Homeதமிழ்கேலரி
கேலரி

கோபம்

கோபம் பற்றி குர்ஆன், ஹதீஸின் படிப்பினைகள் கொண்ட போஸ்டர்களை பதிவிறக்கம் செய்யுங்கள். பதிவிறக்கம் செய்ய, போஸ்டரின் மேல் சற்று நேரம் விரலால் அழுத்தி, “டவுன்லோட்” ஐ அழுத்தவும்!
கோபப்படாதே! ஒருவர் இறுதி இறைத்தூதர் அவர்களிடம் வந்து, "எனக்கு அறிவுரை கூறுங்கள்" என்றார். இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள்: "கோபத்தைக் கைவிடு" என்று (அறிவுரை) கூறினார்கள். அந்த மனிதர் ('எனக்கு அறிவுரை கூறுங்கள்' என்று) பல முறை கேட்டபோதும், இறுதி இறைத்தூதர் அவர்கள், "கோபத்தைக் கைவிடு" என்றே (அறிவுரை) கூறினார்கள். புகாரி # 6116பலசாலி யார்? இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:மக்களைத் தன்னுடைய பலத்தால் அடித்து வீழ்த்துபவன் பலசாலி அல்ல. கோபத்தின் போது தன்னைக் கட்டுப்படுத்திக் கொள்பவனே உண்மையான பலசாலி. புகாரி # 6114கோபத்தை அடக்குகிறீர்களா? (பயபக்தியுடையவர்கள் யாரென்றால்) அவர்கள் வசதியுள்ள நிலையிலும், வசதியற்ற நிலையிலும் (தர்மத்தில்) செலவழிப்பார்கள். தங்கள் கோபத்தை அடக்கிக் கொள்வார்கள். மேலும் (பிறரின் தவறுகளை) மன்னித்து விடுவார்கள். இப்படிப்பட்ட சிறந்த குணமுடையவர்களை இறைவன் நேசிக்கிறான். திருக்குர்ஆன் 3:134சுவர்க்கம் வேண்டுமென்றால்.... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:நீங்கள் கோபத்தை கட்டுப்படுத்திக் கொண்டால், சுவர்க்கம் உங்களுக்கே! சஹீஹ் ஜாமிஹ் # 7374கோபத்தைக் கட்டுப்படுத்தினால்.... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:கோபத்தை வெளிப்படுத்த சந்தர்ப்பம் இருந்தும், யார் தன் கோபத்தைக் கட்டுப்படுத்திக் கொள்கிறாரோ, (இறந்த பின் உள்ள) நியாயத் தீர்ப்பு நாளில், அவருடைய உள்ளத்தை, இறைவன் திருப்தியினால் நிரப்புவான். (நியாயத் தீர்ப்பு நாளில் அவருக்கு முழு திருப்தி கிடைக்கும்.) சஹீஹ் ஜாமிஹ் # 176கோபத்தை அடக்க... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:ஒருவர் கோபப்படும் போது, "நான் இறைவனிடத்தில் பாதுகாப்பு தேடுகிறேன்" என்று சொன்னால், அவருடைய கோபம் அடங்கி விடும். சஹீஹ் ஜாமிஹ் # 695கோபமும், மௌனமும்! இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:உங்களுக்கு கோபம் வரும் போது, மௌனமாக இருங்கள். உங்களுக்கு கோபம் வரும் போது, மௌனமாக இருங்கள். (இறுதி இறைத்தூதர் அவர்கள் இந்த அறிவுரையை இரண்டு முறை கூறினார்கள்.) அதபுல் முப்ரத் # 1320கடும் கோபம் ஏற்பட்டால்... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:நிச்சயமாக, கோபம் என்பது ஆதமுடைய மகனின் (மனிதர்களின்) உள்ளத்தில் எரியும் நெருப்பு (போன்றதாகும்). (கோபத்தின் உச்சியில் உள்ள) அவருடைய கண்களின் சிவப்பிலும், அவரது நரம்புகள் புடைப்பதிலும், நீங்கள் அதைக் காணலாம். யாருக்கு இப்படி கோபம் ஏற்படுகிறதோ, அவர் கீழே படுத்து கொள்ளட்டும். திர்மிதி # 2191கோபம் வந்தால்... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:உங்களில் ஒருவருக்கு நின்று கொண்டிருக்கும் போது கோபம் ஏற்பட்டால், அவர் உட்கார்ந்து கொள்ளட்டும். அதன் பிறகும் கோபம் அவரை விட்டு விலகவில்லை என்றால், அவர் கீழே படுத்துக் கொள்ளட்டும். அபு தாவூத் # 4782நீங்கள் கோபத்தை அடக்கினால்... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:யார் கோபத்தைக் கட்டுப்படுத்துகிறாரோ, அவருக்கு தன்னுடைய தண்டனையிலிருந்து இறைவன் பாதுகாப்பு தருவான். சில்ஸிலதுஸ் சஹிஹா # 2360கோபத்தின் போதும் நீதி.... இறுதி இறைத்தூதர் முஹம்மது (அவரின் மீது இறைவனின் சாந்தி உண்டாகட்டும்) அவர்கள் கூறினார்கள்:மூன்று விஷயங்கள் ஒருவரைக் காப்பாற்றும்: தனிமையிலும், பொது வாழ்க்கையிலும் இறைவனுக்கு பணிந்து நடப்பது, அமைதியான நிலையிலும், கோபமான நிலையிலும் நீதி செலுத்துவது, மற்றும் வறுமையான சூழ்நிலையிலும், செழிப்பான சூழ்நிலையிலும் தானம் செய்வது. சஹீஹ் ஜாமிஹ் # 3039
WHAT OTHERS ARE READING

Most Popular