகிறார். சஹீஹ் முஸ்லிம் # 2607பேச்சில் நேர்மை இறைநம்பிக்கையாளர்களே! இறைவனை அஞ்சுங்கள். (எந்நிலையிலும்) நேர்மையான பேச்சை பேசுங்கள். திருக்குர்ஆன் 33 : 70
WHAT OTHERS ARE READING

Most Popular